धनगढी : ऐश्वर्य बहुमुखी क्याम्पसमा भोलि शोक विदा दिइएको छ। ऐश्वर्य बहुमुखी क्याम्पसका जननी संस्था ऐश्वर्य विद्या निकेतन कक्षा ११ व्यवस्थापन संकायमा अध्ययनरत छात्र रमेश रानाको १७ वर्षको अल्पायुमै असामयिक निधन भएको दुःखद घडीमा क्याम्पसले एक दिने शोक विदा दिइएको क्याम्पस प्रमुख धर्मदेव भट्टले जानकारी दिए । साथै, उक्त दिन सम्पूर्ण पठनपाठन बन्द रहने तथा स्वतन्त्र विद्यार्थी युनियनद्वारा राखिएको स्नातकोत्तर तह प्रथम सेमेस्टर तथा स्नातक तह प्रथम वर्षका नवआगन्तुक विद्यार्थीहरूलाई स्वागत कार्यक्रम समेत दोस्रो दिन सारिएको छ । सोमबार पूर्वनिर्धारित समयमै आयोजना हुने क्याम्पस प्रमुख भट्टले बताए ।
Author: महेन्द्रनगर पोष्ट
काठमाडौं : नेकपा एमालेका युवा नेता ऐन महरलाई गरिएको कारबाही फुकूवाको तयारी भैरहेको छ। यौन विचलनको आरोप लागेपछि एमालेले महरलाई सचिवालय बैठकबाट कारबाहीस्वरुप पार्टीको केन्द्रिय सदस्य पदबाट हटाएको थियो। महरले राजीनामा नदिएरै सचिवालय बैठकले उनको राजीनामा स्वीकृत भएको विज्ञप्ति जारी गरेको थियो। एमालेभित्र युवा जमादको कमान्डर र लोकप्रिय मानिने महरलाई कारबाही गरिएपछि आलोचना पनि भएको थियो। स्रोतका अनुसार उनलाई कारबाही भएको एक महिना नपुग्दै उनको कारबाही फिर्ताको तयारी भईरहेको बुझिएको छ। पार्टी अध्यक्ष केपी शर्मा ओलीले महरलाई पार्टीको नियमित काममा फर्किन निर्देशन दिईसकेको बताइएको छ। अध्यक्षले महरलाई चैतभित्रै कारबाही फुकुवा गर्ने समेत बाचाँ गरेको स्रोतको दाबी छ। बझाङबाट एमालेको राष्ट्रिय…
काठमाडौं : गठबन्धन निकट विद्यार्थी संगठनहरुले आफ्ना नेताहरुलाई कुटपिट गरेको भन्दै अनेरास्ववियुले काठमाडौंको अस्कल क्याम्पसमा मसाल जुलुस निकालेको छ । सत्ताको आडमा निरन्तर रुपमा आफ्ना नेताहरुमाथि कुटपिटको घटना बढेको भन्दै अनेरास्ववियु आवद्ध विद्यार्थीहरुले शनिबार लैनचौरस्थित अस्कल क्याम्पसबाहिर मसाल जुलुस निकालेका हुन् । शुक्रबार साँझ अखिल नेता कमल जोशीमाथि कुटपिट भएको थियो । अनेरास्ववियुले अखिल क्रान्तिकारीले आफ्ना नेतामाथि कुटपिट भएको आरोप लगाएको छ । मसाल जुलुसमा सहभागीहरुले अस्कल क्याम्पसमा छात्रबृतिमा एकलौटी भएको, क्याम्पसमा भ्रष्टाचार भएको आरोप समेत लगाएका छन् ।
अछामः अछाममा एक घरमा आगलागी भएको छ। जिल्लाको मेल्लेख गाउँपालिका–४ मा राफाका किट्टे साउँदको घरमा आगलागी भएको हो। आगो निभाउँने क्रममा साउँद जलेर घाइते भएका छन्। आगलागीबाट घरभित्र रहेका कपडा, खाद्ययान्न लगाएतका सामान जलेर अन्दाजी दुई लाख बराबरको क्षति भएको प्रहरीले जनाएको छ। घाइतेको स्थानीय स्वास्थ्य चौकीमा उपचार भइरहेको छ। खाना पकाउने क्रममा चुुलोबाट आगो सल्किन गई आज (शनिवार) बिहान १० बजेतिर आगलागी भएको हो।
