काठमाडौँ – आज (सोमबार) सेयर बजारको परिसूचक नेप्से १८ अङ्कले बढेको छ । १८.०७ अङ्क बढेसँगै नेप्से २६३४ अङ्कमा कायम भएको छ । कारोबार रकम पनि सामान्य बढेको छ । दुई अर्ब ५९ करोडको कारोबार भयो । यसअघि आइतबार २ अर्ब २७ करोडको भएको थियो । कुल १५६ कम्पनीको मूल्य बढ्दा ३१ को घट्यो भने ५ को स्थिर रह्यो । बैङ्किङ ५, विकास बैङ्क १३२, फाइनान्स ५६, जलविद्युत् ८३, जीवन बीमा १६८, उत्पादन ३३, लघुवित्त ३३, निर्जीवन बीमा ४६ र व्यापार उपसमूह २८ अङ्कले बढे । अन्य ४२ र होटल तथा पर्यटन उपसमूह १३ अङ्क घटे । इमर्जिङ नेपालको मूल्य…
Author: महेन्द्रनगर पोष्ट
काठमाडौं – नेपालमा पछिल्लो २४ घण्टामा ४५ जना नयाँ कोरोना संक्रमित थपिएका छन् । स्वास्थ्य मन्त्रालयका अनुसार देशभर गरिएको ४ हजार ७ सय ५२ जनाको नमूना परिक्षणमा उक्त संख्यामा कोरोना पुष्टी भएको हो । मन्त्रालयका अनुसार गत २४ घण्टामा १४७ जना कोरोनामुक्त भएका छन् भने कुनै पनि संक्रमितले ज्यान गुमाएका छैनन् । नेपालमा अहिलेको अवस्थामा ३ हजार १३५ जना सक्रिय संक्रमित रहेको पनि मन्त्रालयले जनाएको छ ।
कैलाली – आसन्न बैशाख ३० मा हुने स्थानीय तह निर्वाचनको मिति घोषणा गरेसँगै चुनावी सरगर्मी बढेको छ। निर्वाचन आउन दुई महिना बाँकी हुँदा गाउँदेखि सहरसम्म चुनावी माहोल तात्न थालेको हो । गोदावरी नगरपालिकालाई अझ विशेषरूपमा हेरिन थालिएको छ । खासगरी, कुन पार्टीले कस्ता व्यक्तिलाई उम्मेदवार बनाउलान् भन्ने कौतुहलता आमरूपमा देखिएको छ ।अहिले गोदावरी नगरको नेतृत्व गरिरहेको नेकपा एमालेबाट ३ जना मेयरका आकाक्षीं छन् । बर्तमान मेयर हरि सिहं साउँद, जिल्ला कमिटि सदस्य गणेश साउँद, २०७४ सालमा माओवादी केन्द्रको तर्फबाट मेयरमा चुनाव लडेका बर्तमान एमाले गोदावरी नगर कमिटि अध्यक्ष गोकर्ण भट्टले मेयरको आकाक्षां देखाएका छन् । नेपाली काग्रेंसले भने २०७४ सालको…
काठमाडौं – जिमी ग्रुप प्रालिले नयाँ ब्राण्डको वाइन नेपाली बजारमा ल्याएको छ । इटालियन स्वादको नयाँ वाईन ‘जिमी गोसे’ सोमबारदेखि बजारमा आएको कम्पनीका कार्यकारी निर्देशक जीवन चलाउनेले बताए । कम्पनीले अंगुरबाट बनेको उच्च गुणस्तर स्वाद र सुगन्धसहितको ‘रेड’ र ‘ह्वाइट’ दुवै थरीको ‘जिमी गोसे’ वाइन नेपाली बजारमा भित्र्याएको हो । ७५० एमएलको आकर्षक बोतलमा रहेको उक्त वाइनमा १३ प्रतिशत अल्कोहल रहेको पनि कम्पनीले जनाएको छ । अन्तर्राष्ट्रिय गुणस्तरसहितको स्वाद रहेको उक्त वाइन उच्चतम प्रविधिको प्रयोग गरि उत्पादन गरिएको कम्पनीले जनाएको छ । जिमी ग्रुप कम्पनीद्वारा भित्र्याइएको यस वाइनको देशभर बजार व्यवस्थापन भने मस्टा ग्रुप प्रालिले गरेको छ । गुणस्तरीय वाइन…
कैलाली – कैलालीमा ट्रकको ठक्करबाट एक युवकको मृत्यु भएपछि पूर्व-पश्चिम राजमार्ग अवरुद्ध पारिएको छ। जिल्लाको लम्कीचुहा नगरपालिका १० मा ट्रकको ठक्करबाट स्थानीय २८ वर्षीय टेकबहादुर रावलको मृत्यु भएपछि राजमार्ग अवरुद्ध पारिएको हो।रावलका आफन्त तथा स्थानीयले ११ बजेदेखि चुहामा राजमार्ग अवरुद्ध पारेका हुन्। राजमार्ग अवरुद्ध पारिएपछि सवारीसाधन ठप्प बनेका छन् भने यात्रु अलपत्र परेका छन् । सोमबार बिहान सात बजे लु-१ ख-८९३० नम्बरको ट्रकले विपरीत दिशातिर गइरहेको सुप-०१००९-प-३९२६ नम्बरको मोटरसाइकललाइ ठक्कर दिएको थियो । ठक्करपछि मोटरसाइकलमा सवार २८ वर्षीय रावल घाइते भएका थिए। रावलको उपचारका क्रममा कोहलपुरमा मृत्यु भएको थियो।
