धनगढीः कैलालीको घोडाघोडी नगरपालिकाको नौँ नम्बर वडामा तालाबन्दी गरिएको छ। शुक्रवार उक्त वडाका युवाहरुले वडामा तालाबन्दी गरेका हुन्। वडामा के कति कारणले तालाबन्दी गरेका हुन, आफुलाई केहि थाह नभएको वडा अध्यक्ष हरिचन्द्र शाहले बताए।
Author: महेन्द्रनगर पोष्ट
धनगढीः कैलालीको धनगढीमा प्रधानमन्त्री पुष्पकमल दाहाल प्रचण्डलाईलाई १० किलोको माला लगाइएको छ। कैलाली उद्योग वाणिज्य संघको आयोजनामा धनगढी उपमहानगरपालिका–१ मा शुरु भएको सुदूरपश्चिम महोत्सवको उद्घाटना समारोहमा माओवादी पार्टीका अध्यक्ष तथा प्रधानमन्त्री प्रचण्डलाई १० किलोको माला लगाइएको हो। महोत्सवको प्रधानमन्त्री दाहालले उदघाटन गरेका हुन्। सो अवसरमा उद्योग वाणिज्य संघका अध्यक्ष पुष्पराज कुँवरले १० बुँदे मागसहित प्रधानमन्त्रीलाई १० किलोको माला लगाएका छन्। कैलाली उद्योग वाणिज्य संघले २०६३ सालदेखि धनगढीमा सुदूरपश्चिम महोत्सव आयोजना गर्दै आएको छ। शुक्रबार महोत्सवको १७ औं संस्करणको अवसरमा प्रधानमन्त्री दाहाललाई १० बुँदे मागपत्र बुझाइएको छ। संघले गौरिफण्टा नाकाको स्तरोन्नित गरिनुपर्ने, दशरथ चन्द स्वास्थ्य विज्ञान प्रतिष्ठान, खप्तड, शुक्लाफाँटा, घोडाघाडी जस्ता…
म्याग्दी : मुस्ताङबाट यस वर्ष रु. ४९ करोडभन्दा बढी मूल्यको स्याउ निकासी भएको छ । स्याउ मुस्ताङबाट निकासी हुने प्रमुख कृषि उपज हो । प्रधानमन्त्री कृषि आधुनिकीकरण परियोजनाको मुस्ताङस्थित स्याउ जोन कार्यालयले यस वर्ष उत्पादन भएको ९० प्रतिशत स्याउ बजारमा निकासी भइसकेको जनाएको छ । स्याउ जोन मुस्ताङका प्रमुख नेत्रप्रसाद भट्टले जिल्लाभर चार हजार नौ सय ७५ मेट्रिक टन स्याउ उत्पादन भएको मध्ये चार हजार चार सय ७७ दशमलव पाँच मेट्रिक टन स्याउ देशका विभिन्न ठाउँमा निकासी भएको बताए । “मुस्ताङमा फलेको मध्ये ९० प्रतिशत स्याउ बजारमा निकासी भइसकेको छ”, उनले भने, “करिब पाँच सय मेट्रिक टन स्याउ बेमौसममा बिक्री…
काठमाडौँ : सरकारले विभिन्न १८ वटा निर्णय गरेको छ । बिहीबार बसेको मन्त्रिपरिषद् बैठकले उक्त १८ निर्णय गरेको हो । मन्त्रिपरिषद् बैठकका १८ निर्णय : mantri-parisadDownload
काठमाडौँ : परराष्ट्रमन्त्री एनपी साउदले इजरायलका विदेशमन्त्री एली कोहेनसँग टेलिफोन संवाद गरी हमासले बन्धक बनाएका नेपाली विद्यार्थी विपिन जोशीको रिहाइको लागि तदारुकता देखाउन अनुरोध गरेका छन् । मन्त्री साउदको सचिवालयका अनुसार शुक्रबार बिहान भएको टेलिफोन संवादमा इजरायली विदेशमन्त्री काहेनले जोशीको रिहाइका लागि आफूहरूले पहल गरिरहेको जानकारी दिएका छन् । ‘विपिन जोशीको रिहाइका बारेमा हामीले आफ्नो तर्फबाट सकरात्मक प्रयास गरिरहेका छौँ । यसअघि युद्धविरामको समयमा रिहाइ गर्ने भरपुर कोशिस गरिएको थियो, त्यसलाई हामीले निरन्तरता दिइरहेका छौँ’, इजरायली विदेशमन्त्री कोहेनले साउदसँगको टेलिफोन संवादका क्रममा भने । परराष्ट्रमन्त्री साउद ‘दोहा २१ औँ फोरम’ मा सहभागी हुन शनिबार कतार जान लागेका छन् । कतार…