काठमाडौं : अमेरिकी सेनाको इण्डो प्यासिफिक कमाण्डका प्रमुख एड्मिरल काठमाडौं आउन लागेका छन्। जर्नेल जोन सि अक्विलिनो र श्रीमतीसहित सवार वायुसेनाको विमान साँझ ५ बजे त्रिभुवन अन्तर्राष्ट्रिय विमानस्थलमा अवतरण गर्दैछ। अक्विलिनो पाँचखालमा मंगलबारदेखि आयोजित ग्लोबल पिस किपिङअन्तर्गत चौथो शान्ति प्रयास अवलोकनका लागि आउन लागेका हुन्। आगामी मार्च ४ तारिखसम्म हुने विशेष सैनिक अभ्यासमा नेपाल,अमेरिकालगायत विश्वका डेढ दर्जन मुलुकका सेनाको सहभागिता छ। नेपाल बसाईको क्रममा उनी उच्चस्तरीय भेटघाटमा पनि व्यस्त हुने सैन्य स्रोतले जनाएको छ।
काठमाडौं : भारतको उत्तर प्रदेशमा ट्र्याक्टर दुर्घटना हुँदा १५ जनाको ज्यान गएको छ। उत्तर प्रदेशको कासगंज जिल्लामा शनिबार बिहान दुर्घटना भएको भारतीय सञ्चार माध्यमहरूले जनाएका छन्। ट्रलीसहितको ट्र्याक्टर तलाउमा खसेको हो। दुर्घटनामा सात बालबालिकासहित आठ श्रद्धालु महिलाको ज्यान गएको अमर उजालाले जनाएको छ। दुर्घटनामा केही घाइते भएका छन्। उनीहरूको उपचार भइरहेको समाचारमा उल्लेख छ।
धनगढीः भारतको दुधुवाबिच जंगलमा दुर्घटना हुँदा दुई नेपाली घाइते भएका छन्। घाइते हुनेमा कैलालीको धनगढी उपमहानगरपालिका फूलबारीका रामकुमार चौधरी र बमबहादुर डगौरा रहेका छन्। उनीहरूको नेपालबाट पलिया जाँदै गर्दा मोटरसाइकल दुर्घटना भएको स्थानीयसमेत रहेको पत्रकार विवेक अर्कवंशीले बताएका छन्। उनका अनुसार, शनिवार बिहान साढे ११ बजे दुर्घटना भएको हो। से ३ प २८१९ नम्बरको मोटरसाइकल दुर्घटना भएको छ। उनीहरूलाई उपचारका लागि अस्पताल लगिएको छ। आफन्त सम्पर्कमा आएका छैनन्।
काठमाडौं : पूर्व राजा ज्ञानेन्द्र शाह परिवारका अन्य सदस्यहरुसहित काठमाडौं आएका छन्। सोमबार पूर्व रानी कोमल शाहको ७३ औं जन्मोत्सव मनाएर १९ जनाको टोली हिजो काठमाडौं आएको हो। बुद्ध एअरको उडानबाट हिजो दिउँसो साढे ४ बजे पूर्व राजा ज्ञानेन्द्र, पूर्व रानी कोमलसहित पूर्व युवराज्ञी तथा बुहारी हिमानी, छोरीहरु प्रेरणा,सिताष्मा, कृतिका, श्रीनिवास राणा, सीता राणा र शीला राणा भरतपुर हुँदै काठमाडौं आएको बताइएको छ। काठमाडौं फर्केको टोलीमा सागरप्रसाद तिमिल्सिना, राजेशबहादुर सिंह, स्मिता सिंह, जगदीश हमाल,हरिशरण थापा, कृष्णबहादुर गुरुङ, मोहनकुमारी गुरुङ,उजेली तामाङ, गीताकृष्ण खड्का र लक्ष्मी गुरुङ पनि छन्।
काठमाडौं : काठमाडौँको थापाथलीस्थित प्रसूति गृहबाट शुक्रबार शिशु अपहरण गरेर पक्राउ परेकी महिला अस्पताल भर्ना भएकी छिन्। काभ्रेको चौरीदेउराली घर भएकी २२ बर्सिया सविना श्रेष्ठकी २६ दिनकी छोरी चोरी गर्ने दैलेखकी मनकुमारी सिंह पाठेघरबाट रक्तस्राव भएपछि काठमाडौँको केएमसी अस्पताल भर्ना भएको काठमाडौँ प्रहरीले जानकारी दिएको छ। अनुसन्धानका लागि नियन्त्रणमा लिए पनि उनको पाठेघरबाट रक्तस्राव भएर बिरामी भएपछि अस्पताल भर्ना गरिएको काठमाडौँ प्रहरी परिसर प्रमुख भूपेन्द्र खत्रीले जानकारी दिए।
काठमाडौं : अमृत साइन्स क्याम्पस (अस्कल)मा अखिलका नेता कुटिएका छन्। शुक्रबार साँझ अखिलका स्थायी कमिटी सदस्य कमल जोशी कुटिएका हुन्। जोशी घाइते भएको प्रहरीले जनाएको छ। कलेजमा आयोजित कार्यक्रम सकेर फर्किने क्रममा जोशीमाथि कुटपिट भएको प्रहरीको भनाइ छ। जोशीमाथि आक्रमण गरेको आरोपमा प्रहरीले काभ्रेका एक जनालाई पक्राउ गरेको छ। अस्कलमा विद्यार्थी संगठनबीच पटक-पटक झडप भइरहने गर्छ।