Author: महेन्द्रनगर पोष्ट

काठमाडौँ : परराष्ट्रमन्त्री आरजु राणा देउवाले राजदूत सिफारिस समावेशी नभएकोमा माफी मागेकी छिन्। प्रतिनिधिसभा अन्तर्गतको अन्तर्राष्ट्रिय सम्बन्ध तथा पर्यटन समितिको मंगलबारको बैठकमा यसबारे सांसदहरुले प्रश्न उठाएका थिए। त्यसको जवाफमा राणाले भनिन्, ‘राजदूत नियुक्ति समावेशी भएन, अर्को नियुक्तिमा दलित र मुस्लिमलाई ल्याउने छौं। यसपटक समावेशी भएन, आई एम सरी।’ १८ मुलुकका लागि राजदूत प्रस्ताव गर्दा दलित, मधेशी र मुस्लिम समुदायबाट शून्य प्रतिनिधित्व रहेको भन्दै प्रश्न उठिरहेको छ। यसैबीच अन्तर्राष्ट्रिय सम्बन्ध तथा पर्यटन समितिले समावेशिताबारे आगामी दिनमा ख्याल गर्न सरकारको ध्यानाकर्षण गराउने निर्णय गरेको छ। समितिले ‘नेपालको संविधानको प्रस्तावना, धारा ४२ र धारा २८२ को व्यवस्था र राजदूत नियुक्ति सम्बन्धी निर्देशिका, २०७५…

काठमाडौं : नेपाली कांग्रेसका नेता शंकर भण्डारी र पूर्वप्रहरी संगठन प्रमुख मञ्चका सदस्यहरुले सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङलाई कारबाही गर्न प्रधानमन्त्रीसँग माग गरेका छन् । उनीहरुले छुट्टाट्टै विज्ञप्ति निकालेर मन्त्री गुरुङलाई कारबाहीको माग गरेका हुन् । मन्त्री गुरुङले गत शनिबार पोखरामा आयोजित एक सार्वजनिक कार्यक्रममा प्रहरी महानिरीक्षकको ‘जिभ्रो थुत्नुपर्ने’ अभिव्यक्ति दिएका थिए । प्रहरी महानिरीक्षक विरुद्धको अभिव्यक्तिपछि पृथ्वीसुब्बाको आलोचना भइरहेको छ । नेपाली कांग्रेसका केन्द्रीय सदस्य एवम् प्रतिनिधि सभा सांसद भण्डारीले विज्ञप्ति जारी गर्दै मन्त्री गुरुङलाई बर्खास्त गर्न प्रधानमन्त्रीसँग माग गरेका छन् । यस्तै पूर्वप्रहरी संगठन प्रमुख मञ्चले पनि आज विज्ञप्ति जारी गर्दै पृथ्वीसुब्बालाई कारबाही गर्न…

धनगढी : गृहमन्त्री रमेश लेखकले सञ्चार तथा सूचना प्रविधिमन्त्री पृथ्वीसुब्बा गुरुङको विवादास्पद अभिव्यक्तिको विषय मिलिसकेको बताएका छन् । धनगढी विमानस्थलमा पत्रकारसंग कुरा गर्दै गृहमन्त्री लेखकले यस्तो बताएका हुन्। सञ्चारमन्त्री गुरुङको अभिव्यक्तिका विषयमा आफूले मन्त्रीसँग कुरा गरेको र त्यो विषय सक्कीसकेको बताए । सञ्चारमन्त्री गुरूङले शनिबार पोखरामा प्रेस चौतारीले आयोजना गरेको पत्रकार सम्मेलनमा बोल्दै आईजीपी बसन्तबहादुर कुँवरको जिब्रो थुत्नुपर्ने भन्दै असंवेदनशील अभिव्यक्ति दिएका थिए। प्रहरी समायोजनमा असहयोग गरेको भन्दै उनले आईजीपी कुँवरको जिब्रो थुत्नुपर्ने अभिव्यक्ति दिएपछि प्रधानमन्त्री केपी शर्मा ओलीले सचेत गराएका थिए ।

