सुरेश जोशी, बनबासा: भारतको उत्तराखण्डका मुख्यमन्त्री पुष्करसिंह धामीले सीमानाकामा सहजताका लागि उत्तराखण्ड सरकार प्रतिबद्ध रहेको बताएका छन्। हिजो बनबासस्थित एक कार्यक्रममा सहभागी मुख्यमन्त्री धामीले महेन्द्रनगरपोष्टका सम्पादक टेकसिंह धामीसँग कुरा गर्दै सो कुरा बताएका हुन्। पछिल्लो समय नेपालको सुदूरपश्चिम जोडिएको भारतका सीमानाका र विशेषगरी बनबासामा भारतीय सुरक्षाकर्मी एवं एसएसबीले सास्ती दिने गरेको विषयमा महेन्द्रनगरपोष्टले धामीसँग जिज्ञासा राखेको थियो। सो सन्दर्भमा धामीले दुई देशका सीमा नाकामा सहजता प्रदान गर्नका लागि सुरक्षा निकायका प्रमुखहरुलाई निर्देशन दिएको पनि बताए। यस्तै उनले तत्काल नै बनबासाका एसएसबी प्रमुखलाई पनि नेपालको सशस्त्र प्रहरीसँग समन्वय गरेर सीमा नाकाको आवागमनमा सहजता प्रदान गर्न निर्देशन दिए। त्यस्तै धामीले अर्को प्रसङ्गमा…
Author: महेन्द्रनगर पोष्ट
धनगढी: कैलालीको धनगढीस्थित बसपार्क पछाडी होटल संचालकको करेन्ट लागेर मृत्यु भएको छ। मोहन्याल गाउँपालिका–५ घर भई हाल धनगढी उपमहानगरपालिका–४ बसपार्क पछाडी जानकी होटल संचालन गरी बसिरहेको ३८ वर्षीय अरुण बुढामगरको शुक्रवार करेन्ट लागेर मृत्यु भएको हो। होटलको कोठा भित्र बिद्युतको लाईन मर्मत गर्ने क्रममा बुढामगर करेन्ट लागेर गम्भिर घाइते भएका थिए। उनलाई उपचारको लागि नवजिवन अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय कैलालीले जनाएको छ।
काठमाडौं: नेपाल राष्ट्र बैंकले १ सयको नोट छाप्ने ठेक्का चिनियाँ कम्पनीलाई दिएपछि भारत चिढिएको छ। गत वैशाख २० गते तत्कालीन प्रधानमन्त्री पुष्पकमल दाहाल प्रचण्ड नेतृत्वको मन्त्रिपरिषद्ले भारतीय अतिक्रमित भूभाग कालापानी क्षेत्र समेटिएको ‘चुच्चे नक्सा’सहितको तस्वीर राखेर नयाँ नोट छाप्ने निर्णय गरेको थियो। यससँगै नेपाल राष्ट्र बैंकले बोलपत्र आह्वान गर्दै चिनियाँ कम्पनी बैंक नोट प्रिन्टिङ एन्ड मिन्टिङ कर्पोशनलाई ३० करोड प्रति नोट छाप्ने ठेक्का दिएको छ। यही विषयलाई लिएर छिमेकी देश भारतले भने नेपालसँग असन्तुष्टी जनाएको छ। लिपुलेक, लिम्पियाधुरा र कालापानीको विषयमा दुई देशबीच ३५ वर्षदेखि विवाद चलिरहेको र अहिले नेपालले आफ्नो दाबी गरेर सयको नोटमा नयाँ नक्सा छाप्न लागेको भन्दै…
