काठमाडौं : राष्ट्रिय खेलकुद परिषद्ले भलिबल र तेक्वान्दोमा नयाँ मुख्य प्रशिक्षक नियुक्त गरेको छ । राष्ट्रिय खेलकुद परिषद्का सदस्य सचिव टंकलाल घिसिङले भलिबल मुख्य प्रशिक्षकमा जगदीश भट्ट र तेक्वान्दोको मुख्य प्रशिक्षकमा पूर्ण योन्जनलाई नियुक्त गरेका हुन् । भलिबलको मुख्य प्रशिक्षकमा नियुक्त भट्ट २०५४ सालमा सहायक प्रशिक्षकका रुपमा सेवा प्रवेश गरेका थिए । १८ वर्षदेखि राष्ट्रिय भलिवल टिमको मुख्य प्रशिक्षकको जिम्मेवारी सम्हाल्दै आएका उनी प्रज्वलमान सिंहले उमेरहदका कारण अवकास पाएपछि भलिबलको मुख्य प्रशिक्षकको जिम्मेवारी पाएका हुन् । यस्तै तेक्वान्दोको मुख्य प्रशिक्षकमा पूर्ण योन्जनलाई जिम्मेवारी दिइएको राखेपका तालिम तथा प्रशिक्षण विभागका निर्देशक प्रचण्ड शर्माले बताए । उनी २०५२ सालमा सहायक प्रशिक्षकका रुपमा…
Author: महेन्द्रनगर पोष्ट
काठमाडौं : पूर्वप्रधानमन्त्री एवम् नेपाली कांग्रेसका सभापति शेरबहादुर देउवाको धनगढीस्थित निवास अगाडि फेला परेको शंकास्पद वस्तु बम भएको बताइएको छ। धनगढी उपमहानगरपालिका–४ मा रहेको देउवा निवास अगाडि शनिवार राति शंकास्पद वस्तु फेला परेको खबर जिल्ला प्रहरी कार्यालय, कैलालीले राति १२ बजे थाहा पाएको थियो। नेपाल प्रहरी त्यसलगत्तै शंकास्पद वस्तु भएको ठाउँमा पुगेको थियो भने नेपाली सेनाको दुई टोली पुगेको थियो। बिहान ५ बजे पुगेको टोलीले साढे ८ बजे शंकास्पद वस्तु निष्क्रिय पारेको थियो। उक्त डिस्पोज गरिएको वस्तु बम भएको नेपाली सेनाका एक उच्च अधिकारीले बताए। तर, कैलाली प्रहरीले भने उक्त वस्तुलाई माटो भनेर भनेको छ। हाल देउवाका भतिजासमेत रहेका सुदूरपश्चिम…
काठमाडौं : १ किलो ८८ ग्राम कोकिनसहित एक विदेशी नागरिक पक्राउ परेका छन् । पक्राउ पर्नेमा आइभरीकोस्टक ३५ वर्षीय नागरिक वारामा कोन छन् । उनलाई लागु औषध नियन्त्रण ब्यूरोको टोलीले ३ भदौमा ठमेलको ज्याठास्थित एक होटलबाट पक्राउ गरेको हो । इथियोपियाबाट दोहा कतार एअरवेयमार्फत् उनी काठमाडौं आएका थिए । उनले उक्त कोकिन निलेर काठमाडौं ल्याएको पाइएको ब्युरोका डीएसपी प्रेमबहादुर शाहीलेबताए । निलेको कोकिन काठमाडौं आएपछि मलद्वारबाट निकाले बच्चाको खेलौना (डल)मा लुकाएर राखेको अवस्थामा ब्यूरोको टोलीले बरामद गरेको हो । बरामद कोकिनको बजार मूल्य ३ करोड ८० लाख बराबर हुन्छ ।
