काठमाडौँ : इण्डियन प्रिमियर लिग (आइपिएल) अन्तर्गत कोलकोता नाइट राइडर्सले लखनउ सुपर जाइन्टलाई पराजित गरेको छ । गएराती सम्पन्न खेलमा कोलकोताले लखनउलाई ९८ रनले पराजित गरेको हो । कोलकोताले दिएको २३६ रनको लक्ष्य पछाएको लखनउ १६.१ ओभरमा अल आउट हुदै १३७ रन मात्र बनाएको थियो । यसअघि कोलकोताले २० ओभरमा ६ विकेट गुमाउदै २३५ रन बनाएको थियो । यो जितपछि कोलकोता शिर्ष स्थानमा उक्लिएको छ । कोलकोताको ११ खेलमा १६ अंक भएको छ । त्यस्तै लखनउको भने यो पाँचौं हार हो । ११ खेलमा १२ अंक रहेको लखनउ अंक तालिकामा पाँचौं स्थानमा रहेको छ ।
Author: महेन्द्रनगर पोष्ट
काठमाडौं : ब्राजिलमा बाढीका कारण ५५ जनाको मृत्यु भएको छ । ७४ जना बेपत्ता भएको बीबीसीले जनाएको छ । शनिबार आँधीपछि भएको वर्षा र बाढीका कारण ब्राजिलको दक्षिणी क्षेत्रका २५ हजार नागरिक घर छोड्न बाध्य भएका छन् । पाँच लाख नागरिक बिजुली र सफा पानीबाट बञ्चित भएका छन् बाढीबाट २५० वटा सहर प्रभावित भएको समाचारमा उल्लेख छ ।
काठमाडौं : कोशी, बागमती र गण्डकी प्रदेशका पहाडी भूभागमा सोमबार मेघगर्जन र चट्याङसहित हल्कादेखि मध्यम वर्षाको सम्भावना छ। मौसम पूर्वानुमान महाशाखाकाअनुसार पश्चिमी र स्थानीय वायुका साथै भारतको बिहार आसपास बनेको न्यूनचापीय प्रणालीको प्रभाव रहँदा बिहान पहाडी भागमा आंशिकदेखि साधारणतया बदली छ। बाँकी भूभागमा मौसम मुख्यतया मौसम सफा छ। महाशाखाले दिउँसो देशभर आंशिकदेखि साधारणतया बदली रहने जनाएको छ। कोशी, बागमती र गण्डकी प्रदेशका पहाडी भूभागका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। बाँकी पहाडी भागका एकदुई स्थानमा मेघगर्जन र चट्याङसहित हल्का वर्षाको सम्भावना छ। कोशी, वाग्मती, गण्डकी र कर्णाली प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको…
बैतडी : दाङका एक युवक बैतडीमा मृत फेला परेका छन्। भालुवाङ घर भएका २१ वर्षीय दिपेन्द्र घर्ती मगर बैतडीको पाटन नगरपालिका-६ को मुख्य बजार नजिक मृत फेला परेका हुन्। सरसरफाइको काम आएका उनको शव घरको पछाडी घोप्टो परेको अवस्थामा फेला परेको रहेका बैतडीका प्रहरी प्रवक्ता प्रहरी निरीक्षक नन्दराज जोशीले जानकारी दिए। घटनाबारे अनुसन्धान भइरहेको जिल्ला प्रहरी कार्यालय बैतडीले जनाएको छ।
धनगढी : शुक्लाफाँटा नगरपालिका–१० झलारीका गगनराज भट्टको तीनतले घरको छतमा ठड्याइएको युनाइटेड टेलिकम युटिएलको टावर जोखिमयुक्त अवस्थामा रहेको छ। बाइल सेवा प्रदान गर्न १४ वर्षअघि घरधनीसँग १० वर्षको सम्झौता गरी निर्माण गरिएको टावरको मर्मतसम्भार नहुँदा जोखिम बढेको हो। छ हजार पाँच सय मासिक भाडा दिनेगरी २५ मिटर अग्लो टावर निर्माण गरिएको घरधनी भट्टले बताए । उनले प्रत्येक वर्ष १० प्रतिशत भाडा रकमवृद्धि गरेर दिने सहमतिका साथ टावर निर्माण गरिएको १४ वर्ष भए पनि सुरूका तीन वर्षपछि कम्पनी नै सम्पर्कविहीन भएको जानकारी दिए। उनका अनुसार टावर राखेदेखि मर्मतसम्भार नहुँदा टावरका नटबोल्ट खुकुलो भएर जोखिम बढेको छ भने अर्थिङ गर्न राखिएको तार चोरी…
