दार्चुला – पेट्रोलियम पदार्थको मूल्यवृद्धि तत्काल फिर्ता लिन सरकारसँग माग गर्दै अनेरास्ववियु जिल्ला कमिटि दार्चुलाले प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको छ । गठनबन्ध सरकारले निरन्तर रुपमा नेपाली जनताको ढाड सेक्ने गरि पेट्रोलियम पदार्थमा मुल्य बृद्धि गरेको भन्दै तत्काल फिर्ता गरि पुरानै मुल्य कायम गर्न माग सहीत ज्ञापनपत्र बुझाएको हो । अनेरास्ववियु जिल्ला अध्यक्ष गणेश सामन्त द्धारा हस्ताक्षरित विज्ञप्तीमा पेट्रोलमा २१ रुपैया, डिजेल र मट्टितेलमा २७ रुपैँया मुल्य बृद्धि गरेको प्रती संगठनको गम्भीर ध्यानाकर्षण भएको जनाउदै निरन्तर बढेको मुल्य बृद्धिको समायोजन र कालोबजारीको तत्काल अनुगमन गरी मुल्य बृद्धि फिर्ता लिन माग गरेको छ । तत्काल फिर्ता नभए संगठनको…
Author: महेन्द्रनगर पोष्ट
काठमाडौं – विवेकशील साझा पार्टीका पूर्वअध्यक्ष रवीन्द्र मिश्रले आफूले पार्टी निर्माण गर्दा गरेको कमजोरीबाट पाठ सिक्न रवि लामिछानेलाई सुझाएका छन् । लामिछानेले मंगलबार आफ्नो नेतृत्वमा राष्ट्रिय स्वतन्त्र पार्टी घोषणा गरेका थिए । सामाजिक सञ्जाल फेसबुकमार्फत् मिश्रले लामिछाने आशा गरेको थोरै मान्छेमा पर्ने भएकाले कमजोरीबाट पाठ सिक्न अनुरोध गरेका हुन् । ‘तिमी सानै हुँदादेखि चिनेकोले मैले ‘तिमी’ भनेर सम्बोधन गर्ने थोरै मान्छेमा पर्छौ तिमी । मैले आशा गरेको थोरै मान्छेमा पर्छौ तिमी’, मिश्रले सामाजिक सञ्जाल फेसबुकमा लेख्दै भनेका छन्, ‘पार्टी निर्माणको क्रममा हामीले गरेको कमजोरीबाट धेरैभन्दा धेरै सिक्ने प्रयास गर । तिम्रो सफलताका लागि हृदयदेखि शुभकामना व्यक्त गर्दछु ।’
काठमाडाैं – नेपाली कांग्रेसका महामन्त्रीद्वय गगनकुमार थापा र विश्वप्रकाश शर्माले विदेशमा रहेका नेपाली नागरिकलाई मतदानको अधिकारको व्यवस्था गर्न माग गरेका छन्। महामन्त्रीद्वय थापा र शर्माले आज प्रमुख निर्वाचन आयुक्त दिनेशकुमार थपलियालाई भेटेर सर्वोच्च अदालतले समेत विदेशमा रहेका नेपाली नागरिकलाई मतदानको अधिकारको बारेमा आदेश दिइसकेकाले सोहीअनुसार निर्णय गर्न आयोगको ध्यानाकर्षण गराएका हुन्। कांग्रेसको केन्द्रीय कार्यसमितिमा समेत विदेशमा बसेका नेपाली नागरिकलाई मतदानको अधिकारको व्यवस्था गर्नेबारे निर्णय भइसकेको भन्दै निर्वाचन आयोगले उक्त कार्यको लागि आवश्यक पर्ने ऐन, कानुन निर्माणमा अग्रसरताका लागि विभिन्न राजनीतिक दल र सरकारसँग सहयोगमा अगाडि बढ्न आग्रह गरिएको महामन्त्री शर्माले जानकारी दिए। “विदेशमा रहेका ४० लाख नेपालीको नोटमात्र नभएर भोट…
