झलारी: शुक्लाफाँटा नगरपालिकाले जनचेतना मूलक कार्यक्रम गर्दै नारी दिवस मनाउने भएको छ। आज शुक्लाफाँटाका अग्रज महिलाहरु र नगरपालिकाको महिला तथा बालबालिका शाखाबीच भएको छलफलमा जनचेतनामूलक कार्यक्रम गर्दै नरी दिवस मनाउने समझदारी भएको हो। नारी दिवसमा नगरपालिकाभित्रको कला, संस्कृति प्रदर्शन, सडक नाटक प्रदर्शनलगायतका कार्यक्रम गरिने प्रमुख प्रशासकीय अधिकृत टिकेन्द्रराज भट्टले बताए। ‘आज नगरपालिकामा यस क्षेत्रका अग्रज महिलाहरुसँग छलफल भएको थियो, नारी दिवस झलारीको खुल्ला मञ्चमा कार्यक्रम गरि भव्य रुपमा मनाइनेछ,’ उनले भने, ‘त्यहाँ स्थानीय कला, संस्कृतिको प्रर्वद्धन तथा जनचेतना मूलक कार्यक्रम गरिनेछ।’ अन्तरराष्ट्रिय नारी दिवस प्रत्येक वर्ष ८ मार्चमा विश्वभरी मनाइन्छ। राजनितिक तवरबाट शुरु भएको भएता पनि हाल महिला अधिकार, महिला…
Author: महेन्द्रनगर पोष्ट
धनगढीः नेकपा एकीकृत समाजवादी निकट विद्यार्थी संगठनका स्थायी कमिटी सदस्य तथा कैलाली जिल्ला ईन्चार्ज कुबेर खड्काले नेकपा एमाले प्रवेश गरेका छन्। खड्काले एकीकृत समाजवादी र समाजपादी निकट विद्यार्थी संगठन त्गागेर आइतवार एमाले प्रवेश गरेका हुन्। उनलाई एमालेका पोलिट्व्युरो सदस्य तथा पार्टी कैलाली जिल्ला इन्चार्ज नारदमुनि रानाले स्वागत गरेका थिए। एमाले नै विद्यार्थीहरुको लागि लड्ने पार्टी र संगठन भएकोले आफू एमालेका आएको खड्काको भनाइ छ। उनी नेकपा विभाजनका बेला समाजवादीमा लागेका थिए।
धनगढीः सुदूरपश्चिमका मुख्यमन्त्री कमल बहादुर शाहले भ्रष्टाचारविरुद्ध कठोर रुपमा प्रस्तुत हुने बताएका छन्। प्रदेश सभाको बैठकलाई सम्बोधन गर्दै शाहले सबैको साझा प्रतिनिधिको रुपमा काम गर्ने बताएका हुन्। ‘सबैको साझा प्रतिनिधिको रुपमा काम गर्नेछुँ,’ उनले भने, ‘समृद्ध सुदूरपश्चिम बनाउने अभियानमा लाग्ने छुँ।’ संघीयतालाई बलियो बनाउने गरी काम गर्ने उनले बताए। ‘प्रत्येक कदम संघीयतालाई बलियो बनाउने गरेर चाल्ने छुँ,’ उनले भने, ‘प्रदेश सम्बन्धी उठेको नकारात्मक आवाजलाई निस्तेज गर्ने गरी काम गर्ने प्रतिबद्धता गर्छँ।’
धनगढी : नेकपा माओवादी केन्द्र सुदूरपश्चिम प्रदेश सभाका संसदीय दलका नेता खगराज भट्टले आफ्नो पार्टी सरकारमा सहभागी भएपनि खबरदारी गर्ने भूमिकामा रहने जनाएका छन्। प्रदेश सभा बैठकमा बोल्दै उनले माओवादी सत्ताभित्र प्रतिपक्षको भूमिकामा रहने बताउँदै मुख्यमन्त्री कमल बहादुर शाहलाई विश्वासको मत दिने बताएका हुन्। माओवादी केन्द्रले शाहलाई विश्वासको मत दिने निर्णय गरेसँगै सत्ता पक्षको बेञ्चमा बसेको छ। राजनीतिक दलहरु प्रतिस्पर्धी नभएर मिलेर अगाडि बढ्नु पर्ने बताउँदै भट्टले प्रतिपक्षी दलले पनि सत्ताधारी भूमिका खेल्नु पर्नेमा जोड दिए। ‘दलहरु प्रतिस्पर्धी भएर होइन, परिपुरक भएर अगाडि बढ्नु पर्छ भन्ने बुझाइले आज हामी सरकारको पक्षमा उभिएका छौँ,’ उनले भने, ‘त्यसैले हामी सत्ता पक्षभित्र पनि…
