धनगढी : सेती प्रादेशिक अस्पतालले सार्वजनिक बिदाको दिनपनी सेवा प्रवाह गर्ने भएको छ । नेपाल सरकारले राजपत्रमा प्रकाशित गरेका सबै सार्वजनिक बिदाका दिनमा अबदेखि स्वास्थ्य सेवा दिने भएको हो । आज जेठ ९ गते बुद्ध जयन्तीको बिदाको दिनबाट सेवा दिन सुरु गरिएको अस्पताल व्यवस्थापन समिति अध्यक्ष निर्मल शाहले जानकारी दिए । उनले अब नियमित रुपमा सार्वजनिक बिदाहरुमा पनि अस्पतालले सेवा दिने बताए । आज बिहीबार झण्डै दुई हजार बढी बिरामीले सेवा लिएका छन् ।
Author: महेन्द्रनगर पोष्ट
काठमाडौं : नेकपा एमालेका अध्यक्ष केपी शर्मा ओलीले कान्तिपुर मिडिया ग्रुपका अध्यक्ष कैलाश सिरोहिया पक्राउ पर्नुलाई सरकारले सञ्चारको हक खोसेको अर्थमा बुझ्न नहुने बताएका छन् । उनी कुनै समाचार प्रकाशनको विषयमा नभई सरकारले फौजदारी विषयमा छानबिन गर्नुपर्ने देखेर पक्राउ परेको ओलीले बताए । ‘किन यो समाचार प्रकाशित गर्यो, किन यस्तो बोल्यो भन्ने विषय त होइन, विषय अर्कै छ, त्यस सम्बन्धमा फौजदारी कुरा होला । यस सम्बन्धमा सरकारले छानबिन गर्नुपर्ने देख्यो भने ‘अनि कोही मन्त्री समाउँदा, उपप्रधानमन्त्री समाउँदा अनेक हुँदा कराउन नपर्ने, हल्लिन नपर्ने, डेमोक्रेसी कसरी खतरामा परिहाल्यो त एक जना मिडिया हाउसका मान्छे गिरफ्तार हुँदा ?’, बिहीबार झापामा एक सडक…
धनगढी: सुदूरपश्चिमस्थित डडेल्धुरा घर भएका नेपाली सेनाका मेजर गजेन्द्र देउवाले सगरमाथा आरोहण गरेका छन्। नेपाली सेनाको मुस्ताङस्थित श्री सैनिक उच्च शिखर शिक्षालयमा दरबन्दी भएका देउवाले विश्वको सर्वोच्च शिखर सगरमाथा आरोहण गरेका हुन्। उनले एकल रुपमा सगरमाथाको सफल आरोहण गरेर इतिहास रच्न सफल भएको बताए। उनी पहिलोपटक सगरमाथाको चुचुरोमा पुगेका हुन्। डडेल्धुराको अमरगढी नगरपालिका- २ घर भएका देउवाले जेठ ८ गते बिहान ९ः२५ मा सगरमाथाको चुचुरोमा टेकेका थिए। उनले बैशाख २७ गतेदेखि आरोहणको तयारी थालेकोमा जेठ ५ गते आरोहण सुरु गरी जेठ ८ मा आरोहण भ्याएका थिए। आफू हिजोमात्रै बेसक्याम्पमा फर्केको र अहिले पनि सगरमाथा क्षेत्रमै रहेको उनको भनाई छ।
