कञ्चनपुर : कञ्चनपुरको बेलडाँडी गाउँपालिका उपाध्यक्ष शान्ति नाथले नक्कली कागजात बनाएर बैंकबाट ऋण लिएको आरोप लागेको छ। घर नै नभएको ठाउँमा घर देखाएर उनले तत्कालीन लक्ष्मी बैंकबाट ऋण लिएको आरोप लागेको हो। उपाध्यक्ष नाथले सेती इन्जिनियरिङ्ग कन्सल्टेन्सीको सहायतामा बेलडाँडी गाउँपालिकाबाट घर नक्सा प्रमाणीत कागजात बनाएकी हुन्। उक्त कन्सल्टेन्सीले विना आधारको ऐलानी जमिनमा घर बनेको नक्सा बनाएको थियो। उक्त घर नक्सा पास गर्न कन्सल्टेन्सीले प्रमाणीत गरेको फर्जी कागजात उनले २०७७ माघ २३ गते पालिकामा पेश गरेकी थिइन्। त्यसकै आधारमा तत्कालिन प्रमुख प्रशासकीय अधिकृत पदम राज जोशीले घर नक्सा प्रमाणित गरेका थिए। उपाध्यक्ष नाथले बेलडाँडी गाउँपालिका वडा नम्बर २ भित्रको नक्सा सिट…
Author: महेन्द्रनगर पोष्ट
काठमाडाैं : अवैधरुपमा अमेरिका पुगेका ८ जना नेपालीलाई स्वदेश फर्काइएको छ । उनीहरुलाई अमेरिकी चार्टर उडानको विमानले हिजो काठमाडौंमा झारेको हो । विभिन्न मुलुक हुँदै अवैधानिक रुपले अमेरिकाको विभिन्न राज्यमा प्रवेश गरेका उनीहरुलाई अमेरिकाको होमल्याण्ड सेक्युरिटीले समातेको थियो । त्यसपछि ट्राभल डकुमेन्ट बनाएर ती सबैलाई चार्टर उडानमा अमेरिकी अधिकारीहरुले ल्याएका हुन् । फर्काइनेहरुमा अशोक छन्त्याल, छिरी शेर्पा, दिपेन्द्र अदाई, द्रोण अधिकारी, गणेश बोहरा, निमा शेर्पा, नयेन्द्र पुन र राजु बानिया रहेका छन् । अमेरिकी अधिकारीहरुले उनीहरुलाई विमानस्थलमा रहेको नेपाल प्रहरीको मानब बेचबिखन ब्यूरोका प्रतिनिधिहरुलाई बुझाएका थिए ।
अछाम: अछाममा बाघले आक्रमण गर्दा एक महिला गमभीर घाइते भएकी छिन्। जिल्लाको ढकारी गाउँपालिका-८ की अन्दाजी २४ वर्षीया धना तिमिल्सेना बाघको आक्रमणबाट अघाइते भएकी हुन्। बिहीवार घरबाट २ किलोमिटरको दुरीमा बाख्रा चराइरहेकी उनलाई बाघले आक्रमण गरेको थियो। उनलाई उपचारका लागि जिल्ला अस्पताल मंगलसेन लगिएकोमा हिजै साँझ थप उपचारका लागि सुर्खेत प्रादेशिक अस्पताल रिफर गरिएको जिल्ला प्रहरी कार्यालय अछामका प्रवक्ता प्रहरी निरीक्षक राजेन्द्र साउदले बताए ।
बैतडी : बैतडीमा ससुराली गएका एक पुरुषको मृत्यु भएको छ। भेटघाटका लागि ससुराली गएका सिगास गाउँपालिका–३ गजिणका ५० वर्षीय देव लुहारको ससुरालीमै मृत्यु भएको हो। सिगास–९ गन्सुरमा साला नाता पर्ने कमल विकको घर गएका लुहारको बिहीवार एक्कासी श्वासप्रश्वास बढ्नुका साथै खोकी लागेपछि मृत्यु भएको बताइएको छ। उनी फागुन ९ गते गन्सुर गएको बुझिएको छ। घटनाबारे अनुसन्धान भइरहेको र पोष्टमार्टमपछि मात्रै थप कुरा खुल्ने जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीले बताए।
