काठमाडौं – काठमाडौंको चोभारमा निर्माण गरिएको सुख्खा बन्दरगाह आजबाट सञ्चालनमा आएको छ । प्रधानमन्त्री शेरबहादुर देउवाले आज एक कार्यक्रमबीच सुख्खा बन्दरगाहको उद्घाटन गरेका हुन् । २०७५ सालबाट चोभार सुख्खा बन्दरगाहको निर्माण कार्य सुरु गरिएको थियो । सुख्खा बन्दरगाह विश्व बैंकको एक अर्ब ८० करोड ऋण सहयोगमा २२० रोपनी जग्गामा निर्माण गरिएको हो । विश्वबैंक र नेपाल सरकारबीच सन् २०१३ मा सुख्खा बन्दरगाह निर्माण गर्ने सम्बन्धमा सहमति भएको थियो । निर्माण कार्य सन् २०१९ सम्पन्न गर्नुपर्ने सम्झौतामा उल्लेख भए पनि स्थानीयको अवरोध र कोरोना महामारीका कारण निर्माण अवधि लम्बिएको थियो ।
Author: महेन्द्रनगर पोष्ट
काठमाडौं – नेपाल क्रिकेट संघ (क्यान) ले त्रिकोणात्मक टी-२० क्रिकेट शृंखलाको फाइनल खेल क्रममा गेट तोडेर दर्शक प्रवेश गरेको र असम्बन्धित व्यक्ति पुरस्कार वितरण समयमा मैदान प्रवेश गरेको विषयमा स्पष्टीकरण सोधेको छ । सोमबार कीर्तिपुरस्थित त्रिवि मैदानमा नेपाल र पपुवा न्युगिनी (पीएनजी)बीच ४ ओभरको खेल जारी रहँदा दर्शक गेट तोडेर भित्र प्रवेश गरेका थिए । ‘मैले सुरक्षा निकायसँग बुझ्दा टिकट काट्ने काउन्टर र गेटसँगै परेको रहेछ । हाम्रो पार्टनर (सुन्बी होल्डिङ) ले त्यहाँसँगै नराख भनेको रहेछ । अलि तल राखभन्दा त्यहि राखेको रहेछ । त्यहीँ प्रेसर पर्याे । त्यो मौका पाउँदा हुल नै भित्र छिर्याे,’ क्यानका कार्यबाहक सचिव प्रशान्त विक्रम मल्ले भने,…
काठमाडौं — आगामी वैशाख ३० गते हुने स्थानीय तह निर्वाचनमा भाग लिने राजनीतिक दलले स्वच्छ, स्वतन्त्र, निष्पक्ष, विश्वसनीय र भयमुक्त वातावरणमा निर्वाचन सम्पन्न गराउन आवश्यक नियम कानुनको पूर्णपालना गर्ने प्रतिबद्धता जनाएका छन् । निर्वाचन आयोगले ती दलका प्रतिनिधिलाई आयोगमा आमन्त्रण गरी निर्वाचन आचारसंहितालगायत संविधान, ऐन र कानुनको पूर्ण पालना गर्ने प्रतिबद्धता जाहेर गर्न लगाएको हो । प्रतिबद्धता पत्रमा भनिएको छ, ‘नेपालको संविधान, निर्वाचन आयोग ऐन २०७३, राजनीतिक दलसम्बन्धी ऐन, २०७३, निर्वाचन (कसुर तथा सजाय) ऐन २०७३, स्थानीय तह निर्वाचन ऐन, २०७३ र निर्वाचन आचारसंहिता २०७८ मा भएका विभिन्न प्रावधान इमान्दारिताका साथ पालना गर्न÷गराउन प्रतिबद्ध छौँ ।’ दलका नेता तथा प्रतिनिधिले…
उदयपुर – उदयपुरको बेलका नगरपालिकाको कोशी जनता माध्यामिक विद्यालय रामपुरमा अध्ययनरत कक्षा १० मा छात्रा कविता सुनुवारको हत्या अभियोगमा दुईजना पक्राउ परेका छन् । उनको हत्याको अभियोगमा उनकै सहपाठी सरिता ढकाल खत्री र १९ वर्षका राजेन्द्र ढकाल पक्राउ परेका छन् । केही दिनअघि सरिता र कविताबीच सामान्य झगडा परेकोले सोही रिसमा सरिताले राजेन्द्रलाई बोलाएर कविताको हत्या गरेको प्रारम्भिक अनुसन्धानमा खुलेको प्रहरीले जनाएको छ । प्रहरीका अनुसार उनीहरुले बिहान साढे ५ बजेतिर कवितालाई यसोदा खोलामा आइपुगेपछि ढुंगाले टाउकोमा प्रहार गरेर हत्या गरेको अनुमान छ । एसईई तयारी गरिरहेकी सुनुवारको बिहान ट्युसन पढ्न आउँदै गर्दा यसोदा खोलामा हत्या भएको थियो । उनको…
काठमाडौं – निर्वाचन आयोगले स्थानीय चुनावमा ठेकेदारले उम्मेदवार हुन नपाउने विषय सबै जनामा लागू नहुने प्रस्ट्याएको छ । आसन्न स्थानीय तह निर्वाचनमा ठेक्कापट्टामा संलग्न व्यक्ति उम्मेदवार हुन नपाउने निर्वाचन आयोगको आचारसंहितामा व्यवस्था गरेको समाचार बाहिरिएको सन्दर्भमा आयोगले यसबारे प्रस्ट पारेको हो । आज (मंगलबार) आयोजित पत्रकार सम्मेलनमा आयुक्त रामप्रसाद भण्डारीले यो व्यवस्था सबै ठेकेदारका हकमा लागू नहुने बताए । ‘केही दिन अगाडि के समाचार आयो भने, ठेक्कापट्टामा लागेकोले निर्वाचनमा भाग लिन नपाउने ! त्यो पनि सही समाचार होइन,’ दलहरूसँग आचारसंहिताका विषयमा प्रतिबद्धता लिन आयोजित बैठकमा उनले भने,‘हो कुरो चाहिँ के भने, त्यो पालिकामा ठेक्कापट्टामा संलग्न व्यक्तित्व जसको बेरुजुहरू पनि छन्…