काठमाडौं : नेपाली सेनाका डेढ दर्जन प्रमुख सेनानी (लेफ्टिनेन्ट कर्नेल) तितरबितर भएका छन्। १८ जना प्रमुख सेनानीसहित १८२ जना सैनिक अधिकृतको सरुवा तथा काज नियुक्ति गरिएको छ। सैनिक सचिव सहायक रथी ज्योतिन्द्र महतद्धारा जारी पत्रमा गत जेठ ८ गतेबाट लागू हुनेगरी सैनिक अधिकृतको सरुवा तथा काज नियुक्ति गरिएको उल्लेख छ। प्रमुख सेनानी रितबहादुर रानाभाटलाई काजमा सैनिक सचिव विभागमा खटाइएको छ। वीरेन्द्र शान्ति कार्य तालिम केन्द्रका प्रमुख सेनानी सुवेश कायस्थलाई पूर्वी पृतना हेडक्वार्टर, नम्बर २१ बाहिनी अड्डाका जयराम थापालाई वीरेन्द्र शान्ति कार्य तालिम केन्द्र लगिएको छ। त्यस्तै, नेपाली सेना स्वास्थ्य विज्ञान संस्थाका पारसविक्रम शाह नम्बर ६ बाहिनी अड्डा, मध्यपश्चिम पृतना हेडक्वार्टरका…
काठमाडौं : नलगाड हाइड्रोपावर कम्पनी लिमिटेडका प्रमुख कार्यकारी अधिकृत (सीईओ) प्रकाशबहादुर शाहीविरुद्ध अख्तियार दुरुपयोग अनुसन्धान आयेगमा उजुरी परेको छ। जाजरकोटका शाहीसँग अस्ट्रेलियाको स्थायी बसोवास अनुमति अथवा परमानेन्ट रेसिडेन्सी (पीआर) रहेकोभन्दै उनीविरुद्ध अख्तियारमा उजुरी परेको हो। पीआर भएको मात्रै नभएर अन्य योग्य प्रतिस्पर्धीलाई छोडेर उनलाई शक्तिकै आडमा नियुक्त गरेको आरोपसमेत लागेको छ। उनीविरुद्ध ८ गतेका दिन अख्तियारमा उजुरी परेको बताइएको छ। गत फागुन १४ मा कम्पनीले खुल्ला प्रतिस्पर्धाबाट पदपूर्ति गर्ने भन्दै आवेदन माग गरेको थियो। सीईओ पदकालागि लिखित परिक्षामा ६ जना सहभागी भएको बताइएको छ। अन्तर्वार्ता र प्रस्तुतीकरणपछि शाहीलाई नियुक्त गरिएको थियो। शाहीलाई केही दिनअघि वैशाख ३१ गते मात्रै सीईओमा नियुक्त…
धनगढी : बझाङमा हेलिकोप्टर मार्फत एक गर्भवतीको उद्धार गरिएको छ । जिल्लाको साईपाल गाउँपालिका–४ धुलीकी २६ वर्षीया सुपारी कुमारी बोहराको आज (बिहीवार) हेलिकोप्टर मार्फत उद्धार गरिएको हो । बझाङका प्रमुख जिल्ला अधिकारी विश्वामित्र कुइँकेलका अनुसार ३४ हप्ताको बच्चा पेटमा रहेकी महिलाको हेलिकोप्टर मार्फत उद्धार गरेर सुर्खेत लगिएको छ । उनलाई सुत्केरी हुनु अगावै अत्यधिक रक्तस्राव भएको छ। जिल्ला अस्पताल बझाङमा यस्ता समस्याले जिल्लामा ३र४ जना महिलाको ज्यान गएकाले सिधै सुर्खेत पठाइएको हो । महिला, बालबालिका तथा ज्येष्ठ नागरिक मन्त्रालय मातहतको राष्ट्रपति महिला उत्थान कार्यक्रम अन्तर्गत नेपाली सेनाको हेलिकोप्टर मार्फत गर्भवतीको उद्धार गरिएको हो ।