काठमाडौं – धितोपत्र बोर्ड लगानीकर्ताका माग सम्बोधन गर्न तयार भएको छ । सेयर लगानीकर्ताले पुँजी बजार सुधारका लागि भन्दै राखेका मागहरु सम्बोधन गर्नका लागि बोर्ड तयार भएको हो । सो संघर्ष समितिले पुँजी बजार सुधारको लागि भन्दै १९ बुँदे माग राखेका छन् । समितिले गत जेठ २३ गतेमात्रै नेपाल धितोपत्र बोर्डका अध्यक्ष रमेशकुमार हमाललाई सो माग बुझाएका थिए । बोर्डले माग पुरा नगरेको भन्दै पुँजी बजार सुधार समितिका संयोजक तिलक कोइराला अनसनमा छन् । उनी अनसा बसेको आज ७ दिन बितिसकेको छ । धितोत्रि बोर्डका अध्यक्ष रमेशकुमार हमालले आफु लगानीकर्ताका माग सम्बोधन गर्न तयार भएको बताएका छन् । उनले लगानीकर्ताका…
काठमाडौं – एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम खेलमा नेपाल हङ्कङसँग सात विकेटले पराजित भएको हो । नेपालले दिएको १०९ रनको विजयी लक्ष्य पच्छाएको हङकङ्ले १५ दशमलव ५ ओभरमा ६ विकेट गुमाएर पूरा गर्यो । हङकङको लागि मारिको हिलले सर्वाधिक ४५ रनको योगदान दिइन भने नताषा मिल्सले अविजित २८ तथा कप्तान कारी चानले १७ रन जोडिन । बलिङमा नेपालकी सङ्गीता राईले दुई तथा सीता मगरले एक विकेट लिइन् । त्यसअघि टस जितेर पहिले ब्याटिङ थालेको नेपालले निर्धारित २० ओभरमा ६ विकेट गुमाएर १०९ रन बनाएको थियो…
काठमाडौं – पूर्वप्रधानमन्त्री तथा नेकपा एमालेका अध्यक्ष केपी शर्मा ओलीले महत्त्वपूर्ण विषयमा सरकारले प्रतिपक्षसँग सल्लाह नगरेको गुनासो गरेका छन् । उनले सरकारले विभिन्न निर्णय गर्नुअघि प्रतिपक्षसँग छलफल नगरेको उनले बताए । पूर्वराजदूतहरूसँगको अन्तरक्रिया कार्यक्रममा उनले प्रतिपक्ष भनेको वैकल्पिक सरकार भएको बताए । सरकारले महत्त्वपूर्ण विषयमा निर्णय लिनुअघि प्रतिपक्षसँग मात्र नभएर विज्ञहरुसँग पनि परामर्श गर्नुपर्ने उनको भनाइ छ ।प्रधानमन्त्री विदेश भ्रमणमा जानु अघि प्रतिपक्ष तथा दलहरूसँग छलफल गर्ने, विज्ञहरुसँग छलफल गरेर सुझाव लिनुपर्नेमा सरकारले त्यस्तो नगरेको उनले बताए । उनले भने, ‘प्रतिपक्षसँग छलफल र वार्ता गर्नुस् भनेर मेरो माग होइन, नगरी चल्छ भने चलाउनुस् ।’ नेपालमा राष्ट्रियता सुदृढ रहेको र नेपाली…
काठमाडौँ – प्रतिनिधिसभाको बैठकमा नेकपा (एमाले) का प्रमुख सचेतक विशाल भट्टराईले धितोपत्र बोर्डमा सुधार ल्याएर शेयर कारोबारमा लगानीलाई सुरक्षित बनाउन सरकारको ध्यानाकर्षण गराए । प्रतिनिधिसभाको आजको बैठकमा समय माग गर्दै उनले शेयर बजारमा सुधारको सङ्केत नदिँदा धितोपत्र बोर्डमा आबद्ध ५२ लाख डिम्याटकर्ताको लगानी जोखिममा परेको हुँदा सरकारले तत्काल सुधार गर्न ध्यानाकर्षण गराएका हुन् । ‘एक जना नेताले शेयर बजार जुवाजस्तै हो भने, त्यसपछि अर्थमन्त्रीले लगानीकर्तासँग गरेको सम्झौता पनि कार्यान्वयन हुन सकेन,’ सांसद भट्टराईले भने, ‘लगानीकर्ताले सेयर बजारको सुधार गर्न माग गर्दै तिलक कोइराला आमरण अनशनमा छन्, त्यसतर्फ सरकारले ध्यान दिनुपर्छ ।’ उनले नेपाल राष्ट्र बैङ्कले जोखिम उठाएर भए पनि आफ्नो…