धनगढी : गृहमन्त्री रमेश लेखकले संविधान निर्माण र संशोधनको विषय दुई वटा पार्टीको इच्छा वा चाहनाले मात्र नहुने बताएका छन्। आज धनगढी पुगेका गृहमन्त्री लेखकले विमानस्थलमा बोल्दै यस्तो बताएका हुन् । उनले संविधान निर्माण र संशोधनको विषय एउटा वा दुइवटा पार्टीको इच्छा वा चाहनाले मात्र हुने कुरा नभएको बताए। संविधान निर्माण र संशोधन एउटा वा दुइवटा पार्टीको इच्छा वा चाहनाले हुने कुरा नभएको उनले बताए । सबै दलहरूका बीच सहमति गरेर मात्रै संविधान संशोधन हुने गृहमन्त्री लेखकले दाबी गरे । उनले संघीय लोकतान्त्रिक गणतन्त्रात्मक शासन व्यवस्था र समावेशीलाई थप मजबुत गर्ने गरी संविधान संशोधन हुने बताए। कांग्रेस र एमालेको गठबन्धनलाई…

धनगढी : कञ्चनपुरमा रुखमा अड्कीएको अवस्थामा शव फेला परेको छ। जिल्लाको भीमदत्त नगरपालिका–९ ब्रह्मदेब स्थित खल्ला जाने बाटो नजिक महाकाली नदिमा रहेको रुखमा शव फेला परेको हो । रुखमा अड्की रहेको अवस्थामा नाम थर नखुलेको अन्दाजी ४० वर्षीय पुरुषको शव फेला परेको जिल्ला प्रहरी कार्यालय कञ्चनपुरले जनाएको छ। यस्तै कञ्चनपुरमा एक युवकको माछा मार्ने क्रममा डुबेर मृत्यु भएको छ। पुनर्वास नगरपालिका–७ परासन स्थित दोदा नदीमा माछा मार्ने क्रममा डुबेर सोही ठाउँ बस्ने २२ वर्षीय जन्तरी रानाको सोमवार मृत्यु भएको हो । सो सम्बन्धमा प्रहरीले आवश्यक अनुसन्धान गरिरहेको बताएको छ।

काठमाडौं : मलेसियामा एक नेपालीको हत्या भएको छ । सिराहाका घर भएका रुपेश यादवको गएराति चक्कु प्रहारबाट हत्या भएको हो । उनकै साथी मिलन गुरुङले चक्कु प्रहार गरी हत्या गरेका आरोप लागेको छ । रुपेश सुपरमार्केटमा काम गर्दै आएका थिए । साथीको हत्या गरेपछि भागेका मिलनलाई मलेसियन प्रहरीले पक्राउ गरेको छ । उनीमाथि थप अनुसन्धान भइरहेको बताइएको छ ।

काठमाडौं: नेपाल प्रहरीका ५ सय ८७ प्रहरी निरीक्षक (इन्सपेक्टर) हरुको सरुवा भएको छ। प्रहरी प्रधान कार्यालय नक्सालले सोमबार मध्यराति इन्सपेक्टरहरुको सरुवा निकालेको हो। सरुवामा केहीको थमौती भएको छ भने केही इन्सपेक्टरहरुको काज भएको छ। यस अगाडि प्रधान कार्यालयका कर्मचारी प्रशासन शाखाका एसपीका कारण सरुवामा ढिलाई भएको थियो। प्रहरी महानिरीक्षक वसन्तबहादुर कुँवरको निर्णयअनुसार निरीक्षकहरुको सरुवा गरिएको बताइएको छ। सरुवा भएकाहरूले तलबभत्ता हाल सरुवा भएको दरबन्दीबाटै पाउने प्रधान कार्यालयले जनाएको छ। आजमात्रै केही समय अगाडि ३ जना डिआईजीहरुको सरुवा तथा काज पनि गरिएको थियो। सूची https://www.facebook.com/share/p/Qm5Y75duFMYuhCVs र, यो पनि: प्रहरीका ३ डिआईजीको काज तथा सरुवा, को कहाँ ? हेडक्वाटरका अटेरी एसपी तिमिल्सिना:…

