काठमाडौं – नेपाली बजारमा सुनको मूल्यमा आज पनि बढेको छ । हिजो सुनको मूल्य प्रतितोला ९७ हजार ३ सय रुपैयाँमा कारोबार भएकोमा आज तोलामा ४ सय रुपैयाँले बढेको हो । आइतबार सुनको मूल्य तोलामा दुई सय रुपैयाँले बढेको थियो । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ९७ हजार ७ सय रुपैयाँ रहेको छ भने तेजावी सुनको मूल्य प्रतितोला ९७ हजार २ सय रुपैयाँ रहेको छ । त्यस्तै, आज चाँदीको मूल्यमा पनि बढेको छ । हिजो चाँदीको मूल्य प्रतितोला १२४५ रुपैयाँमा कारोबार भएकोमा आज बढेर प्रतितोला १२५५ रुपैयाँ मूल्य कायम भएको महासंघले जनाएको छ ।
Author: महेन्द्रनगर पोष्ट
काठमाडौं – नेपाल प्रहरीको आईजीपी बढुवाविरुद्धको मुद्दाको अन्तिम सुनुवाइ आज हुँदैछ । कामु प्रधानन्यायाधीश दीपककुमार कार्की र कुमार चुँडालको संयुक्त इजलासमा भइरहेको सुनुवाइमा आज सरकारी पक्षका कानुन व्यवसायीले बहस सुरु गर्नेछन् । एआईजी विश्वराज पोखरेलले आफूभन्दा १७ महिना जुनियर धिरजप्रताप सिंहलाई आईजीपी बनाएको दाबीसहित वैशाख १९ गते सर्वोच्च अदालतमा रिट दायर गरेका थिए । अन्तिम सुनुवाइ जेठ ३० गतेबाट सुरु भएपनि मुद्दाको बहस नसकिएपछि दुईपटक हेर्दाहेर्दैमा राखिएको छ । वैशाख १९ देखि बिदामा बसेका एआईजी पोखरेल एआईजीमै कायम रहे आगामी साउन २० गतेबाट अवकाश पाउनेछन् ।
काठमाडौं – सुदूरपश्चिम प्रदेश सरकारले ल्याएको बजेटको गुनासो गर्न प्रदेशका मन्त्रीले प्रधानमन्त्रीलाई भेट्ने भएका छन् । आज सुदूरपश्चिम प्रदेशका सामाजिक विकास मन्त्री गोविन्द बोहराले प्रधानमन्त्री शेरबहादुर देउवालाई भेट्ने भएका हुन् । दिउँसो प्रधानमन्त्रीलाई भेट्ने कार्यक्रम रहेको मन्त्रीनिकट स्रोतले बताएको छ । सामाजिक विकास मन्त्रालयले सिफारिस गरेका योजना काटेर मन्दिर निर्माणमा बजेट राखिएको भन्दै रुष्ट रहेका मन्त्री बोहराले यस विषयमा प्रधानमन्त्रीको ध्यानाकर्षण गराउने भएका हुन् । बोहरा र प्रधानमन्त्री देउवाको एकै जिल्लाका हुन् । उनी देउवानिकट मानिन्छन् । ‘रातो किताबमा सामाजिक विकास मन्त्रालयको मन्दिरमा बजेट हालेको देखिएको छ । त्यो मन्त्रालयले सिफारिस गरेको पनि होइन मैले गरेको पनि होइन’ उनले भने,…
काठमाडौं — आदर्श लघुवित्त वित्तीय संस्था लिमिटेडको आईपीओ बाँडफाँट भएको छ। लघुवित्तको बिक्री प्रबन्धक बिओके क्यापिटल मार्केटको कार्यालयमा बिहान ९ बजे सो शेयर बाँडफाँट भएको हो। लघुवित्तले असार १ गतेदेखि ५ गतेसम्म निष्काशन तथा बिक्री खुला गरेको शेयरमा १६ लाख ७२ हजार ७९४ आवेदकको आवेदन स्वीकृत भएको छ भने १ हजार ८५८ आवेदकको आवेदन रद्द भएको छ। स्वीकृत आवेदनमध्ये ६ हजार २६१ आवेदकले १० कित्ताका दरले शेयर प्राप्त गरेका छन्। सोमध्ये पनि ५ भाग्यमानी लगानीकर्ताहरुले थप एक कित्ता अर्थात कुल ११ कित्ता शेयर प्राप्त गरेका छन्। लघुवित्तले असार १ गतेदेखि ६७ लाख रुपैयाँ बराबरको ६७ हजार कित्ता आईपीओ निष्काशन गरेको…