धनगढी: नेपाल किसान महासंघ बैतडी जिल्ला कार्यसमितिले पूर्णता पाएको छ। नेपाल किसान महासंघ बैतडीको अध्यक्षको जिम्मेवारी भानदेव भट्ट्ले पाएका छन्। किसान संघ बैतडीको उपाध्यक्षमा देवराज पन्त र राजेश कुमार जोशी, सचिव विवेकानन्द पाण्डेय र निराजन साउँद, सहसचिव सरस्वती भट्टराई र देवबहादुर चन्दलाई जिम्मेवारी प्रदान गरिएको छ। यस्तै कोषाध्यक्षमा विष्णुदत्त जोशीलाई मनोनित गरिएको छ। यस्तै सदस्यहरूमा शंकरसिंह भण्डारी, तेजबहादुर चन्द, सुरेन्द्र विष्ट, लोकलेन्द्रसिंह धामी, गौरी बोहरा, महेन्द्रसिंह धामी, गोविन्द भट्ट, चन्द्रा कुँवर, प्रमानन्द भट्टलगायत मनोनित भएका छन्। यस्तै जयबहादुर विष्ट, पदम लुहार, नमराज सिंह विष्ट, किरणसिंह ठगुन्ना, दानबहादुर विष्ट, डम्बर बहादुर कुँवर र कृष्णबहादुर बोहरालाई जिल्ला सदस्यमा मनोनित गरिएको छ।
काठमाडौं : काठमाडौंको नागढुंगाबाट प्रहरीले दुई किलो सुन बरामद गरेको छ । उपत्यका अपराध अनुसन्धान कार्यालय, काठमाडौंले नागढुंगबाट दुई किलो सुन बरामद गरेको एसएसपी सोमेन्द्रसिंह राठौरले बताए । उनका अनुसार, यो सुन रसुवा नाकाबाट काठमाडौं तर्फ ल्याइँदै थियो । विशेष सूचनाका आधारमा खटिएको टोलीले सुन बरामद गरेर तीन जनालाई नियन्त्रणमा लिएको उनले बताए । प्रहरीले पक्राउ पर्नेहरुको नाम सार्वजनिक गरेको छैन । गएराति मात्रै त्रिभुवन अन्तर्राष्ट्रिय विमानस्थलमा दुबईबाट आएको १४ किलो सुन बरामद भएको थियो । उपत्यका अपराध अनुसन्धान कार्यालयले दुई दिनअघि पनि न्यूरोडको सुन पसलमा छापा मारेर झण्डै ८ किलो अवैध सुन बरामद गरेको थियो ।
धनगढी: इजरायलमा हमासले गरेको आक्रमणपछि बेपत्ता भएका विपिन जोशीको परिवारले प्रधानमन्त्री पुष्पकमल दाहाल प्रचण्डलाई आफ्नो छोरा फर्काइदिन बिन्ती गरेका छन् । प्रधानमन्त्री प्रचण्डले आज बिहान कैलालीको धनगढी विमानस्थलमा जोशी परिवारलाई भेटेका थिए । भेटमा विपिनका अभिभावकले विपिनको उद्धारको पहलबारे जानकारी लिदै छिटो उद्धार गरिदिन आग्रह गर्दै छोरा फर्काइदिन बिन्ती गरे । प्रचण्डले विपिनको सकुशल रिहाइका लागि अधिकतम कूटनीतिक पहल जारी राखेको बताएका थिए । प्रधानमन्त्री प्रचण्ड सुदूरपश्चिम महोत्सव उदघाटन कार्यक्रममा सहभागी हुन आज बिहान कैलाली पुगेका छन् । सोही क्रममा उनले जोशी परिवारसँग भेटघाट गरेका हुन् । सुदूरपश्चिम विश्वविद्यालयको कृषि विज्ञान संकायमा अध्ययनरत विपिन सहितका ४९ विद्यार्थीहरु ‘लर्न एण्ड अर्न’…
बैतडी : गत असोजमा बेपत्ता भएकी बैतडीको सुर्नया गाउँपालिकाकी कल्पना महराको शव भेटिएको छ। सुर्नया गाउँपालिका ८ घर भएकी २० वर्षीया महराको शव सोही वडाको कैलपाल सामुदायिक वनभित्र फेला परेको हो। असोज २५ गते घरबाट गोठालो गएकी कल्पनाको स्थानीय तथा प्रहरीले खोजी गरिरहेका थिए। कल्पना रुखमा झुण्डिएको अवस्थामा फेला परेको प्रहरीले जनाएको छ। बुधबार कल्पनाको शव फेला परेको र पोष्टमार्टमपछि आफन्तको जिम्मा लगाइसकेको जिल्ला प्रहरी कार्यालय बैतडीले जानकारी दिएको छ। यस विषयमा अनुसन्धान भइरहेको प्रहरीले जनाएको छ।
धनगढी: काठमाडौंबाट नेपालगञ्जका लागि उडेको बुद्ध एयरको जहाज धनगढी पुगेर फर्केको छ। मौसम खराबीका कारण नेपालगञ्जका लागि उडेको जहाज धनगढी पुगेर अवतरण गराइएको हो। तर अहिले भने सो जहाज पुनः धनगढीबाट नेपालगञ्जका लागि उडेको बताइएको छ। नेपालगन्जमा अवतरण हुनु नसकेपछि सो जहाज धनगढी आएको थियो। तर अहिले भने मौसममा समस्या नभएका कारण अन्य जहाजहरु नेपालगञ्जमै अवतरण भैरहेको जनाइएको छ।