काठमाडौं-फागु अर्थात होली पर्वलाई सुरक्षित र व्यवस्थित बनाउन तयारी थालिएको छ। काठमाडौं उपत्यकालाई लक्षित गर्दै विशेष सुरक्षा योजना बनाइएको छ। होलीका नाममा अश्लील, उच्छृङ्खल र अप्रिय गतिविधि हुन नदिन महानगरीय प्रहरी कार्यालय रानीपोखरीले ३५ सयभन्दा बढी सुरक्षाकर्मी परिचालन गर्ने भएको छ। होली पर्वका नाममा उच्छृङ्खल र अराजक गतिविधि हुन नदिन सुरक्षा योजना लागू गरिएको महानगरीय प्रहरी प्रमुख प्रहरी अतिरिक्त महानिरीक्षक हरिबहादुर पालले बताए। जथाभावी लोला हान्ने, पानी छ्याप्ने, ट्राफिक नियमको पालना नगर्ने, जाँड रक्सी खाएर गाडी चलाउने, झैझगडा गर्ने र दुर्व्यवहार गर्नेमाथि कडा कारबाही हुने उनले बताए। उनकानुसार ६८ वटा चोकमा चेकप्वाइन्ट राखिएको छ। सादा पोसाकका ट्राफिक प्रहरीसहितको टोलीले संयुक्त…
Author: महेन्द्रनगर पोष्ट
काठमाडौं-आईसीसी विश्वकप लिग टु क्रिकेट अन्तर्गतको एकदिवसीय सिरिजमा नेपालले आज पपुवा न्युगिनी ९पीएनजी० सँग प्रतिस्पर्धा गर्दै छ। युएईमा नेपाल र पीएनजीबीचको खेल नेपाली समय अनुसार बिहान सवा ११ बजे सुरु हुनेछ। सन्दीप लामिछानेको कप्तानीमा रहेको नेपाल आज पीएनजीलाई हराउँदै सिरिजमा सुखद सुरुआत गर्न चाहन्छ। पीएनजी पनि नेपाललाई हराएर पहिलो जित निकाल्ने योजनामा रहेको छ। नेपालले यस अघि पीएनजीविरुद्ध दुई एकदिवसीय खेल खेलेको छ। दुबै खेलमा नेपालले जित निकालेको छ। जसको कारण पनि नेपाल उच्च मनोबलसहित मैदान उत्रनेछ। लिग टु मा नेपालले ८ खेलमा ८ अंक जोडेको छ। नेपाल छैटौं स्थानमा रहेको छ। अंक विहीन पीएनजी १३ खेल खेल्दै पुछारमा रहेको…
काठमाडौं-युक्रेनको राजधानी कीभमा ३५ घण्टे कर्फ्यु लगाइएको छ। कीभका मेयर भिटाली क्लिट्स्कोले कठिन र खतरनाक क्षणको चेतावनी दिँदै राजधानीमा ३५ घण्टाको कर्फ्यु घोषणा गरेका हुन्। रूसी हवाई हमलाले रातभर एउटा मेट्रो स्टेशन र आवासीय भवनहरूमा आक्रमण गर्दा चार जनाको मृत्यु भएको थियो। यस्तै, रूसी सेनाले मारिउपोलको एक अस्पतालभित्र डाक्टर र बिरामीसहित ४०० जनालाई बन्धक बनाएर राखेको डेपुटी मेयरलाई उदृत गर्दै अन्तर्राष्ट्रिय सञ्चार माध्यमहरूले जनाएका छन्। मंगलबार मात्रै करिब २० हजार मानिसहरुले शहर छाड्न सफल भएको एक वरिष्ठ युक्रेनी अधिकारीले जानकारी दिएका छन्। यसैबीच, युक्रेनी र रूसी अधिकारीहरुबीचको वार्ता आज पनि जारी रहने अन्तर्राष्ट्रिय सञ्चार माध्यमहरूले जनाएका छन्।एजेन्सी
बाजुरा-जिल्ला सदरमुकाम मार्तडीमा स्यालका अंगहरु फेला पारेको छ। मारेको स्यालका केही अंगहरु पोका बाधेर फालेको अवस्थामा फेला पारेको हो। मार्तडी बजारमा अनुगमनका क्रममा बरामद गरिएका सामाग्री टिप्परमा लगेर जलाउँने क्रममा स्यालको टाउँको, खुट्टा र आन्द्रा फेला पारेको अनुगमन टोलीले जनाएको छ। बडीमालिका नगरपालिकाको फोहोर उठाउँने टिप्परमा बजार अनुगमनका क्रममा पसलमा भेटिएका म्याद सकिएका सामानहरु जलाउन लैजादै गर्दा प्लाष्टिकको बोराभित्र बाधेर टिप्परमा फालेको अवस्थामा फेला परेको हो। स्यालको खुट्टामा मार्नका लागि प्रयोग गरिने पासो समेत फेला पारेको प्रहरीले जनाएको छ। स्यालका अंगहरु टुक्रा–टुक्रा पारेर बोरामा बाधेर फोहोर बोक्ने टिप्परमा राखेको अवस्थामा भेटिएको प्रहरीले बताएको छ।खसी बोकाको मासु भनेर स्याल लगायतका वन्यजन्तुको…