धनगढी: डोटीमा कार्यरत एक प्रहरी कर्मचारीको मृत्यु भएको छ। डोटीमा ड्युटीमै रहेका बेला बेहोस भएर अस्पताल ल्याइएका प्रहरी वरिष्ठ हवल्दार केशरसिंह धामीको मृत्यु भएको हो। जिल्ला प्रहरी कार्यालय डोटीका इन्सपेक्टर सुर्यप्रकाश भट्टका अनुसार हिजो राति ८:३० बजेको समयमा धामी बेहोस भएका थिए।दार्चुलाका घर भएर डोटीस्थित प्रहरी चौकी घाङलमा कार्यरत धामी अचानक बेहोस भएपछि उनलाई धनगढी ल्याइएको थियो। तर धनगढीस्थित सेती प्रादेशिक अस्पतालमा उपचारका क्रममा आज बिहान उनको मृत्यु भएको जनाइएको छ। बिहान करिव २ बजेको समयमा उनलाई अस्पतालले मृत घोषित गरेको थियो। अहिलेसम्म उनको मृत्युको यथेष्ट कारण नखुलेको र पोस्टमार्टम गरेपछि थप थाहा हुने प्रहरीको भनाई छ।
धनगढी: सशस्त्र प्रहरी बनाईदिन्छु भन्दै ठगी गर्ने एक युवक पक्राउ परेका छन्। दार्चुलाका एक युवकलाई सशस्त्र प्रहरीमा जागिर लगाइदिन्छु भन्दै पटक पटक पैसा ठगी गरेर फरार रहेका युवकलाई प्रहरीले पक्राउ गरेको हो। सशस्त्र प्रहरी बनाई दिन्छु भन्दै ठगी गरेको आरोपमा कैलालीको गोदावरी नगरपालिका वडा नम्बर–६ बस्ने ३२ वर्षीय तुलाराम विकलाई बुधवार पक्राउ गरिएको जिल्ला प्रहरी कार्यालय दार्चुलाले जनाएको छ। विकले दार्चुलाका ईन्द्रसिंह धामीका छोरालाई सशस्त्र प्रहरी बनाईदिन्छु भनी विश्वास दिलाएर पटक पटक गरी ५ लाख ३५ हजार ७ सय रुपैयाँ ठगी गरी फरार रहेका थिए। बुधवार जिल्ला प्रहरी कार्यालय दार्चुलाबाट खटिएको प्रहरी टोलीले ईलाका प्रहरी कार्यालय मालाखेती कैलालीको सहयोगमा अत्तरियाबाट…
बैतडीः बैतडीमा भिरबाट लडेर एक महिलाको मृत्यु भएको छ। जिल्लाको दोगडाकेदार गाउँपालिका–६ सित्तड सलेना भुलगाउँकी ३२ वर्षीया देवकी भुलको भिरबाट लडेर मृत्यु भएको प्रहरीले जनाएको छ। उनको काटेको खर थुपार्ने क्रममा लेक भिरबाट लडेर घटनास्थलमै मृत्यु भएको हो। उनी करीब एक सय मिटर तल खसेकी थिइन्।
अछाम: अछामको साँफेबगर नगरपालिका-७, रिडीकोटस्थित मध्य-पहाडी लोकमार्गमा जीप दुर्घटना भएको छ। बयालपाटाबाट बाजुरा तर्फ जाँदै गरेको लु १ ज ४७११ नम्बरको बोलेरो जीप ब्रेक फेल भएर सडकको नालामा बिहीबार दिउँसो पल्टिएको हो। जिल्ला प्रहरी कार्यालय अछामका अनुसार जीपमा चालकसहित ६ जना सवार थिए, जस मध्ये तीन जना घाइते भएका छन्। घाइतेमध्ये बाजुराको त्रिबेणी नगरपालिका-६ निवासी १९ वर्षीया नन्दा बुढाको टाउको र मुखमा चोट लागेको र अवस्था गम्भीर रहेको जिल्ला प्रहरी कार्यालय अछामका प्रमुख तथा प्रहरी नायव उपरीक्षक (डीएसपी) ईश्वरी प्रसाद भण्डारीले जानकारी दिए। यस्तै अन्य दुई जना घाइतेहरूमा बुढीगंगा नगरपालिका-४ निवासी २७ वर्षीय राजेन्द्र लुहार र निजका ६ वर्षीय छोरा…