काठमाडौं – राष्ट्रपति बिद्यादेवी भण्डारीले आज बिहान ११ बजे सपथ खुवाउने पाँच मन्त्री मध्ये २ जना एउटै जिल्लावाट प्रतिनिधित्व गर्ने अनुहार परेका छन् । पहिलो पटक मन्त्री हुन लागेका मेटमणी चौधरी र हिराचन्द्र केसी एउटै जिल्ला दाङवाट प्रतिनिधित्व गर्ने नवनियुक्त मन्त्री हुन । माधवकुमार नेपाल नेतृत्वको नेकपा एसवाट प्रतिनिधित्व गर्ने चौधरी दाङ–१ वाट र केसी दाङ–३ वाट प्रतिनिधिसभामा निर्वाचित भएका थिए । चौधरीले सहरी विकास मन्त्रालयको जिम्मेवारी पाउँदा केसीले भने स्वास्थ्य राज्य मन्त्रीको जिम्मेवारी पाएका छन । एउटै जिल्लावाट दुईजनालाई मन्त्री बनाएको भन्दै नेकपा एसका निवर्तमान मन्त्रीहरुले आपत्ति जनाएपनि अन्ततः पार्टीको निर्णय अनुसार उनीहरुले आज सपथ लिन लागेका हुन ।
काठमाडौँ – झापाको अर्जुनधारा नगरपालिका वडा नम्बर ४ मा एक पुरूषको शव फेला परेको छ। प्रहरीका अनुसार वडा कार्यालय नजिकै ह्युमपाइपभित्र बोरामा राखेको अवस्थामा शव फेला परेको हो। आइतबार बेलुकी शव फेला परेको थियो। ह्युमपाइपभित्र पहेँलो र रातो रङको बोरा देखेपछि स्थानीयले प्रहरीलाई खबर गरेका थिए। बोरा खोलेर हेर्दा त्यहाँ एक पुरूषको शव फेला परेको हो। ‘शवको प्रकृति हेर्दा हत्या गरेर लुकाएको देखिन्छ। टाउकोमा गम्भीर चोट लागेको देखिन्छ,’ जिल्ला प्रहरी कार्यालय झापाका एक प्रहरी अधिकृतले भने। करिब ४५ वर्ष उमेरको पुरूषको शव फेला परेको प्रहरीले जनाएको छ। उनको पहिचान खुलेको छैन। शवलाई धरान लगिएको छ।
काठमाडौँ – नेकपा (एकीकृत समाजवादी) को प्रथम केन्द्रीय परिषद् बैठक आज (सोमबार) काठमाडौँको प्रज्ञा प्रतिष्ठानमा बस्दैछ । उक्त बैठकमा पार्टीको देशभर भएका साङ्गठनिक गतिविधि, स्थानीय तहको चुनावको समीक्षा, आगामी प्रतिनिधिसभा र प्रदेशसभा निर्वाचनका लागि चुनाव लक्षित कार्यक्रम, हालै सम्पन्न केन्द्रीय कमिटीको बैठकमा प्रस्तुत भएका केही प्रतिवेदनमा छलफल गरिने प्रचार विभाग उपप्रमुख शम्भु श्रेष्ठले जानकारी दिए । त्यसैगरी पार्टीका महासचिव डा बेदुराम भुसालको राजनीतिक प्रतिवेदनमा विशेष छलफल गरिने कार्यक्रम छ । मुलुकमा संविधान र राजनीतिक व्यवस्था संरक्षणका लागि तत्कालीन नेकपा (एमाले) बाट विद्रोह गरी सो पार्टी स्थापना गरिएको, कम्युनिष्ट आन्दोलनमा देखापरेको विसर्जनवाद र अवसरवादका विरुद्ध जनतालाई एकताबद्ध गर्न पार्टीको औचित्य र…
