धनगढी: धनगढीमा मृत अवस्थामा फेला परेकी युवतीको शरीरमा निलडाम रहेको खुलेको छ। पीडित परिवारका आफन्तले मृतकको शरीर नाङ्गै रहेको र निलडाम पनि देखिएको जनाएका छन्। हिजो (आइतबार) धनगढी उपमहानगरपालिका-१ काे चकमेली चाेक नजिकै युवती मृत अवस्थामा फेला परेकी थिइन्। कञ्चनपुरकाे बेलाैरी नगरपालिका घर भएर धनगढीमा डेरा गरि बस्दै आएकी १९ वर्षीया आस्था थापा मृत अवस्थामा भेटिएकि थिइन्। आफन्तले भने उनको हत्या भएको भनेका छन्। यस्तै उनीहरूले घटनाको दिन उनकी साथी मोनिका कोठामा नरहेको र महेन्द्रनगर जान्छु भन्दै एक दिन अगाडि गएको बताएका छन्। तिनै साथी फर्किएपछि घटनाको बारेमा जानकारी भएको आफन्तहरुको भनाई छ। अहिले अस्पतालमा राखिएको थापाको शव आफन्तले बुझेका…
Author: महेन्द्रनगर पोष्ट
बझाङ : प्रगतिशील युवा समाजको आयोजनामा विद्यालय शिक्षामा सूचना तथा सञ्चार प्रविधीको प्रयोग सम्बन्धी कार्यविधी निर्माण तथा छलफल कार्यक्रम शनिबार र आईतबार चैनपुरमा भएको छ । वल्र्डभिजन ईन्टरनेस्नल नेपालको आर्थिक सहयोगमा जयपृथ्वी नगरपालिकामा सञ्चालित “विद्यार्थीहरुका लागि प्रबिधीमैत्री शिक्षा सिक्ने अवसर” (टेलस) परियोजना अन्र्तगत विद्यालयमा सुचना तथा सञ्चार प्रविधीको प्रयोग सम्बन्धी कार्यविधी निर्माण तथा छलफल भएको हो । कार्यक्रममा जयपृथ्वी नगरपालिकाका शिक्षा शाखा प्रमुख निरज प्रशाद रेग्मीले टेलस परियोजनाले नगरपालिकाका ८ ओटा विद्यालयमा स्थापना गर्दै गरेको आईसिटी ल्याबले विद्यार्थी लगायत शिक्षक तथा अभिभावकलाई प्रविधी संग नजिक गराउने बताए । साथै उनले नगरपालिकाबाट पनि आईसिटी ल्याब मर्मत सम्भार कोषमा २० हजारका दरले…
काठमाडौं : नेकपा राष्ट्रिय एकता अभियानका संयोजक एवं राष्ट्रियसभा सदस्य वामदेव गौतमले आफूले प्रधानमन्त्रीसँग भेट्न नपाएको गुनासो पोखेका छन् । राष्ट्रियसभाको विशेष समयमा बोल्दै गौतमले यस्तो दुखेसो पोखेका हुन् । उनले देश र जनताका विषयमा कुरा गर्न आफूले प्रधानमन्त्री केपी शर्मा ओलीसँग भेट गर्न खोजेपनि समय नपाएको गुनासो गरे। सरकारका प्रमुखसँग कुरा गर्दा हुने विषयमा प्रधानमन्त्री ओलीसँग भेट गर्न समय नपाएकाले राष्ट्रियसभालाई गुहारेर धारणा राखेको गौतमले बताए । गौतमले नेपालको भौगोलिक बनावटका कारण प्राकृतिक प्रकोपका घटनाहरु धेरै हुने गरेको उल्लेख गरे । प्राकृतिक प्रकोपका घटना घट्नुभन्दा पहिले नै गर्नुपर्ने काममा विषयमा नेपालका राजनीतिक दलका नेताहरूको ध्यान जान नसकेको उनले बताए।
