धनगढी: दार्चुलामा जंगलमा सिकार गर्न गएका एक जनाको गोली लागेर मृत्यु भएको छ। शनिवार बिहान नौगाड गाउँपालिका–१ नागु लक्सेरीका ५५ वर्षीया धंके डडालको मृत्यु भएको हो। आज १० बजेतिर भरुवा बन्दुकको गोली लागेको र उनको टाउकोमा गोली लाग्दा घटनास्थलमै मृत्यु भएको जिल्ला प्रहरी कार्यालय दार्चुलाका प्रमुख (डीएसपी) शिव सिंहले जानकारी दिए। उनका अनुसार लक्सेरी नागु बस्ने अन्दाजी ५३ वर्षका जयसिंह डडालले चलाएको गोली लागेर धंकेको ज्यान गएको हुनसक्ने अनुमान गरिएको छ। गोली हानेको आशङ्कामा जयसिंहलाई भाग्ने क्रममा अहिले प्रहरीले नियन्त्रणमा लिई घटनाबारे अनुसन्धान भइरहेको जनाएको छ। अहिले जिल्ला प्रहरी कार्यालयबाट पनि थप प्रहरी टोली घटनास्थलतर्फ गएको बताइएको छ।
Author: महेन्द्रनगर पोष्ट
धनगढी : कैलालीको धनगढी उपमहानगरपालिका-३ स्थित रिङरोडमा रहेको हिरा गजुरेलको घरमा जुवा तास खेलिरहेको अवस्थामा तीन जना पक्राउ परेका छन् । गोप्य सूचनाको आधारमा प्रहरी टोलीले गजुरेलको घरमा छापा मारेको थियो । प्रहरी निरीक्षक जनक ढुङ्गानाको कमाण्डमा खटिएको टोलीले छापा मार्दा, जुवा खेलिरहेको अवस्थामा तीन जनालाई नियन्त्रणमा लिएको हो। पक्राउ पर्नेहरूमा जिल्ला कैलाली, धनगढी-३ का ३२ वर्षिय धन शेर बिष्ट लगायत अन्य ६ जना रहेका छन्। पक्राउ परेको बेला उनीहरूबाट नगद ६५ हजार ५०५ र ३ गड्डी तास बरामद गरिएको छ। पक्राउ परेका व्यक्तिहरूलाई आवश्यक कानुनी कारबाहीका लागि प्रहरी नियन्त्रणमा राखिएको छ। स्थानीय प्रहरी कार्यालयले यस घटनाको थप अनुसन्धान गरिरहेको…
धनगढी : भारतिय प्रहरीले चोरीमा संलग्न बझाङका तीन जनालाई गोली हानी नियन्त्रणमा लिएको छ । बझाङको जयपृथ्वी नगरपालिका-३ पडेश घर भएका सुनिल खड्का, प्रताप खड्का र अंकित जोशी प्रहरीसँगको भिडन्तमा पक्राउ परेका हुन् । प्रहरीको फरार सूचीमा रहि जनही २५ हजार रुपैँया पुरस्कार तोकिएका उनीहरुलाई उत्तर प्रदेशको मुजफ्फरनगर जिल्लामा प्रहरीसँगको दोहरो गोली हानाहानमा पक्राउ गरिएको मुजफ्फरनगरका एसपी सत्यनारायण प्रजापतीले बताए। उनीहरुलाई प्रहरीले स्थानीय नयाँ मण्डीका व्यापारी नीरज जैनको घरबाट लाखौं चोरी गरेको आरोपमा खोजिरहेको रहेको थियो । प्रहरीले चोरीमा संलग्न रहेको आरोपमा नेपाली गिरोहका तीन जना सुनिल खड्का, प्रताप खड्का र अंकित जोशी भिडन्तमा पक्राउ परेको र उनीहरु तीनै जनाको…