धनगढी: खेलकुद परिषद्, सुदूरपश्चिमका सदस्य सचिव दिपक सिंहले परिषद्सँग बजेट न्यून रहेको बताएका छन्। हिजो (बिहीबार) धनगढीस्थित रंगशालामा आयोजित श्री कलेज अफ म्यानेजमेन्ट धनगढी कप फुटबल प्रतियोगिताको समापन समारोहमा उनले यस्तो बताएका हुन्। सिंहले परिषद्सँग डेढ करोड पनि बजेट नभएको अवस्थामा जेनतेन प्रतियोगिताहरुदेखि अन्य कार्यक्रम गरिरहेको बताए। यस्तै उनले सुदूरपश्चिममा बजेटका लागि चाकडी गर्नपर्ने अवस्था आएको भएपनी आफूले कसैको चाकडी नगर्ने स्पष्ट पारे। उनले आफूले माग गरेका धेरै कुरा प्राप्त गर्न नसकेको भन्दै अहिले पनि खेलकुदलाई हेर्ने दृष्टिकोण परिवर्तन नभएको दाबी गरे। यस्तै पछिल्लो राम्रो काम गरेर होइन, चाकडी गरेर बजेट पाउने अवस्था आएको पनि बताए। उनले भने, ‘यहाँ केही…
डडेल्धुरा : डडेल्धुराको परशुराम नगरपालिकाले विद्यार्थीको ‘हेल्थ प्रोफाइल’ बनाउन स्वास्थ्य परीक्षण गर्न थालेको छ । परशुराम नगरपालिकाकाले विद्यालयमै गएर विद्यार्थीको स्वास्थ्य परीक्षण गर्दै ‘हेल्थ प्रोफाइल’ बनाउन सुरु गरेको हो । त्यसका लागि चिकित्सकसहितका स्वास्थ्यकर्मी खटिएको परशुराम नगरपालिकाका मेयर भरत बडायर जोशीले बताए । जोशीका अनुसार मंगलबारदेखि परशुराम नगरपालिकाकाले विद्यालयमै गएर विद्यार्थीको स्वास्थ्य परीक्षण गर्दै ‘हेल्थ प्रोफाइल’ बनाउन सुरु गरेको हो। त्यसका लागि चिकित्सकसहितका स्वास्थ्यकर्मी खटिएका छन्। विद्यार्थीको स्वास्थ्य स्थितिको मूल्याङ्कन गर्ने, स्वास्थ्य समस्याहरू पहिचान गर्ने, छात्रछात्रामा देखा परेका रोगबारे अभिभावकलाई परिचित गराउने, रोग रोकथामका उपायहरू अपनाउने, आवश्यक उपचार गर्ने उद्येश्यसहित स्वास्थ्य परीक्षण गर्दै विद्यार्थीको ‘हेल्थ प्रोफाइल’ बनाउने कार्यक्रम परशुराम नगरपालिकाकाले…
बैतडी : बैतडीसहित जोडिएको दशरथचन्द र जयपृथ्वी राजमार्गमा हिमपात भएको छ । जिल्ला प्रहरी कार्यालयका प्रहरी प्रवक्ता एवं प्रहरी निरीक्षक नन्दराज जोशीका अनुसार ती राजमार्गमा हिजाे दिउँसोदेखि हिमपात भएको हो । राजमार्ग अन्तर्गतका खोडपे, अनारखोली, हरिचन, दुदिलाखान, ढोल्यामोड, बित्थडलगायत स्थानमा हिमपात भएको छ । हिमपातका कारण केहिबेर ती राजमार्गमा यातायात सेवा अवरुद्ध भएको थियो । यसैबिच हिमपात भएसँगै बालीनाली सप्रिने भन्दै यहाँका किसान खुसी भएका छन् । हिमपातपछि चिसो भने ह्वात्तै बढेको छ । बैतडीमा यस वर्ष दोस्रो पटक हिमपात भएको हो । यसअघि गत माघ तेस्रो साता हिमपात भएको थियो ।