काठमाडौं : हालै बढुवा भएका प्रहरी अतिरिक्त महानिरीक्षक (एआइजी) भीमप्रसाद ढकाल हाल प्रहरी प्रधान कार्यालय मातहतको मानवस्रोत विभागको प्रमुखको जिम्मेवारीमा छन्। एआइजी ढकालको २८ वैशाखमा बढुवा भएकोमा ३ जेठमा उनले विभागको जिम्मेवारी सम्हालेका थिए। प्रहरीको महत्त्वपूर्ण मानिने उक्त विभागको जिम्मेवारी कुशलतापूर्वक निभाउने ढकालको दाबी छ। एआइजी ढकाल प्रहरी संगठनमा इमान्दार र व्यवसायीक प्रहरी अधिकृतको रुपमा परिचित छन्। त्यसका साथै उनी कमाण्ड, कन्ट्रोल र अनुसन्धानमा अब्बल मानिन्छन्। रोचक कुरा त के छ भने उनका भाइ पनि प्रहरी सेवामै छन्। तीन भाईमध्येका जेठा ढकाल हुन् भने सबैभन्दा कान्छा प्रभु ढकाल हाल नेपाल प्रहरीको एसपी छन्। उनी अहिले इलाम जिल्ला प्रहरी कार्यालयको प्रमुखको…
धनगढी : बाजुराबाट रारातर्फ जाँदै गरेको जिप दुर्घटना भएको छ। जिल्लाको हिमाली गाउँपालिका–५ कोल्टिको भवानी माध्यमिक विद्यालयका विद्यार्थीहरूलाई रारा लैजादै गरेको ग १ ज ८२४९ नम्बरको जिप मुगुको खत्याड गाउँपालिका वडा–२ जाम हिलटपमा दुर्घटना भएको हो। जिपमा सवार १२ जना घाइते भएका छन्। उनीहरूमा नौँ जना विद्यार्थी, दुई जना शिक्षक र चालक छन्। घाइतेमध्ये चालकको अवस्था गम्भीर रहेको प्रहरी नायब उपरीक्षक वीरेन्द्र थापाले बताए। चालक लालबहादुर भण्डारीको स्थानीय स्वास्थ्य चौकीमा उपचार भइरहेको छ । प्रहरीका अनुसार अन्य सबैको अवस्था सामान्य रहेको छ। जिप सडकबाट २५ मिटर तल खसेको थियो।
धनगढी : कञ्चनपुरमा लागु औषधसहित एक जना पक्राउ परेका छन् । कृष्णपुर नगरपालिका ५ गुलरियाबाट बुधबार खैरो हेरोइनसहित ३० वर्षीय हर्कबहादुर देउवा पक्राउ परेका हुन। प्रहरीले उनको साथबाट ४.७६० मिलिग्राम खैरो हेरोइन बरामद गरेको छ । देउवालाई थप अनुसन्धानको लागि इलाका प्रहरी कार्यालय गुलरीया पठाइएको छ ।
धनगढी : नेपाली काँग्रेसका सभापति शेरबहादुर देउवाले रमेश लेखकलाई कार्यसम्पादन समिति सदस्यमा मनोनित गरेका छन्। देउवाले लेखकलाई मनोनीत गरेपछि पार्टीमा तरंग पैदा भएको छ। पार्टी सभापति देउवाले लेखकलाई केन्द्रीय कार्यसम्पादन समिति सदस्यमा मनोनीत गरेपछि केन्द्रीय सदस्य एनपी साउद रुष्ट भएको बताइएको छ। लेखक नेपाली कांग्रेसको प्रमुख सचेतकसमेत हुन्। कांग्रेसको विधानमा पदाधिकारी र प्रतिनिधि सभा तथा राष्ट्रिय सभा दलको नेता पदेन सदस्य हुने व्यवस्था छ। सभापतिले केन्द्रीय समितिमा रहेका वरिष्ठ सदस्यहरूमध्ये ३१ लाई कार्यसम्पादन समिति सदस्यमा मनोनयन गर्ने र केन्द्रीय कार्यसमितिबाट अनुमोदन गराउने भन्ने परम्परा रहेको थियो। जसमा १३ जना पदाधिकारी छन्। त्यसपछि ३१ जनालाई बनाउँदा वरियतामा ४४ नम्बरसम्म रहेका नेताहरू…