धनगढी : छाउगोठमा बेहोस अवस्थामा भेटिएकी अछामको पञ्चदेवल विनायक नगरपालिका–२, रिठेतोलाकी १६ वर्षीया किशोरीमाथि सामूहिक बलात्कारको आशंकामा प्रहरीले अनुसन्धान सुरु गरेको छ। बलात्कार आरोपमा पक्राउ परेका सोही ठाउँका १७ वर्षीय किशोरमाथि प्रहरीले सोधपुछ गरिरहेको छ। जिल्ला प्रहरी कार्यालय, अछामका डीएसपी सन्तोष पाठकका अनुसार अदालतबाट ४ दिनको थुना म्याद लिएर ती किशोरमाथि अनुसन्धान भइरहेको हो। यस्तै, सामूहिक बलात्कारको आशंकामा अन्य सूचना संकलन गर्ने काम पनि प्रहरीले गरिरहेको छ। पीडित किशोरी अहिले जिल्ला अस्पतालमा उपचाररत छिन्। उनको स्वास्थ्य अवस्थामा क्रमिक सुधार हुँदै गएको प्रहरीले जनाएको छ। पीडित किशोरी र पक्राउ परेका बलात्कार आरोपी १७ वर्षीय किशोरको जिल्ला अस्पताल अछाममा स्वास्थ्य परीक्षण गरिएको…
काठमाडौं : देशका पाँचवटा प्रदेशमा मनसुनको प्रभाव रहेको छ । कोशी प्रदेशबाट भित्रिएको मनसुन मधेस, बागमती र गण्डकी प्रदेशको अधिकांश भूभाग तथा लुम्बिनी प्रदेशको पूर्वी भूभागसम्म फैलिएको छ । जल तथा मौसम विभाग, मौसम पूर्वानुमान महाशाखाका अनुसार अन्य प्रदेशमा भने अझै पश्चिमी वायु र स्थानीय वायुको प्रभाव न्यून छ । मनसुन र पश्चिमी वायुको प्रभावले कोशी, बागमती, गण्डकी, लुम्बिनी र कर्णाली प्रदेशमा आज बिहान पूर्णतया बदली छ भने बाँकी भूभागमा आंशिक बदली छ । अहिले गण्डकी प्रदेशका केही भूभाग तथा बागमती, कर्णाली र लुम्बिनी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षा भइरहेको महाशाखाले जनाएको छ । आज दिउँसो…
काठमाडौं : साउदी अरबको मक्कामा सयौं हजयात्रीहरूको मृत्यु भएको छ। हजका लागि विभिन्न देशबाट साउदी अरब पुगेका सयौं हजयात्रीहरूको अत्यधिक गर्मीका कारण मृत्यु भएको हो। शुक्रबारसम्म ४५० जना हजयात्रीहरूको गर्मीका कारण मृत्यु भएको छ। हजका लागि नेपालसहित विभिन्न मुलुकहरूले आधिकारिक रूपमा आफ्ना देशबाट सहभागी हुनेहरूको सूची पठाउँछ। तर त्यसबाहेकका इस्लाम धर्मावलम्बीहरू पनि मक्का जाने र त्यसको रेकर्ड नहुने भएकाले मृतकको संख्या एक हजार नाघ्न सक्ने अन्तर्राष्ट्रिय सञ्चारमाध्यमहरूले उल्लेख गरेका छन्। साउदी अरब र इजिप्टले अहिलेसम्म मृतकको संख्या सार्वजनिक नगरेकाले सो संख्या बढ्ने सम्भावना छ। मक्का जाँदा अत्यधिक तापक्रमका कारण बाटोमै पनि सयौं हजयात्रीको मृत्यु भएको बताइएको छ। पुष्टि भएको मध्ये…
काठमाडौं : आफुलाई प्रहरीको इन्सपेक्टर भन्दै भक्तपुरमा २ करोड लुटपाट भएको छ । घटना मंगलबार रातिको भएपनि ढिलोगरी खबर बाहिरीएको हो । भक्तपुरका एक व्यवसायीको घरबाट दुई करोड रुपैयाँ लुटपाट भएको हो । आफूहरू प्रहरी भएको भन्दै चार÷पाँचजनाको समूहले दधिकोटका एक व्यवसायीको घरबाट उक्त नगद लुटपाट गरेको काठमाडौं उपत्यका प्रहरी कार्यालयका एआईजी दिपक थापाले बताए । तर घटनाबारे विस्तृत विषय आइनसकेको र अनुसन्धान जारी रहेको उनले बताए । भक्तपुर प्रहरी र उपत्यका अपराध अनुसन्धान कार्यालयको संयुक्त टोलीले घटनाको अनुसन्धान गरिरहेको छ । अनुसन्धानका क्रममा दुईजनालाई प्रहरीले पक्राउ गरेको छ । अन्य केही फरार रहेको बताइएको छ । उपत्यका अपराध अनुसन्धान…