उदयपुर – उदयपुरको बेलका नगरपालिका ३ मा एक छात्राको हत्या भएको छ । कोशी जनता माध्यमिक विद्यालय रामपुरमा कक्षा १० मा अध्ययनरत कविता सुनुवारको यसोदा खोलामा हत्या भएको हो । विद्यालय व्यवस्थापन समितिका अध्यक्ष गणेश बस्नेत र प्रधानाध्यापक साहले संयुक्त विज्ञप्ति जारी गरी घटनाको निष्पक्ष छानबिन गरी अपराधी पत्ता लगाउन र कडा सजाय दिन माग गरेका छन् । विद्यालयका प्रधानाध्यापक सूर्य नारायण साहका अनुसार उनी विद्यालय आउने क्रममा बाटोमै क्रुर र हिंस्रक ढंगले हत्या भएको हो ।
काठमाडौं – युवा तथा खेलकुद मन्त्री महेश्वर गहतराजले नेपाली क्रिकेट टीमलाई बधाई दिएका छन् । नेपालले त्रिकोणात्मक ट्वान्टी–२० शृंखला जितेपछि मन्त्री गहतराजले नेपाली क्रिकेट टीमलाई बधाई दिएका हुन्। मन्त्री गहतराजले सामाजिक सञ्जालमार्फत बधाई दिँदै यस्तो लेख्नुभएको छ, “त्रि देशीय टी–२० सिरिजमा नेपाली राष्ट्रिय क्रिकेट टिमले आज फाइनल खेलमा अभूतपूर्व जित हाँसिल गरेको छ । नेपाली राष्ट्रिय राष्ट्रिय क्रिकेट टिमलाई हार्दिक बधाई ।” नेपालले सोमबार फाइनलमा पपुवा न्युगिनी ९पीएनजी० लाई ५० रनले पराजित गर्दै सिरिज जितेको थियो । नेपालले उपाधि उचाले लगत्तै मन्त्री गहतराजले सामाजिक सञ्जाल मार्फत खेलाडीहरुलाई बधाई दिएका हुन्।
लमजुङ – लमजुङका सबै स्थानीय तहमा सत्तारूढ चार दलबीच तालमेल हुने भएको छ। आज बसेको बैठकले नेपाली कांग्रेस, नेकपा माओवादी केन्द्र, नेकपा एकीकृत समाजवादी र जसपाबीच तालमेल गरेर जाने निर्णय गरेको हो। लमजुङका आठ स्थानीय तह र जिल्ला समन्वय समितिमा चार दलले चुनावी तालमेल गर्ने भएका हुन्।साथै कांग्रेस सभापति टकराज गुरूङ संयोजकत्वमा चार सदस्यीय जिल्ला संयन्त्र गठनसमेत गरिएको छ। यस्तै दलहरूको बस्तुगत अवस्थाबारे प्रतिवेदन केन्द्रमा पठाउने निर्णसमेत उनीहरूले गरेका छन्। उनीहरूले एकअर्का दललाई लक्षित गर्दै आरोप-प्रत्यारोप गर्न नपाइने पनि बताएका छन्।
रुपन्देही – रुपन्देहीको बुटवलस्थित एक वडा प्रहरी कार्यालयमा हिरासतमा रहेका पुरुष घाँटी रेटिएको अवस्थामा फेला परेका छन् । चोरीको अभियोगमा पक्राउ परी हिरासतमा रहेका बुटवल–११ रूपन्देहीका रूद्रबहादुर नेपाली हिरासतभित्रै घाँटी रेटिएको अवस्थामा फेला परेका हुन् । आइतबार बिहान घाँटीबाट रगत आइरहेको अवस्था भेटिएपछि उनलाई तत्काल लुम्बिनी प्रादेशिक अस्पताल लगिएको थियो । अहिले उनको भेन्टिलेटरमा उपचार भइरहेको जनाइएको छ । प्रादेशिक अस्पतालमा सरसफाइको काम गर्ने नेपालीलाई विभिन्न तामाका तारहरू चोरी गरेको आरोप लागेपछि उनलाई प्रहरीले पक्राउ गरेको थियो । उनीसँग तामाका तारहरू भेटिएपछि प्रहरीले हिरासतमा राखेको थियो । इलाका प्रहरी कार्यालय बुटवल प्रमुख डीएसपी ठगबहादुर केसीले हिरासतमै उनले आत्महत्याको प्रयास गरेको…
एजेन्सी– श्रीलंकामा मंगलबारदेखि आपतकालीन स्वास्थ्य अवस्था घोषणा गरिएको छ । औषधिको चरम अभावपछि देशको सरकारी मेडिकल अफिसर्स एसोसिएसन (जीएमओए) को आकस्मिक साधारण समितिको बैठकले यो निर्णय गरेको हो । यसअघि आपतकालीन कानुन लागू गर्ने र औषधिको गम्भीर अभावबारे छलफल गर्न समितिको बैठक बसेको थियो । बिरामीको जीवन रक्षा गर्न यस्तो घोषणा गरिएको जीएमओएका सचिव डा. सेनाल फर्नान्डोले बताए । सरकारको कमजोर व्यवस्थापनका कारण देशभर औषधिको अभाव देखिएको जीएमओले आरोप लगाएको छ ।