काठमाडौं-बुधवार प्रदेश १, बागमती प्रदेश र गण्डकी प्रदेशका पहाडी भूभागमा आंशिक बदली र अन्य भूभागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ। प्रदेश १, बागमती प्रदेश र गण्डकी प्रदेशका पहाडी भूभागका एक वा दुई स्थानमा अपरान्हतिर मेघ गर्जन र चटयाङ्गसहित हल्का वर्षाको सम्भावना रहेको महाशाखाको भनाइ छ । राती देशका पहाडी भूभागमा आंशिक बदली र अन्य भूभागमा मौसम सामान्यतया सफा रहने छ। हाल बंगलादेशको तथा आसपासका क्षेत्रमा निम्न चापीय प्रणाली रहेको महाशाखाले जारी गरेको विज्ञप्तिमा जनाइएको छ।
चितवन-माहुरीको टोकाईबाट १६ पर्यटक घाइते भएका छन् । जिल्ला प्रहरी कार्यालयका अनुसार सौराहास्थित हात्तीसार भ्रमणमा रहेका सिन्धुलीबाट आएका आन्तरिक पर्यटकलाई जङ्गली खाग माहुरीले टोकेको हो। कार्यालयका अनुसार उनीहरुलाई रत्ननगर नगरपालिका–६ स्थित हात्तीसारमा माहुरीले टोकेको हो । घाइते सबैको बकुलर अस्पतालमा उपचार भइरहेको बताइएको छ।
कैलाली-नेपाली कांग्रेस कैलाली क्षेत्र नम्बर – ४ मा ‘घर–घर जाऔं, कांग्रेस जिताऔं’ सुरु भएको छ । मंगलबार अत्तरियामा आयोजित एक कार्यक्रमका बिच १ महिने अभियान सुरु गरिएको हो।नेपाली कांग्रेस कैलाली क्षेत्र नम्बर – ४ का सभापति बसन्त रोकायाको सभापतित्वमा भएको कार्यक्रमका प्रमुख अतिथि नेपाली कांग्रेसका केन्द्रिय सदस्य एवम् उक्त अभियानका केन्द्रिय प्रतिनिधि गोबिन्द बहादुर शाह रहेका थिए। शाहले सबै एकजुट भएर कांग्रेसलाई जिताउन अभियानमा लाग्न आग्रह गर। उनले वडा वडामा प्रतिनिधि खटाएर अभियान संचालन गरिने बताए।कार्यक्रममा बोल्दै कांग्रेस कैलालीका नवनिर्वाचित जिल्ला सभापति नारायण दत्त भट्टले पार्टीको जिल्ला तहमा कुनै मतभेद नरहेको बताए। उनले अबको चुनावमा तेरो मेरो मान्छे भन्दा पनि…
कैलाली-सुदूरपश्चिम प्रदेशका प्रदेश प्रमुख देवराज जोशीले असायसंग आफ्नो ५९ औँ जन्मउत्सव मनाएका छन्। मंगलबार धनगढी तारानगरको मानवसेवा आश्रममा जन्मउत्सव मनाएका हुन्। उनले असायलाइ एक छाकका खाना खुवाए।प्रदेश प्रमुख जोशीले असायको सेवामा लाग्न प्रदेशवासीलाई आग्रह समेत गरे। ‘असायमा परेका नागरिकहरुको सेवा गर्नु धर्म हो’, प्रदेश प्रमुख जोशीले भने। ‘यसमा सबै नागरिकहरु लाग्न आवश्यक छ।’ उनले आफ्नो तर्फबाट आश्रमलाई सक्ने सहयोग रहने प्रतिबद्धता समेत गरे।
काठमाडौं-नेकपा एमालेले स्थानीय तहको निर्वाचनमा उम्मेदवार सिफारिस र निर्णय गर्ने मापदण्ड पारित गरेको छ। केन्द्रीय सचिवालयको मंगलबार साँझ बसेको बैठकले उम्मदेवार सिफारिसको मापदण्ड पारित गरेको प्रचार विभाग प्रमुख पृथ्वीसुब्बा गुरुङले जानकारी दिए। एमालेले वडाध्यक्ष र सदस्यहरुको सिफारिस वडा कमिटीबाट गर्ने र जिल्ला कमिटीले टिकटको निर्णय गर्ने विधि तय गरेको छ।विगतमा जस्तै गाउँपालिका अध्यक्ष र उपाध्यक्ष तथा नगरपालिकाका मेयर र उपमेयरको सिफारिस जिल्ला कमिटीले गर्ने र निर्णय प्रदेश कमिटीले गर्ने गुरुङले बताए। त्यस्तै महानगरपालिका र उपमहानगरपालिकाका मेयर तथा उपमेयरको टिकट केन्द्रबाट दिइने र त्यसको सिफारिस जिल्ला र प्रदेश कमिटीले गर्नेछन्।
काठमाडौं – संघीय संसदको चालु अधिवेशन अन्त्य भएको छ। संघीय संसद सचिवालयले एक सूचना जारी गर्दै राष्ट्रपति विद्यादेवी भण्डारीले संविधानको धारा ९३ को उपधार २ बमोजिम मन्त्रिपरिषद्को चैत १ गतेको सिफारिसमा संघीय संसदको दुवै सदनको चालु अधिवेशन चैत १ गते मंगलबार राति १२ बजेदेखि अन्त्य गरेको जनाएको छ। अधिवेशन अन्त्य भएसँगै बुधबारका लागि तोकिएको प्रतिनिधि सभा बैठक र अर्को सूचना नभएसम्मका लागि स्थगित गरिएको राष्ट्रिय सभाको बैठक अन्त्य भएको संघीय संसद सचिवालयका महासचिव डा भरतराज गौतमले जनाएका छन् ।