काठमाडौं – त्रिभुवन अन्तराष्ट्रिय विमानस्थलबाट एक किलो २६८ ग्राम अवैध सुनसहित एक भारतीय नागरिकलाई पक्राउ परेका छन् । पक्राउ पर्नेमा ३८ वर्षीय भारतीय नागरिक शुभम मेहरा रहेका छन् । नेपाल एयरलाइन्सको उडानद्वारा दुबईबाट काठमाडौं आएका उनलाई त्रिभुवन विमानस्थल सुरक्षा कार्यालयले विमानस्थलको आगमन टनेल गेटबाट प्रहरीले आज (सोमबार)पक्राउ गरेको हो । मेहराले मलद्वारभित्र लुकाएर बेलनाकार रुपमा बनाइएको अर्धठोस एक किलो २६८ ग्रामको सुन बरामद गरेको प्रहरीले जनाएको छ । मेहरालाई बरामद सुनसहित आवश्यक अनुसन्धानको लागि त्रिभुवन अन्तर्राष्ट्रिय विमानस्थल भन्सार कार्यालयमा बुझाइएको अन्तर्राष्ट्रिय विमानस्थल सुरक्षा कार्यालयका प्रवक्ता एवं प्रहरी उपरीक्षक हिमालय कुमार श्रेष्ठले बताए ।
चीन – चीनमा १ सय ३३ यात्रु रहेको विमान दुर्घटनाग्रस्त भएको जनाइएको छ । चीनको सरकारी च्यानल सिसिटीभीले दिएको जानकारीका अनुसार हालसम्म हताहतबारे कुनै आधिकारिक जानकारी भने उपलब्ध भएको छैन । सिसिटीभीको रिपोर्ट अनुसार दक्षिण पश्चिमी चीनको ग्वाङ्ग्शी क्षेत्रमा बुझो शहर नजिकै एक ग्रामिण इलाकामा बोइङ ७३७ विमान दुर्घटनाग्रस्त भएको हो । दुर्घटनाग्रस्त स्थल नजिकै पहाडमा मुस्लो देखिएको जनाइएको छ ।
काठमाडौं – प्रहरीको नियन्त्रणमा रहेका अभिनेता पल शाहविरुद्धको अनुसन्धान सकेको छ । अनुसन्धान सकेपछि रायसहितको प्रतिवेदन जिल्ला सरकारी वकिलको कार्यालय, तनहुँमा बुझाइएको जिल्ला प्रहरी कार्यालय, तनहुँले जनाएको छ । प्रहरीले २१ दिन लामो अनुसन्धान सकेर अनुसन्धान प्रतिवेदन पेश गरेको हो । जिल्ला प्रहरी कार्यालय, पूर्वी नवलपरासीले पनि शाहविरुद्ध गरेको अनुसन्धान सकेर अदालतमा मुद्दा दायर गरिसकेको छ ।
विराटनगर – प्रधानमन्त्री शेरबहादुर देउवाले मोरङको लेटाङमा प्रहरी जवानको हत्यामा संलग्नलाई कानुनी दायरामा ल्याउने बताएका छन् । सुन्दरहरैँचा नगरपालिकाको प्रशासनिक भवन शिलान्यास पछि बोल्दै प्रधानमन्त्री देउवाले दोषीलाई कारबाही गर्ने बताएका हुन् । अपराधमा संलग्नले उन्मुक्ति नपाउने उनले बताए । शिक्षकले विद्यार्थीलाई यौन दुर्व्यवहार गरेको विषयमा स्थानीयवासी र प्रहरीबीच झडप भएको थियो । झडपमा एक महिला प्रहरीको मृत्यु भएको छ । आज (सोमबार) विभिन्न कार्यक्रममा सहभागी हुन मोरङ पुगेका प्रधानमन्त्री देउवाले सुन्दरहरैँचा–८, सलकपुरमा प्रशासनिक भवन शिलान्यास गरेका छन् । भवन शिलान्यास अघि देउवाले नगरपालिकाले निर्माण गरेको अस्पताल उद्घाटन गरेका थिए ।
महेन्द्रनगर – निर्माण व्यवसायी निर्माण सामग्रीमा भएको मूल्यवृद्धिको विरोधमा आन्दोलित भएका छन् । कञ्चनपुरका प्रमुख जिल्ला अधिकारी (सीडीओ) मार्फत प्रधानमन्त्री शेरबहादुर देउवालाई ज्ञापनपत्र बुझाउँदै निर्माण व्यवसायी संघ कञ्चनपुरले निर्माण कार्यमा मूल्य समायोजन गर्न माग गरेको छ । ठेक्कापट्टाबाट लिएको काममा मूल्यवृद्धि अनुसार नै लागत स्टिमेट वृद्धि हुनुपर्ने र मूल्य समायोजन नभए निर्माण कार्य रोकेर ‘कन्सट्रक्सन होली डे’ गर्ने संघका अध्यक्ष प्रेमप्रकाश भट्टले जानकारी दिए । मूल्यवृद्धि ह्वात्तै भएपछि सोहीअनुसार निर्माण कार्यको लागत बढाउन व्यवसायीले दबाब दिन थालेका छन् ।