काठमाडौं : उच्च अदालत बार एशोसिएशन पाटनको हिजो सम्पन्न निर्वाचनमा एमाले निकटस्थ कानुन व्यवसायीहरु विजयी भएका छन् । पिपिएलएका विदुर ढुंगाना नेतृत्वको प्यानल अत्यधिक मतान्तरले विजयी भएको हो । विदुरले एक हजार एक सय ४० मत ल्याउँदा एकीकृत समाजवादीबाट गोपाल श्रेष्ठले ४९० मत ल्याएका थिए । उपाध्यक्षमा विष्णुऋषि कोइरालाले एक हजार एक सय ४२ र उनका प्रतिस्पर्धी दुर्गाप्रसाद चिमरियाले ४४० मत पाएका छन् । त्यसैगरी पहिलो सचिवमा विजयी प्रवल शर्माको एक हजार एक सय ५१ मत र देवीप्रसाद रिजालको ४३० तथा अर्का सचिव सुशीला चौधरीको एक हजार एक सय ४३ र उनकी प्रतिस्पर्धी यशोदाकुमार पाण्डेको ४३२ मत आएको छ ।…
काठमाडौँ : भारत भ्रमणमा रहेकी परराष्ट्रमन्त्री आरजु राणा देउवा र भारतीय प्रधानमन्त्री नरेन्द्र मोदीबीच भेटवार्ता हुने भएको छ। परराष्ट्र मन्त्रालय स्रोतका अनुसार, सोमबार साँझ साढे ७ बजे उनीहरूबीच भेटवार्ता हुने तय भएको हो। नयाँ दिल्लीस्थित हैदरावाद हाउसमा भेटवार्ता तय भएको परराष्ट्र मन्त्रालयका एक सदस्यले नेपालखबरलाई जानकारी दिए। मन्त्री राणाले प्रधानमन्त्री केपी शर्मा ओलीका तर्फबाट भारतीय समकक्षी नरेन्द्र मोदीलाई नेपाल भ्रमणको औपचारिक निम्तो हस्तान्तरण गर्नेछिन्। भारतीय विदेशमन्त्री डा एस जयशंकरसँग मन्त्री राणाको सोमबार नै भेटवार्ता हुने बताइएको छ। परराष्ट्रमन्त्री राणा भारतीय समकक्षी एस जयशंकरको निमन्त्रणामा आइतबार (भदौ २ गते) नयाँदिल्ली प्रस्थान गरेकी हुन्। भदौ ६ गते उनी स्वदेश फर्किने कार्यक्रम छ।
धनगढी : आर्टिफिसियल इन्टेलिजेन्स (एआई) प्रविधिको दुरुपयोग गरी विशिष्ट व्यक्तिहरुको चरित्र हत्या गरेको आरोपमा एक युवक पक्राउ परेका छन् । बाजुराको खप्तड छेडेदह गाउँपालिका–५, का २२ वर्षीय रमेशबहादुर रावत समातिएका हुन्। उनलाई अस्ति सिन्धुपाल्चोकबाट नियन्त्रणमा लिएको प्रहरीको साइबर ब्यूरोले जनाएको छ। रावतउपर विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा मुद्दा दर्ता गरी जिल्ला अदालत काठमाडौंबाट पाँच दिनको म्याद थप अनुमति लिएर आवश्यक अनुसन्धान गरिरहेको ब्यूरोले जानकारी दिएको छ। उनले काठमाडौं महानगरपालिकाका मेयर बालेन्द्र साह र उपमेयर सुनिता डंगोललाई जोडेर एआइ भिडिओ बनाई सामाजिक सञ्जालमा पोष्ट गरेका थिए। आफ्नो फेक फोटो र भिडियो बनाएर चरित्रहत्या गरेको भन्दै सुनिताले गत बुधबार प्रहरीमा…
धनगढी: दार्चुलाको शैल्यशिखरका २ जना कर्मचारीविरुद्ध मुद्दा दर्ता भएको छ। घुससहित समातिएका दार्चुलाको शैल्यशिखर नगरपालिकाका कृषि प्राविधिक अधिकृत मोहनसिंह धामीसहित दुई जनाविरुद्ध भ्रष्टाचार मुद्दा दायर भएको हो। अख्तियार दुरुपयोग अनुसन्धान आयोगले धामीसहित कृषि नायव प्राविधिक सहायक अशोकसिंह धामीविरुद्ध पनि मुद्दा अघि बढाएको जनाएको छ। आयोगको कञ्चनपुर कार्यालयबाट खटिएको टोलीले गत असार ३१ गते उनीहरुलाई चार लाख १२ हजार रुपैयाँ घुससहित नियन्त्रणमा लिएको थियो। त्यस्तै, अशोकको नाममा लेखिएको साढे दुई लाखको दुईवटा चेक पनि अख्तियारले बरामद गरेको थियो। अनुसन्धानको क्रममा कृषि सामग्री खरिदबापत भुक्तानी गर्नुपर्ने रकमको चेक उनीहरुले कृषक समूहबाट संकलन गरी आफूसँग राखेर भुक्तानी गर्नका लागि सेवाग्राहीबाट घुस मागेको पुष्टि…
