काठमाडौं – सशस्त्र प्रहरी बल नेपालमा सशस्त्र प्रहरी उपरीक्षक (एसपी)बढुवाका लागि ३७ जनाको नाम सिफारिस भएको छ । ३७ जना नायव उपरीक्षक (डीएसपी)हरुलाई सशस्त्र उपरीक्षकमा बढुवाका लागि सिफारिस गरिएको हो । सशस्त्र प्रहरी बलको मुख्यालयले आइतबार मध्यराती सूचना प्रकाशित गर्दै ३७ जना डिएसपीलाई एसपीमा बढुवा सिफारिस गरेको हो ।
Author: महेन्द्रनगर पोष्ट
काठमाडौं – पेट्रोलियम पदार्थको मूल्य २१ रुपैयाँले बढेको छ । नेपाल आयल निगमले इन्धनको भाउ फेरी बढाएको हो । निगमले पेट्रोलको मूल्य २१ रुपैयाँको दरले बढाएको हो भने डिजेल र मट्टितेलको मूल्य २७ रुपैयाँको दरले बढाएको हो | सोमबारबाट काठमाडौं उपत्यकामा पेट्रोलको मूल्य प्रतिलिटर रु. १९९ र डिजेल तथा मट्टितेलको मूल्य प्रतिलिटर रु. १९२ कायम गरेको नेपाल आयल निगमले बताएको छ । साथै, एलपी ग्यासको मूल्य भने यथावत नै राखिएको निगमले जनाएको छ ।
काठमाडौं – प्रहरीले काठमाडौंमा कल सेन्टर चलाएर ठगी गरेको आरोपमा १३ जनालाई पक्राउ गरेको छ । धुम्बाराहीस्थित ‘अर्बिट नेक्सस प्रालि’ले अनलाईन मार्फत सो ठगीधन्दा चलाएर अमेरिकामा ठगी गरेको आरोपमा पक्राउ गरिएको प्रहरीको साइबर ब्यूरोले जानकारी दिएको छ । अनलाइन ठगीमा संलग्न १३ जनालाई पक्राउ गरिएको साइबर ब्यूरोका प्रहरी बरिष्ठ उपरिक्षक नबिन्द अर्यालले जानकारी दिए । पक्राउ पर्नेमा ‘अर्बिट नेक्सस प्रालि’का संचालक बुढानिलकण्ठ नगरपालिका–१२ कपन बस्ने ३३ वर्षीय बिजय श्रेष्ठ र उनका मुख्य सहयोगी दुईजना भारतिय नागरिक छन् । कलसेन्टरको सुपरभाइजर भारत घर भएका ३२ वर्षीय निशान्त गैरे र कल सेन्टरमा काम गर्नेहरुलाई मनिटरिङ गर्ने भारतिय नागरिक २४ वर्षका मनिष तिवारी…
काठमाडौं – काठमाडौं महानगरपालिकाको नीति तथा कार्यक्रम सार्वजनिक भइरहेको छ । राष्ट्रिय सभा गृहमा आइतबार दिउँसो ४ बजेबाट कार्यक्रम सार्वजनिक भइरहेको हो । नीति तथा कार्यक्रम सार्वजनिक गर्नुअघि कार्यपालिका बैठक बसेर त्यसलाई अनुमोदन गरेको थियो। नीति तथा कार्यक्रमको मस्यौदा तयार पार्नका लागि तीन सदस्यीय समिति बनाएको थियो।महानगरपालिकाले आगामी १० असारमा बजेट ल्याउने तयारी गरेको छ। महानगरपालिकाभित्र घर भाडासम्बन्धी काम अबदेखि कम्पनीमार्फत मात्रै हुने भएको छ। मेयर बालेन्द्र शाहले आगामी आवको नीति तथा कार्यक्रममार्फत उक्त व्यवस्था गरिने जानकारी दिएका हुन्। संघीय सरकारले समेत घरजग्गा बिक्रीवितरण कम्पनीमार्फत गर्ने नीति लिएको छ। मेयर शाहले घरजग्गा भाडालाई व्यवस्थित गर्न सो नीति अपनाएका हुन्।
काठमाडौं – अर्थमन्त्री जनार्दन शर्मासँग विश्व बैंकको प्रबन्ध निर्देशक मारी अल्का पान्जेस्तुले आज शिष्टाचार भेटवार्ता गरेका छन् । अर्थ मन्त्रालयमा भएको भेटमा मन्त्री शर्माले विश्व बैंकसँग लामो समयदेखि रही आएको सम्बन्ध र विकास साझेदारीको स्मरण गर्दै सहयोगको प्रशंसा गरे । “नेपालको विकास प्रयासमा विश्व बैंक लामो समयदेखि एउटा भरपर्दो साझेदार संस्थाका रूपमा रहिआएको छ”, भेटमा उनले भने । विश्व बैंकले कोभिड–१९ पछिको परिस्थितिसँग जुध्न प्रदान गरेको १२२ मिलियन अमेरिकी डलर बराबरको वित्तीय सहयोगका लागि मन्त्री शर्माले धन्यवाद दिएका थिए । पछिल्लो समय नेपालका लागि विश्व बैंकको वित्तीय सहयोग उल्लेखनीयरूपमा बढ्दै गएको छ । सन् १९६९ मा १६.९ लाख अमेरिकी डलरको…