धनगढी : डोटीमा चट्याङ लागेर एक किशोरीको मृत्यु भएको छ । जोरायल गाउँपालिका–६ की १८ वर्षीया दुर्गा साउँदको मृत्यु भएको हो । शनिबार घरमै चट्याङ लागेर घाइते भएकी उनको आइतबार बिहान धनगढीमा उपचारका क्रममा मृत्यु भएको जिल्ला प्रहरी कार्यालय डोटीले जनाएको छ । मृतक साउँद हिजो मात्रै धनगढीबाट घर गएकी थिइन् । घर पुगेर भित्र जान नपाउँदै ढोकामै परेको चट्याङले ऊनी गम्भीर घाइते भएकी थिइन् । अत्तरियामा बस्दै आएकी दुर्गा ल्याब टेक्निसियन पढ्दै थिइन् ।
धनगढी : दार्चुलामा ब्राउन सुगर र नगदसहित २ जना पक्राउ परेका छन्। जिल्लाको शैल्यशिखर नगरपालिका–९ गोकुलेश्वर बजारबाट ९८० मिलिग्राम ब्राउन सुगरसहित २ जना पक्राउ परेका हुन् । बैतडीबाट गोकुलेश्वर दार्चुला आइरहेको सुपप्र ०१००१ प २०६९ नम्बरको मोटरसाइकलाई चेकजाँच गर्दा लागुऔषध भेटिएपछी मोटरसाइकलमा सवार २० वर्षीय सुरज महरा र १७ वर्षीय किशोरलाई इलाका प्रहरी कार्यालय गोकुलेश्वर दार्चुलाबाट खटिएको टोलीले पक्राउ गरेको प्रहरी निरीक्षक किशोरसिंह ऐरीले जानकारी दिए । पक्राउ परेका दुबै जनाको साथबाट ९८० मिलिग्राम लागूऔषधसहित नगद ३८ हजार ५६५ रुपयाँ बरामद गरिएको तथा थप अनुसन्धानका लागि जिल्ला प्रहरी कार्यालय दार्चुला पठाइएको प्रहरीले जनाएको छ।
काठमाडौं: प्रहरी प्रधान कार्यालयले इन्सपेक्टरदेखि एसपीसम्मको सरुवाको अन्तिम तयारी थालेको छ। एक वर्ष अवधि पुगेका कार्यालयमा इन्चार्जहरुको हेरफेरको तयारी थालिएको हो। एसपी प्रमुख रहने करिब एक दर्जन जिल्ला हेरफेर हुँदैछ। जसमा कास्की, सुनसरी, कपिलवस्तु, सप्तरी र दाङ जानका लागि चर्को प्रतिस्पर्धा छ। गत चैतमा बढुवा भएका एसपीहरु अहिले जिल्ला जान दौडधुपमा छन्। अन्य केही एसपीहरु पनि गृहमन्त्री निकट व्यक्तिलाई खुस बनाएर जिल्ला जाने दौडधुपमा भएकाले यसपटकको सरुवामा अत्याधिक चलखेल हुने देखिएको छ। जसकारण यसपटकको इन्सपेक्टर, डिएसपी तथा एसपीहरुको सरुवामा बिचौलिया हावी हुने र इमान्दार अधिकृतहरुमाथि अन्याय हुने जोखिम बढेको छ।
काठमाडौं : संखुवासभाको प्रहरी चौकी मंगलबारेमा कार्यरत एक जना प्रहरी सहायक हवल्दारको मृत्यु भएको छ। ड्युटी गर्दागर्दै अचानक बेहोस भएका प्रहरी सहायक हवल्दार पुरुषोत्तम निरौलाको निधन भएको हो। मादी नगरपालिका २ मा ड्युटी गर्ने क्रममा बेहोस भएका निरौलालाई तेह्रथुमको बसन्तपुरमा रहेको स्वास्थ्य चौकीमा उपचारका लागि लगिएको थियो । तर उनलाई स्वास्थ्य चौकीले शनिबार साँझ मृत घोषणा गरेको थियो । शनिबार ड्युटी गर्दागर्दै निरौला एक्कासी लडेर बेहोस भएका थिए । उनको शव धरान स्थित वीपी कोइराला स्वास्थ्य विज्ञान प्रतिस्थानमा आज पोष्टमार्टम गरिने जिल्ला प्रहरी कार्यालय संखुवासभाले जनाएको छ । पोष्टमार्टमपछि उनको घर लगेर परिवारलाई शव बुझाईने प्रहरीले जनाएको छ ।