बैतडी: बैतडीमा नेपाल प्रहरीका हवल्दार कृष्णराज जोशी पूर्पक्षका लागि कारागार चलान भएका छन्। बैतडीको पञ्चेश्वर गाउँपालिका-२ क किशोरी बेपत्ता बनाएको तथा जबर्जस्ती करणीको मुद्दामा हवल्दार जोशीलाई मंगलबार जिल्ला अदालत बैतडीले पूर्पक्षका लागि कारागार पठाउन आदेश दिएको हो। गत असोज १५ गते पञ्चेश्वर गाउँपालिका-२ डिम्मरकी १७ वर्षीया किशोरीलाई बेपत्ता बनाएको आरोपमा पक्राउ परेका जोशीलाई अदालतको आदेश अनुसार कारागार चलान गरिएको जिल्ला प्रहरी कार्यालय बैतडीले जनाएको छ। पञ्चेश्वर-२ कै महाकाली प्रहरी चौकीमा कार्यरत हवल्दार जोशीले प्रहरी चौकीसँगै जोडिएको डिम्मर गाउँकी १७ वर्षीया किशोरीलाई बेपत्ता बनाएको आरोप लागेको थियो। किशोरीको अवस्था अझै पत्ता लाग्न सकेको छैन। उनीमाथि हवल्दारले करणी गरेको पनि अनुसन्धानमा खुलेको…
धनगढी: वर्षौंदेखि कोठामा थुनेर राखिएकी शुक्लाफाँटा नगरपालिका–३ की मानसिक सन्तुलन गुमाएकी २५ वर्षीया जानकी बाँनियाको आज उद्धार गरिएको छ । नगर उपप्रमुख कल्पना पन्तको अगुवाइमा जानकीको उद्धार गरिएको हो ।वर्षौंदेखि अलग्गै बनाइएको कच्ची घरको कोठामा थुनेर राखिएकी बाँनियाको उद्धार गरी मानव सेवा आश्रम धनगढी पठाइएको छ । चौध–पन्ध्र वर्षको उमेरदेखि नै मानसिक सन्तुलन गुमाएकी जानकीलाई कोठामा थुनेर राखिँदै आएको थियो । थुन्दै आएको कोठाबाट बाहिर आउँदा जानकीको खुसीको ठेगानै थिएन । नगरपालिकाका नगर प्रहरीले थुनेको कोठाबाट बाहिर निकालेपछि जानकीले बोल्न चाहे पनि थोरै मात्रै शब्द भन्न सकिनन् । पर्याप्त आहारको कमीले गर्दा पूरै शरीर गलेकाले बोल्न नसकेको जनाइएको छ ।…
काठमाडौं: ‘हनी ट्रयाप’ प्रकरणमा फरार रहेकी ललितपुरको भैंसेपाटी प्रहरी प्रभागकी तत्कालीन प्रमुख एवं ‘विवाद क्विन’ इन्स्पेक्टर बिनुकुमारी शाही अझै पक्राउ परेकी छैनन्। जिल्ला अदालत ललितपुरले दसैं अगाडि नै उनलाई पक्राउ गर्न पुर्जी जारी गरेपनि अझै उनी नसमातिएकी हुन्। ललितपुरको भैँसेपाटी प्रहरी प्रभाग प्रमुख रहँदा एक व्यवसायीलाई ‘हनी ट्रयाप’मा पारेर ३० लाख रुपैयाँ असुल गर्न खोजेको खुलेपछि प्रहरीले उनीमाथि अनुसन्धान अघि बढाएको थियो। ललितपुर प्रहरीको अनुसन्धानका क्रममा उनको संलग्नता देखिएपछि पक्राउ गरेर अनुसन्धान गर्न प्रहरीले जिल्ला अदालत ललितपुरसँग पक्राउ अनुमति मागेको थियो। तर अदालतले पक्राउ अनुमति दिए पनि उनलाई पक्राउ भने गरिएको छैन। दसैं अगाडि पूर्जी आएकोमा तिहारसम्म आइपुग्दा पनि उनलाई फरार…