कैलालीः भोलि सुदूरपश्चिम प्रदेशका मुख्यमन्त्री कमल शाहले विश्वासको मत लिँदै छन्। मुख्यमन्त्री शाहलाई विश्वासको मत दिने या नदिने भन्ने विषयमा माओवादी भित्र तीव्र विवाद पैदा भएको छ। केही बेर अघि माओवादी संसदीय दलका नेता खगराज भट्टले संसदीय बैठकले माओवादीले विश्वासको मत नदिने निर्णय भएको जानकारी दिएका थिए । माओवादी संसदीय दलका नेताले अभिव्यक्ति दिए लगत्तै माओवादी सांसदले नै त्यसको खण्डन गरेका छन् । माओवादी सांसद ओम विक्रम भाट सरलले सामाजिक सञ्जाल मार्फत त्यस्तो निर्णय नभएको बताएका हुन् । ‘माओवादी केन्द्र सुदूरपश्चिम प्रदेश संसदीय दलले प्रदेश सरकारलाई विश्वासको मत दिने नदिने विषयमा कुनै निर्णय गरेको छैन । हामी निरन्तर छलफलमै छौँ’…
कैलालीः सुदूरपश्चिम प्रदेश सरकारलाई विश्वासको मत नदिने निर्णय गरिएको माओवादी संसदीय दलका नेता खगराज भट्टले बताएका छन् । प्रदेशका मुख्यमन्त्री कमल शाहलाई भेटेर फर्किएपछि भट्टले आफ्नो पार्टीले गरेको निर्णय बारे पत्रकारहरूलाई जानकारी गराएका थिए । ‘हिजोको सहमति अनुसार मुख्यमन्त्री माओवादी केन्द्रले पाउनु पर्छ’ उनले भने ‘यसमै पूरक निर्णयको रूपमा यथास्थितिमा विश्वासको मत दिन नसकिने निर्णय गरेका छौँ । ’ उनले आफ्नो पार्टीले गरेको निर्णय बारे मुख्यमन्त्रीलाई जानकारी गराएको बताए । यस अघि कांग्रेस सभापति शेरबहादुर देउवा र माओवादी अध्यक्ष पुष्पकमल दाहाल प्रचण्डले सुदूरपश्चिम प्रदेशको मुख्यमन्त्री माओवादीलाई दिने बताएको समेत भट्टको भनाइ थियो । भोलि मुख्यमन्त्री कमल शाहले विश्वासको मत लिँदै…
धनगढीः कैलालीमा एउटै रुखमा झुण्डिएर आत्महत्या गरेका महिला र पुरुष प्रेम सम्बन्धमा रहेको खुलेको छ। जिल्ला प्रहरी कार्यालय कैलालीका अनुसार प्रेम सम्बन्धका बारेमा घरपरिवार र गाउँमा गाइँगुइँ चलेपछि लोकलाजका कारण उनीहरुले आत्महत्या गरेको खुलेको हो। कैलारी गाउँपालिका–७ बसन्ताका ५८ वर्षीय गेदुराज दास र सोही ठाउँकी ४५ वर्षीया ललिता देवी चौधरी बुधबार एउटै रुखमा डोरीले झुण्डिएको अवस्थामा मृत भेटिएका थिए। खरौला सामुदायिक वनभित्र इन्जलको रुखमा उनीहरु झुण्डिएका थिए। प्रहरीका अनुसार मृतक गेदुराज र ललिता प्रेम सम्बन्धमा थिए। बिबाहित दुवै जनाको घरमा छोरा–छोरी पनि छन्। गेदुराज र ललिताको घरको दूरी करिब एक किलोमिटरको छ। दुवै जनाको मेलापात तथा गोठालो जाने एउटै वन…