कैलाली: कैलालीको धनगढीका दुई युवक लागुऔषधसहित पक्राउ परेका छन्। धनगढी उपमहानगरपालिका–१३ का ३० वर्षीय शिवदास राना र २० वर्षीय विरेन्द्र राना बिहीवार साँझ पक्राउ परेका हुन्। अस्थायी प्रहरी पोष्ट शान्तीनगर, कैलालीबाट खटिएको प्रहरी टोलीले उनीहरुलाई धनगढी उपमहानगरपालिका–२ विश्वनाथ मन्दिर नजिकबाट १ ग्राम ५५०मिलिग्राम खैरो हेरोइनसहित फेला पारी पक्राउ गरेको जनाएको छ। यस सम्बन्धमा प्रहरीले थप अनुसन्धान गरिरहेको छ।
काठमाडौं : काठमाण्डौ उपत्यकासहित देशका विभिन्न ठाउँमा हल्कादेखि मध्यम वर्षा भएको छ। सोमवारदेखि मौसम बदली हुँदै आएकामा हिजो काठमाण्डौ उपत्यकाकासहित पहाडी भेगमा पानी परेको हो। उच्च पहाडी तथा हिमाली भेगका थोरै ठाउँमा हिमपात भएको छ। काठमाण्डौ वरपरका डाँडामा पनि हल्का हिमपात भएको छ। आजदेखि मौसममा क्रमिक सुधार हुँदै जाने मौसमविद्ले बताएका छन्। मौसमविद्का अनुसार पश्चिमबाट मौसममा सुधार हुँदै जानेछ भने कोशीसहित पहाडी भेगमा आज पनि बदलीको सम्भावना छ। आज दिउँसो कोशी र गण्डकीका पहाडी भेगका केही ठाउँमा छिटपुटदेखि हल्का वर्षाको सम्भावना रहेको मौसम पूर्वानुमान महाशाखाले जनाएको छ। हिजो दिउँसो काठमाण्डौमा मौसम खराबीका कारण हवाई उडान र अवतरणमा समस्या भएको थियो। पानी पर्न…
डोटी : जिल्ला अस्पतालमा सञ्चालित पाँचदिने निःशुल्क अर्थोपेडिक सर्जिकल शिविरबाट एक हजार छ सय ८५ जना लाभान्वित भएका छन्। जिल्ला अस्पताल डोटीमा आइतबारदेखि बिहीबारसम्म आयोजना गरिएको शिविरमा एक हजार छ सय ८५ जनाको स्वास्थ्य जाँच गरिनुका साथै ७७ जनाको शल्यक्रिया गरिएको थियो। शिविरको आयोजना गर्नुपूर्व एक हजार तीन सय बिरामी हेर्ने लक्ष्य आयोजकले राखेको थियो । शिविरबाट डोटीमा लामो समयदेखि आर्थिक अभावमा विभिन्न समस्या बोकेर बस्न बाध्य नागरिक लाभान्वित भएको जिल्ला अस्पताल डोटीका प्रमुख डा सुजातकुमार मण्डलले बताए। शिविरमा नेपाल अर्थोपेडिक अस्पताल काठमाडौँका सिनियर कन्सल्टेन्ट, वरिष्ठ हाडजोर्नी विशेषज्ञ डा प्रकाश ज्ञवालीसहितको २५ जनाको टोलीले सेवा दिएको थियो। साथै हेन्डसर्जन डा क्याट्रिन हेगनले पनि सेवा दिएका थिए। मेड सोलुशन फाउण्डेसन स्विट्जरल्याण्डको सहयोग तथा…