दार्चुला – दार्चुला जिल्ला खोप समन्वय समिति पुनगर्ठन भएको छ । जिल्ला समन्वय समिति प्रमुख महादेब बडु कश्यप संयोजक रहेको खोप समन्वय समिति गठन गरिएको हो । समितिको सह संयोजकमा जिल्ला समन्वय समितिका उपप्रमुख अमर सिह ठगुन्ना रहेका छन । यस्तै समितिको सदस्यमा प्रमुख जिल्ला अधिकारी दीर्घराज उपाध्याय जिल्ला समन्वय समिति अधिकारी, महाकाली नगरपालिकाका प्रमुख प्रशासकिय अधिकृत नर बहादुर ठगुन्ना जिल्ला अस्पताल दार्चुलाका प्रमुख, शिक्षा विकास तथा समन्वय इकाइका प्रमुख, नेपाल रेडक्रस सोसाइटीका प्रतिनिधि, पत्रकार महासंघका जिल्ला अध्यक्ष लगायत रहेका छन् । खोप समन्वय समितिको बैठकले असार १८ गते जिल्लालाई पूर्ण खोप सुनिश्चित जिल्ला घोषणा गर्ने निर्णय समेत गरेको छ…
काठमाडौँ – संस्कृति, पर्यटन तथा नागरिक उड्डयन मन्त्री प्रेमबहादुर आलेले काम गर्ने सिलसिलामा आफूले गल्ति बोलेको भए आफ्नो त्यस्तो नियत नभएको बुझ्न आग्रह गरेका छन् । आइतबार मन्त्री पदबाट राजीनामा घोषणा गर्न आयोजित पत्रकार सम्मेलनमा उनले समयले मागे आफू फेरि मन्त्री हुने उल्लेख गरे । उनले भने–‘काम गर्दै जाने क्रममा मैले गल्ति बोलेको भए त्यो मेरो नियत थियो भन्ने नठानी दिनुहोला । त्यस्ता त्रुटीबाट म सचेत रहनेछु । मन्त्रीबाट बाहिर गएपछि म सांसदको रुपमा रहने र विकृतिका विरुद्धमा आवाज उठाइरहने छु । समयले मागेमा म पुन नेतृत्वमा फर्किने नै छु । मैले गरेको कामलाई पछि आउने मन्त्रीले निरन्तरता दिने आशा…
काठमाडौं – काठमाडौंमा आज मातृभाषा पत्रकारिताको अवस्था विषयक गोष्ठी सम्पन्न भएको छ । नेवाः पत्रकार राष्ट्रिय दबू काठमाडौं जिल्लाको आयोजनामा र काठमाडौं महानगरपालिकाको सहयोगमा भएको गोष्ठी बाट नेपालभाषा, मैथिली, राजवंशी, मेचे, तामाङ, लिम्बू, मगही, थारु, संस्कृत, शेर्पा, उर्दू, धिमाल, जिरेल, राजवंशी, डोटेली, चाम्लिङ, अवधी लगायतका भाषाको पत्रकारिताको अवस्थाबारे कार्यपत्र प्रस्तुत गरिएको थियो । वक्ताहरुले ती भाषाको इतिहास, पत्रकारिताको उदय, समस्या, चुनौती र भविष्यबारे कार्यक्रममा प्रस्तुति दिएका थिए। ३८ वटा भाषाको पत्रकारिता अवस्थाबारे पछि जर्नल प्रकाशित गरिनेछ । गोष्ठीको उद्घाटन गर्दै काठमाडौं महानगरपालिकाकी उपप्रमुख सुनिता डंगोलले मातृभाषा संरक्षण सबैको सरोकार भएको भन्दै पत्रकारिताको माध्यमबाट भाषा सँगै समुदायको कथाहरू बाहिर उजागर गर्नु…