धनगढी: कैलालीमा बेवारिसे अवस्थामा एक नाले पेस्तोल फेला परेको छ। जिल्लाको धनगढी उपमहानगरपालिका-७ मनेहरास्थित जुगेडा जाने बाटोको छेउमा पेस्तोल फेला परेको हो। विशेष सूचनाको आधारमा प्रहरी नायव निरीक्षक गजेन्द्र बहादुर चन्दको कमाण्डमा खटिएको प्रहरी टोली बेवारिसे अवस्थामा पेस्तोल फेला पारेको कैलाली प्रहरीले जनाएको छ। लागूऔषध सेवन गरिरहेका केही व्यक्तिहरूको बारेमा सूचना प्राप्त भएपछि अनुसन्धानका लागि प्रहरी टोली खटाइएको थियो। तर, प्रहरी पुग्दा ती व्यक्तिहरू भाग्न सफल भए। उक्त स्थानको खोजतलास गर्ने क्रममा घाँसमा बिना म्याग्जिनको एक नाले पेस्तोल वेवारिसे अवस्थामा फेला परेको जिल्ला प्रहरी कार्यालय कैलालीका सूचना अधिकारी कबिन्द्रसिंह बोहराले जानकारी दिए। बरामद गरिएको पेस्तोललाई थप अनुसन्धानको लागि प्रहरी कार्यालयमा…

धनगढी: धनगढी उपमहानगरपालिकाकाे फाेहाेर व्यवस्थापनकाे काम गर्दै आएका एक जना मृत भेटिएका छन्। भजनी नगरपालिका-८  घर भएर धनगढी- १७ धुर्जन्नामा कोठा गरी बस्ने ४५ वर्षीय झलीराम चौधरी मृत  भेटिएको प्रहरीले जनाएको छ। प्रहरीकाअनुसार उनी धनगढी उपमहानगरपालिकाकाे फोहोर व्यवस्थापन गर्ने ठाउँ वडा नम्बर ७ काे पटेलामा काम गर्दै आएका थिए। चाैधरी आफ्नो कोठाबाट फोहोर व्यवस्थापन गर्ने ठाउँ तर्फ आउने क्रममा बाटोमा एक्कासी ढलेका थिए। उनकाे घटनास्थलमा नै मृत्यु भएको भनेर श्रीमती आशा चौधरीले जानकारी गराएकी थिइन्।

धनगढी: बैतडीको पाटन नगरपालिका–६ डुङरामा करेन्ट लागेर एक महिलाको मृत्यु भएको छ। घरमा लुगा सुकाउन प्रयोग गरिएको ग्याबिन तारमाथि लुगा सुकाउने क्रममा करेन्ट लागेर ५७ वर्षीया जानकी लुहारको आज मृत्यु भएको जिल्ला प्रहरी कार्यालयका प्रहरी निरीक्षक खेमविक्रम केसीले जानकारी दिए। करेन्ट लागेर गम्भीर घाइते लुहारलाई उपचारका लागि पाटन लैजाने क्रममा बाटोमै मृत्यु भएको प्रहरीले जनाएको छ। करेन्ट लागेको बेला छुट्टाउन गएका अन्य चार जना घाइते भएका छन्। स्थानीय ३८ वर्षीया कलावती ओड, १२ वर्षीया पवित्रा ओड, १० वर्षीया भुवनेश्वरी ओड र २२ वर्षीया सीता लुहार घाइते भएका हुन्। घरको भान्सा कोठामा मिटरबक्स राखिएको र सोही मिटरबक्स नजिकैबाट लुगा सुकाउन प्रयोग गरिने…