काठमाडौं : नेपाल प्रहरीमा तत्कालका लागि ३० वर्षे सेवाहद कार्यान्वयन रोकिएको छ । सेवाहदको प्रावधान रहेको सशस्त्र प्रहरी बलमा पनि यसको तरंग पुगेको छ । सशस्त्र प्रहरीमा पनि आगामी १६ भदौदेखि दुई डिआइजीसहित १७ सिनियर अधिकृतले अवकाश पाउँदैछन् । डिआइजीहरु अभिकुमार खत्री, दुर्गा भट्टराई, एसएसपी विश्व भट्टराई, एसपी हर्क साउद लगायतले अवकाश पाउदैछन् । उनीहरु २०५१ सालमा नेपाल प्रहरीमा असइमा भर्ना भई पछि सशस्त्रमा स्थानान्तरण भएका अधिकृतहरु हुन् । नियमावलीमा मात्र सेवाहदको प्रावधान रहेको र ऐनमा नै यसलाई समेट्न विगतमा दिइएका निर्देशनात्मक आदेश कार्यान्वायन नगरेको भन्दै नेपाल प्रहरीमा सर्वोच्च अदालतले तत्काल सेवाहदका आधारमा अवकाश नदिन भनेको छ । जसकारण नेपाल…
काठमाडौं : भारतको बिहारमा नेपाली तीर्थयात्री सवार बस दुर्घटना हुँदा ३० जना घाइते भएका छन्। बिहारको समस्तीपुर जिल्लामा नेपालीहरु सवार बस दुर्घटना हुँदा कम्तीमा ३० भन्दा बढी घाइते भएका हुन्। ४३ जना सवार ना ७ ख ६४४६ नम्बरको उक्त बसलाई शनिबार राति पछाडिबाट एक ट्रकले ठक्कर दिँदा बस अनियन्त्रित भएर पल्टिएको थियो। एक किशोरसहित पाँच जनाको अवस्था गम्भीर छ । घाइतेहरुको उपचार मुसरीघरारी अस्पताल र निजी क्लिनिकहरुमा भइरहेको छ । सडक किनारमा पल्टिएको बसलाई क्रेनको सहायताले उठाइएको छ । ठक्कर दिने ट्रकलाई नियन्त्रणमा लिएर दुर्घटनाबारे अनुसन्धान भइरहेको भारतीय प्रहरीले जनाएको छ ।
धनगढी : ५ वर्षअघि काभ्रेको पनौती घर भएकी ममता काफ्लेको चिनचान कञ्चनपुरका नरेश भट्टसँग भएको थियो । भट्ट त्यतिबेला अमेरिकामा थिए । सामाजिक सञ्जालबाटै उनीहरुबीच प्रेम सम्बन्ध स्थापना भएको थियो । त्यसपछि ०७७ साल मंसिर २५ मा दुवैले बिहे गरेका थिए । विवाहको ८ महिनापछि ०७८ साल साउन १० मा ममता पनि अमेरिकाका लागि उडिन् । झण्डै एक वर्षअघि उनले छोरीलाई जन्म दिएकी थिइन् । तर, गत साउन १६ गते भर्जिनियाबाट ममता एकाएक बेपत्ता भएकी थिइन् । उनी बेपत्ता हुनमा नरेशकै हात रहेको प्रहरीले बताइरहेको छ । कञ्चनपुरको बेल्डाँडी गाउँपालिका– २ घर भएका नरेश भट्ट २०७३ सालको साउनमा अमेरिकाका गएका…