काठमाडौं – प्रहरी महानिरीक्षक (आईजीपी) विरुद्धको मुद्दा आज पनि हेर्दाहेर्दैमा राखिएको छ । सर्वोच्चका न्यायाधीशद्वय दिपककुमार कार्की र कुमार चुडालको पूर्ण इजलासमा बहस नसकिएपछि मुद्दा हेर्दाहेर्दैमा राखिएको हो । यसअघि गत जेठ ३० गते पनि बहस नसकिएका कारण आजका लागि अर्को पेसी तोकिएको थियो । आईजीपी नियुक्तिविरुद्ध एआईजी विश्वराज पोखरेलले सर्वोच्चमा रिट दायर गरेका थिए ।
धनगढी – सुदूरपश्चिममा मनसुनी वायु भित्रन अझै केही दिन लाग्ने देखिएको छ । देशको पुर्वी क्षेत्रबाट भित्रिएको मनसुन आइतबारसम्म गण्डकी प्रदेशमा भित्रिएको छ । तर, सो मनसुन सुदूरपश्चिममा भित्रन भने अझै केहि दिन लाग्न सक्ने जल तथा मौसम पुर्वानुमान महाशाखाका मौसमविद् राजु प्रधानाङ्गले बताए । मनसुन कहिले छिटो सर्ने र कहिले एउटै ठाउँमा रोकिरहने हुँदा सुदूरपश्चिममा कहिलेसम्म मनसुनी वायू सक्रिय हुन्छ भन्ने बारेमा भन्न नसकिने उनले बताए । तर, यसै साताभित्रै सुदूरपश्चिममा मनसुनी वायु भित्रिने उनको अनुमान छ । ‘मनसुनी वायु गण्डकी प्रदेशसम्म पुगे पनि सुदूरपश्चिममा पुग्न भने अझै केही दिन लाग्ने देखिन्छ,’ मौसमविद् प्रधानाङ्गले भने, ‘छिनछिनमा मनसुनको गति परिवर्तन…
काठमाडौं- जनकपुरधाम उपमहानगरपालिकाका उपमेयरमाथि आक्रमण भएको छ।जनकपुरधाम–२३ लादोबेलास्थित अतिक्रमण गरिएको जग्गा खाली गराउन माग गर्दै ज्ञापनपत्र बुझाउन आएको वडा नं. २३ का वडाध्यक्ष राघवेन्द्र साहको समूहले उपमेयर किशोरी साहमाथि मुक्का प्रहार गरेको हो । रामजानकी दुल्हा भगवान कुट्टीलाई स्थानीय समाजसेवी एवम् दाताहरुले १७ बिघा १५ कठ्ठा जग्गा दिएकोमा केही समययता त्यो जग्गा बेचबिखन हुन थालेकोले त्यसलाई रोक्न माग गर्दै आइतबार नगरप्रमुख मनोज साहलाई ज्ञापनपत्र बुझाउन पुगेका थिए। मेयर साह कार्यालयमा नभेटेपछि उपमेयर साहलाई ज्ञापनपत्र बुझाएका थिए। ज्ञापनपत्र बुझेर उपमेयर साहले कार्यालय प्रांगणमा सम्बोधन गर्न सुरु गर्दा उनीमाथि आक्रमण गरिएको हो। उपमेयर साहमाथि आक्रमण भएपछि प्रहरीले उनलाई सुरक्षा दिएर कार्यकक्षमा लगेको…
काठमाडौंः नेकपा (एकीकृत समाजवादी) का अध्यक्ष माधवकुमार नेपालले बोल्दाखेरि होस पुर्याउनुपर्ने बताएका छन्। आइतबार काठमाडौंमा समाजवादी प्रेस संगठनको आयोजनामा भएको सम्पादकसँगको अन्तरक्रिया कार्यक्रममा पर्यटन मन्त्रीको पछिल्लो क्रियाकलापमाथि राखेको प्रश्नको जवाफ दिँदै उनले बोल्ने बेलामा होस् पुर्याउनुपर्ने बताए। अध्यक्ष नेपालले बोल्ने विषयमा सचेत नहुँदा चोट पाएपछि हैरानी खेप्नुपरेको भन्दै सचेत हुन सुझाए। ‘पर्यटनमन्त्रीबारे सोध्नुभयो, मान्छेबारे सोध्दा गाह्रो हुन्छ,’ उनले जवाफ दिए ‘बोल्दाखेरि विचार गर्नुपर्छ।’
काठमाडाैं – नेपाल प्रज्ञा प्रतिष्ठानको ६५औँ वार्षिकोत्सवको अवसर पारेर पठन संस्कृतिको विकास गर्ने उद्देश्यले १५ दिने पुस्तक प्रदर्शनी आयोजना गरिएको छ । प्रदर्शनीमा प्रतिष्ठानले २०३० सालदेखि २०७९ को जेठसम्म प्रकाशन भएका पुस्तक बिक्रीमा राखेको हो । रु तीनदेखि रु दुई हजार ७० सम्म मूल्यका पुस्तक प्रदर्शनीमा राखिएको जनाइएको छ । आज सुरु भएको प्रदर्शनी यही असार १९ गतेसम्म प्रतिष्ठानको भानुभक्त कक्षमा चल्ने छ । प्रदर्शनीमा भाषा, साहित्य, बाल साहित्य, जर्नल, समालोचना, शब्दकोश, ग्रन्थकोश, संस्कृति, विज्ञान, अनुवाद र दर्शनलगायत विषयसँग सम्बन्धित पुस्तक र कविता, प्रज्ञा, समकालीन साहित्य, थायभू, आँगन लगायतका धेरै विषयका पठनीय एवं अति उपयोगी करिब ५०० थरिका पुस्तक एवं…