काठमाडौं – एमाले सांसद भीम रावलले धेरै ठूलो दबाबपछि स्टेट पार्टनरसिप प्रोग्राम (एसपीपी) अस्वीकार गर्ने निर्णय गरेकोमा धन्यवाद दिएका छन् । उनले सत्ता पक्षकै सांसदहरूको जोडबल र प्रमुख प्रतिपक्ष दलको दबाबकै कारण सरकारले एसपीपी अस्वीकार गर्ने निर्णय गरेको बताए । तर, प्रधानमन्त्री शेरबहादुर देउवाले अझै पनि एसपीपी अघि बढाउने हुन् कि भन्ने आशंका रहेको बताए । सोमबार बसेको मन्त्रिपरिषद् बैठकले एसपीपी स्वीकार गर्न नसक्ने पत्र पठाउने निर्णय गरेकाले अझै पनि संशय रहेको बताए । प्रधानमन्त्री देउवा नै अन्तर्राष्ट्रिय सम्बन्ध समितिको बैठकमा उपस्थित नभएर संसदीय समितिको मानमार्दन गरेको आरोप लगाए । नेता रावलले प्रधानमन्त्री संसदीय समिति बैठकमा नआउने बरु बालुवाटारमा पाँचदलीय…
काठमाडौं –रवि लामिछाने आफूले निर्माण गरेको नयाँ पार्टी आजै दर्ता गर्न जाने भएका छन् । उनले आज (मंगलबार) राष्ट्रिय सभागृहमा आयोजित कार्यक्रममा एक कार्यक्रम मार्फत ‘राष्ट्रिय स्वतन्त्र पार्टी’ निर्माणको आज घोषणा गरेका थिए । सभागृहमा आयोजित कार्यक्रममा लामिछानेले आफ्नो पार्टीको प्रस्तावित चुनाव चिन्ह पनि सार्वजनिक गरे । उनका अनुसार पार्टीले निर्वाचन आयोगमा घण्टी चुनाव चिन्हको माग गर्नेछ । ‘हामी भ्रष्टहरूको दिमागमा घण्टी बजाउनेछौँ,’ लामिछानेले भने । लामिछानेले निर्वाचन आयोगबाट फर्केर आजै पार्टीको बैठक बस्ने जानकारी दिए । पार्टी अगाडि बढाउन २१ सदस्यीय प्रारम्भिक कमिटी गठन गरिएको उनले बताएका छन् ।
काठमाडौं – वायु सेवा सञ्चालक संघ नेपालले भोलि (बुधबार) देखि देशभर हवाई उडान बन्द गर्ने घोषणा गरेको छ। संघले मंगलबार काठमाडौंमा पत्रकार सम्मेलन गर्दै सरकारले विभिन्न कम्पनीका ५५ वटा जहाज र हेलिकप्टरहरूले राती काठमाडौंबाहिर तोकिएको आधार विमानस्थलमा पार्किङ गर्नुपर्ने भनी गरेको निर्णयको विरोधमा आफ्ना विमान र हेलिकप्टर नचलाउने निर्णय गरेको हो। सरकारले गरेको निर्णयमा चित्त नबुझै कारण संघले अत्यावश्यक सेवामा बन्दको घोषणा गरेको हो। ‘बाध्यात्मक रूपमा यस संघसंग आवद्ध सम्पूर्ण हेलिकप्टर तथा हवाई सेवा कम्पनीहरूले प्रदान गर्दै आएका आपतकालीन उद्धारलगायत नियमित उडानहरू मिति २०७९।०३।०८ गतेबाट स्थगित गरिएको व्यहोरा जानकारी गराउन चाहन्छौं,’ संघको विज्ञप्तिमा भनिएको छ। प्राधिकरणका अनुसार हाल ११ वटा हेलिकप्टर कम्पनीका…