काठमाडौँ : घरेलु मैदानमा सुरु साफ यू–२० च्याम्पियसिपमा नेपालले विजयी सुरुवात गरेको छ। ललितपुरको सातदोबाटोस्थित एन्फा कम्प्लेक्स मैदानमा आइतबार भएको उद्घाटन खेलमा नेपालले श्रीलंकालाई १–० गोल अन्तरले पराजित गर्दै च्याम्पियनसिपमा विजयी सुरुवात गरेको हो। पहिलो हाफमा निराजन धामीले गरेको गोल नै नेपालका लागि निर्णायक बन्यो। खेलको २४ औँ मिनेटमा निराजन धामीको गोलमा नेपाली युवा टोलीले सुरुवाती अग्रता बनाएको हो। श्रीलंकाका गोलरक्षकसहित ७ खेलाडीलाई विट गर्दै गरेको निराजनको शसक्त प्रहारले पोष्टको जाली चुमेको थियो। त्यसपछि खेलमा थप गोल हुन नसक्दा नेपालले जित हात पारेको हो। खेलको दोस्रो हाफमा नेपालले अग्रता बनाउने मौका पाएपनि त्यसलाई सदुपयोग गर्न नसक्दा अग्रता फराकिलो पार्ने मौका…
धनगढीः एकीकृत फोहोरमैला व्यवस्थापन केन्द्रका लागि भीमदत्त नगरपालिकामा जग्गा प्राप्तिमा देखिएको अवरोधले काम ठप्प छ। केन्द्रका लागि खोजिएको जग्गामा स्थानीय बासिन्दाको अवरोध हुन थालेपछि नगरपलिकाले जग्गाको टुङ्गो लगाउन नसक्दा काम ठप्प बन्न पुगेको हो। नगरपालिकाले एसियाली विकास बैंकको सहुलियतपूर्ण ऋण सहयोगमा सञ्चालित क्षेत्रीय सहरी विकास योजनाअन्तर्गत ६० करोडको फोहरमैला व्यवस्थापन केन्द्र निर्माणको योजना अघि सारेको थियो। तर जग्गा नै नपाइएपछि बाँकी काम ठप्प हुन पुगेको भीमदत्त नगरपालिकाका नगर प्रमुख पदम बोगटीले बताए। योजना निर्माणका लागि छनोट गरिएका स्थानमा अवरोध हुँदै आएपछि फोहरमैला व्यवस्थापन केन्द्र निर्माण अनिश्चित हुन पुगेको उनले बताए। एसियाली विकास बैंकको तीन अर्ब ऋण सहयोगअन्र्तगतको यो परियोजनामा फोहरमैला…
धनगढी : नेपाल प्रहरीका प्राबिधिक प्रहरी निरीक्षक (इन्स्पेक्टर) निलम बहादुर भण्डारी अनिवार्य अवकाशमा गएका छन् । उनी ३० बर्षे सेवा अवधि पुरा गरी आइतबारबाट अनिवार्य अवकाशमा गएका हुन् । उनी २०५१ साल भदौ १ गते प्रहरीमा भर्ना भएका थिए । आइतबार सुदूरपश्चिम प्रदेश प्रहरी कार्यालय धनगढीमा आयोजित एक कार्यक्रमकाबीच प्रहरी नायव महानिरीक्षक (डीआईजी) रबिन्द्र केसीले मायाको चिनोसहित इन्स्पेक्टर भण्डारीलाई बिदाइ गरेका छन् । सो अवसरमा सम्बोधन गर्दै डीआईजी केसीले निरन्तर रूपमा आफूलाई तोकिएको जिम्मेवारी कुशलतापूर्वक निर्वाह गर्दै ३० वर्ष लामो अवधिमा संगठनमा पुर्याएको योगदानको प्रशंसा गरे । साथै नागरिक जीवनमा पनि वर्दी विनाको प्रहरीको रूपमा समाजमा शान्ति, सुरक्षा र अमन…