धनगढी : जिल्ला प्रशासन कार्यालय डोटीले हातहतियार नवीकरण गर्न आग्रह गरेको छ । ३५ दिनको समयसीमा दिँदै प्रशासनले इजाजत प्राप्त हातहतियार नवीकरण गर्न भनेको हो । विभिन्न मितिमा हातहतियार राख्न इजाजत पत्र लिएका व्यक्ति तथा संस्थाहरुले नियमानुसार नवीकरण गर्नुपर्नेमा कतिपयले नगराएको देखिएको प्रशासनले जनाएको छ । आज सूचना जारी गर्दै प्रशासनले तोकिएको समयभित्र हतियारको इजाजत प्राप्त व्यक्ति स्वयं उपस्थित भएर नवीकरण गर्न सूचित गराएको छ । ‘जिल्लाबाट हातहतियार राख्ने इजाजत पत्र लिएका व्यक्ति–संस्थाहरुले नियमानुसार नवीकरण गर्नुपर्नेमा कतिपय इजाजत प्राप्त व्यक्ति–संस्थाले तोकिएको समयभित्र हातहतियारको इजाजतपत्र नवीकरण गरेको यस कार्यालयको हातहतियार अभिलेखमा नदेखिएको हुँदा, यो सूचना प्रकाशित भएको मितिले ३५ दिनभित्र नवीकरणको…
धनगढी : नेकपा एमालेका कैलाली जिल्ला सदस्य चक्र बहादुर बोगटीले पदबाट राजिनामा दिएका छन् । एमालेको गत फागुनमा सम्पन्न अधिवेशनबाट जिल्ला कमिटि सदस्य पदमा निर्वाचित भएका बोगटीले उक्त पदबाट राजिनामा दिएका हुन । पार्टीको जिल्ला कमिटिमा गुटबन्दी बढी हुँदा आफुले पदबाट राजिनामा दिएको उनले बताए । उनले योग्यता र क्षमताको आधारमा जिम्मेवारी दिनुको साटो गुटबन्दी गरेर आफ्ना खल्तीका व्यक्तिहरुलाई जिम्मेवारी दिईदा आफुले राजिनामा दिनुपरेको बताए । ‘योग्यता र क्षमताको कदर भएन, जिल्लाको अधिवेशनमा सबैभन्दा बढी मत ल्याएर विजयी भएको मान्छे र जिल्ला कमिटिको पुरानो सदस्य हुँदा पनि जिम्मेवारी दिईएन’ उनले भने ‘बरु हिजोअस्ती माओवादीबाट, समाजवादी बाट आएकाहरुले जिम्मेवारी पाए, जिन्दगीभर…
काठमाडौं : जिल्ला प्रहरी कार्यालय, सिराहाका एसपी सन्तोष आचार्यमाथि प्रहरी प्रधान कार्यालयले छानविन थालेको छ । स्थानीय बिचौलिया नरेश साहसँग मिलेर गैरव्यवसायिक गतिविधिमा लागेको आरोप आचार्यमाथि छ । साहलाई प्रहरी प्रधान कार्यालयको गोप्य टोलीले शनिबार पक्राउ गरेको छ । साह हुन्डी कारोबार तथा तस्करीको सेटिङ मिलाउने व्यक्तिका रूपमा चिनिन्छन् । उनको एसपी आचार्यसँग पनि निकटता देखिएको स्रोत बताउँछ । साहको मोबाइलका आधारमा छानविन सुरु भएको छ । एसपी आचार्य तीन महिनाअघि मात्र सिराहा सरुवा भएका हुन् । यसअघि प्रहरी प्रधान कार्यालयले कार्यक्षमतामा कमजोर रहेका ६ एसपीलाई तानिसकेको छ । आचार्यको हकमा पनि कैफियत देखिएका हटाउने सम्भावना छ । त्यस्तै, सुनसरीका…
धनगढी : कञ्चनपुरको दोधारा चाँदनी–१ पशुपति टोलबाट लागु औषध ब्राउन सुगरसहित एक जना पक्राउ परेका छन्। आइतबार दिउँसो भीमदत्त नगरपालिका–५ सुकासालका २४ वर्षीय विक्रम सिंह नायक पक्राउ परेका हुन। लागु औषध नियन्त्रण ब्यूरो शाखा कार्यालय महेन्द्रनगर र ईलाका प्रहरी कार्यालय दोधारा चाँदनीबाट खटिएको संयुक्त टोलीले २.६२० ग्राम ब्राउन सुगरसहित उनलाई पक्राउ गरेको छ। पक्राउ परेका नायकले लगाएको जुत्ताभित्र लागु औषध लुकाएका थिए। प्रहरी जाँचका क्रममा जुत्ताभित्र तीन पोकामा ब्राउन सुगर लुकाएको भेटिएको थियो। नायकमाथि अहिले अनुसन्धान भइरहेको प्रहरीले जनाएको छ।
धनगढी : बझाङमा आगोमा परेर एक महिला घाइते भएकी छन्। जिल्लाको बित्थडचिर गाउँपालिका –६ की ४६ वर्षिया बेलमती देवी धामी जलेर घाइते भएकी हुन्। बित्थडचिर गाउँपालिका–६ कचडास्थित करौल सामुदायिक वनमा लागेको डढेलो धामीको घर नजिकैको खरमा सल्किएको थियो। खरमा सल्किएको आगो नियन्त्रणमा लिने क्रममा उनको दुबै हात र खुट्टा जलेर घाईते भएको जिल्ला प्रहरी कार्यालय बझाङले जनाएको छ। प्रहरीका अनुसार अहिले घाइते धामीको प्राथमिक स्वास्थ्य केन्द्र देउलेखमा उपचार भइरहेको छ। अवस्था मध्यम रहेको छ।