धनगढीः प्रतिनिधिसभाको निर्वाचनमा टिकट नपाएपछि पार्टीका गतिविधिमा नदेखिएका नेकपा एमालेका नेता तथा पूर्वउपप्रधानमन्त्री डा भीम रावले शुक्रबार गृहजिल्ला अछामबाट कार्यक्षेत्रमा फर्किएका छन्। एमाले केन्द्रीय कार्यालयले सञ्चालन गरेको २ महिने ‘मिसन ग्रासरुट’ अभियानअन्तर्गत साँफेबगर नगर कमिटीले आयोजना गरेको अभिमुखीकरण कार्यक्रममा रावल सहभागी भएका हुन्। नगरस्तरीय अभिमुखीकरण कार्यक्रममा सहभागी हुन रावल साँफेबगर पुग्दा कार्यकर्ताले नाराबाजी गरेर उनको स्वागत गरेका थिए। रावल निर्वाचनको बेला पनि मतदान गर्नमात्र अछाम पुगेका थिए। एमालेको महाधिवेशनमा अध्यक्ष पदमा पराजित भएपछि उनी पार्टीका कुनै पनि कमिटीमा छैनन्। उनलाई पनि पार्टीले कुनै जिम्मेवारी दिएको छैन। उनी स्वतन्त्र अभिव्यक्ति दिँदै हिँडेका छन्। रावललाई नेकपा एसमा प्रवेशका लागि माधव नेपाललगायतका नेताहरुले…
धनगढीः जयपृथ्वी नगरपालिका–१० चैनपुरस्थित बाहुँलीगाड किनारमा बेवारिसे अवस्थामा नवजात शिशुको शव फेला परेको छ। बाहुँलीगाडको किनारमा निर्माणाधीन बसपार्क नजिक सालनाल सहित बालुवामा गुटमुटिएको अवस्थामा शिशुको शव फेला परेको जिल्ला प्रहरी कार्यालय बझाङले जनाएको छ। शिशुको शव पोष्टमार्टमका लागि जिल्ला अस्पताल सिमखेत लगिएको छ। उक्त स्थानमा प्रहरी टोली खटाई शव फाल्नेको खोजी भैरहेको प्रहरीको भनाई छ। शिशुलाई कस्ले फालेको हो भन्ने कुरा पत्ता नलागेको र घटनाको अनुसन्धान थालिसकेको प्रहरीले जनाएको छ।
धनगढीः सुदूरपश्चिममा भुकम्पीय जोखिमलाई ध्यानमा राखेर सुरक्षाको माग गर्दै सागर ढकालसहितका युवाले मुख्यमन्त्री कमलबहादुर शाहलाई ज्ञापन पत्र बुझाएका छन्। शुक्रबार धनगढीस्थित मुख्यमन्त्री शाहको निवासमै पुगेर डडेल्धुराबाट प्रतिनिधिसभा सदस्यका उम्मेदवार रहेका ढकालले पश्चिम नेपालमा भुकम्प जाने जोखिम भएका कारण सम्भावित जोखिमलाई ध्यानमा राखेर पूर्व तयारी थाल्न प्रदेश सरकारलाई आग्रह गरेका हुन्। सुदूरपश्चिमको संस्कार र संस्कृति जोगाउन भूमिका खेल्न, राजनीतिक पहुँच र शक्तिलाई निस्तेज गर्दै विज्ञानलाई आधार मानेर योजना छनोट गर्नुपर्ने, स्कुलहरुमा टाई सर्ट लगाउन भन्दा प्रदेशका रैथाने शैलीका पोशाक लगाउन र अनुसन्धान बजेट पालिकामा बढाउन माग गरिएको छ। ढकालसहितका युवाले उठाएका मागमा राष्ट्रिय स्वतन्त्र पार्टीले समेत समर्थन गरेका छ। राष्ट्रिय स्वतन्त्र…