बैतडी: महाकाली नदीमा डुबेर बैतडीकी एक बालिकाको मृत्यु भएको छ। जिल्लाको शिवनाथ गाउँपालिका- १ स्वालाकी १५ वर्षीया रजनी चाँडको नदीमा डुबेर मृत्यु भएको हो। रजनीसँगै महाकालीमा नुहाउन गएकी सोही ठाउँकी १२ वर्षीया अस्मिता चाँड बेपता भएकी छन्। सोही वडाको कुस्मतघाटस्थित महाकाली नदीमा शनिबार १० बजेतिर नुहाउने क्रममा डुबेर रजनी बेपत्ता भएको खबर पाएपछि नेपाल प्रहरी र स्थानीयले खोजी गर्दा रजनी मृत भेटिएको र अस्मिताको खोजी भइरहेको जिल्ला प्रहरी कार्यालय बैतडीका प्रहरी निरीक्षक बलराम पाण्डेले जानकारी दिए। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।
नेपाल: उत्तरप्रदेशस्थित बरेलीमा गोली हानाहान भएको छ। आज शनिबार (बिहान) बरेली पिलीभितको इज्जतनगर रोड, बजरंग ढाबा नजिक शंकर महादेव मार्बल्सको पसल नजिकै गोली हानाहान भएको हो। बरेली प्रहरीका अनुसार आज बिहान राजीव राणाका छोरा र केपी यादवले आफ्ना ४०-५० अपरिचित व्यक्ति र ०२ जेसीबी ल्याएर आदित्य उपाध्यायको पसलमा आएर तोडफोड गर्न थालेका थिए। सोही क्रममा अर्को पक्षले गोली चलाएपछि मुडभेट भएको हो। प्रहरीले दुवैतर्फबाट गोली हानाहान भएको र जेसीबीमा आगजनी खबर पाएपछि टिम पठाएको थियो। त्यसपछि सो क्षेत्रमा प्रहरीले घटनास्थलमा पुगेर दमकलको सहयोगमा आगो नियन्त्रणमा लिएको थियो। घटनास्थलबाट आदित्य उपाध्याय, उनका छोरा अविरल उपाध्यायलाई एसबीबीएल १२ बोरको बन्दुकसहित पक्राउ गरिएको…
गण्डकी : कास्कीको पोखरामा अनधिकृत रुपमा ‘एप’मार्फत ‘राइड सेयरिङ’ गरी यात्रु बोक्ने कार्य तत्कालका लागि बन्द गरिएको छ। यातायात व्यवस्था कार्यालय कास्कीले उक्त एपमार्फत यात्रु ओसारपसार गर्ने कार्य तुरुन्त बन्द गर्न शुक्रबार सार्वजनिक सूचना जारी गरेको हो। सूचनाको अटेर गरी यात्रु बोक्ने कार्य जारी राखे यसमा संलग्नलाई कारबाही गरिने सूचनामा उल्लेख छ। यातायात व्यवस्था कार्यालय सवारी पोखराका प्रमुख डिल्लीराम रिजालले कानुनविपरीत निजी सवारीसाधनले ‘राइड सेयरिङ’ सेवा सञ्चालन गरिरहेको पाइएकाले त्यसलाई रोक लगाइएको बताए। गण्डकी प्रदेशमा ‘राइड सेयरिङ’ एपमार्फत हुने यातायात सेवालाई वैधानिक बनाउन सवारी तथा यातायात व्यवस्था नियमावली–२०८० मा व्यवस्था भए पनि नियमनका लागि कार्यविधि भने बनेको छैन। नियमावलीमा…