कञ्चनपुरः शुक्लाफाँटा नगरपालिका–९ सिसैयामा आठ वर्षअघि निर्माण भएको लिफ्ट सिँचाइ आयोजना अलपत्र परेको छ। सिँचाइ आयोजना पूर्णरुपमा सम्पन्न नगरी अलपत्र छाडिएको हो। आयोजनाका लागि संरचना निर्माण गरिए पनि किसानको खेतमा भने पानी पुग्न सकेको छैन। वि.सं.२०७२ मा निर्माण प्रारम्भ गरिएको आयोजनाको काम वि.सं २०७३ मङ्सिरमा सम्पन्न भएको जनाइएको छ। सिँचाइ आयोजनाका लागि पाइपलाइन बिच्छ्याउने काम पूरा नगरीकनै निर्माण व्यवसायीले भुक्तानी लिएर गएपछि आयोजना सञ्चालनमा आउन नसकेको स्थानीय उपभोक्ताको भनाइ छ। नेपाल सरकार र एसियाली विकास बैङ्क (एडिबी)को संयुक्त लगानीमा सामुदायिक सिँचाइ आयोजना (सिआइपी) कञ्चनपुर अन्तर्गत ४४ लाख ६१ हजार नौ सय ७२ को लागतमा ठेक्का प्रक्रियामार्फत सिँचाइ आयोजना निर्माण गरिएको हो।…
Author: महेन्द्रनगर पोष्ट
कञ्चनपुरः कञ्चनपुरमा अवैधरुपमा मेडिकल सञ्चालन गर्ने एक जना पक्राउ परेका छन्। औषधी व्यवस्था विभागको ईजाजत पत्रविना सञ्चालनमा रहेको कृष्णपुर नगरपालिका–२ बंकमा रहेको कञ्चन क्लिनिक एण्ड फार्मेसीका सञ्चालक सोहि पालिकाको–१ नम्बरका देवसिंह धामी पक्राउ परेका हुन्। जोखिमयुक्त औषधीहरू ६ थान बोरासहित धामीलाई पक्राउ गरेको जिल्ला प्रहरी कार्यालयका प्रवक्ता प्रहरी नायव उपरीक्षक प्रकाश डाँगीले बताए। धामी भीमदत्त नगरपालिका–१२ पक्कीपुलबाट पक्राउ परेका हुन्। शुक्लाफाटा र कृष्णपुर नगरपालिका अन्तर्गतका झलारी, वाणी, वंक र कलुवापुरमा रहेका मेडिकलहरू अनाधिकृतरुपमा सञ्चालन भएका भन्दै प्रहरी कार्यालयमा जनगुनासो आएका थिए। शुक्रबार इलाका प्रहरी कार्यालय झलारीले उक्त क्षेत्रमा रहेका नौ वटा मेडिकलहरु चेकजाँच गरेको थियो।
धनगढी: सुदूरपश्चिम प्रदेश प्रहरीका प्रमुख डीआईजीले मातहतका प्रहरी प्रमुखहरुलाई निर्देशन दिएका छन्। डीआईजी रवीन्द्र केसीले हिजो (शुक्रवार) मातहतका हाकिमहरुलाई आवश्यक निर्देशन दिएका हुन्। उनले जिल्ला प्रहरी कार्यालयका प्रमुखहरुलाई भर्चुअल मिटिङ मार्फत निर्देशन दिएको बताइएको छ। जसमा हिजो ७ वटा पहाडी जिल्ला प्रहरी कार्यालयका प्रमुखहरुलाई भर्चुअल मिटिङमार्फत निर्देशन दिइएको हो। सो क्रममा डीआइजी केसीले जिल्लाहरुको वर्तमान शान्ति सुरक्षाको अवस्थाको सम्बन्धमा जानकारी लिदै, आगामी दिनमा आईपर्न सक्ने सुरक्षा चुनौती एवं समाधानका विषयहरुमा छलफल गरेको बुझिएको छ। यस्तै सो सम्बन्धना मातहत कार्यालयमा कार्यरत प्रहरी जनशक्तिलाई आवश्यक निर्देशन दिइएको छ।
धनगढी : दक्षिण अफ्रिकामा जारी आईसीसी यू–१९ विश्वकप २०२४ को सुपर सिक्समा स्थान बनाएको नेपालले अब भारत र बंगलादेशसँग खेल्ने भएको छ । नेपाल समूह डी को निर्णायक खेलमा अफगानिस्तानलाई १ विकेटले हराउँदै सुपर सिक्समा पुगेको हो । समूह डी बाट नेपाल, पाकिस्तान र न्युजिल्यान्ड सुपर सिक्समा पुगेका छन् । शनिबार हुने पाकिस्तान र न्युजिल्यान्डबीचको खेलपछि समूहको शीर्ष र दोस्रो टोली निर्धारण गर्नेछ । यी तीन टोली समूह ए बाट आउने तीन टोलीसँग सुपर सिक्समा हुनेछन् । समूह ए बाट भारत, बंगलादेशले शीर्ष २ मा रहँदै सुपरसिक्समा स्थान पक्का गरेका छन् र नेपालले यी दुई टोलीसँगै सुपर सिक्समा खेल्ने छ…
धनगढी : कैलालीको गौरीगङ्गा नगरपालिकाले आर्थिक वर्ष २०८०/०८१ को सार्वजनिक सुनुवाइ तथा बार्षिक समिक्षा कार्यक्रम सम्पन्न भएको छ । शुक्रबार नगरपालिकामा वर्षभरि सञ्चालन भएका योजना तथा कार्यक्रम र आय व्ययको सार्वजनिक सुनुवाइ तथा बार्षिक समिक्षा कार्यक्रम सम्पन्न भएको हो । नगरपालिकाले आव २०८०/०८१ मा ७२ करोड ३१ लाख १३ हजार ४०० अनुमानित बजेट ल्याएको थियो । यसमा चालु ६ महिनामा कुल बजेटको ३०.५० प्रतिशत खर्च भएको छ । चालुतर्फ ४०.०३ प्रतिशत खर्च गरेको नगरपालिकाले पुँजीगततर्फ ११.३६ प्रतिशत खर्च भएको सार्वजनिक सुनुवाइ प्रतिवेदनमा उल्लेख गरिएको छ । नगरपालिकाका प्रमुख प्रशासकीय अधिकृत धर्मराज बिनाडीले अर्धवार्षिक प्रतिवेदन प्रस्तुत गरेपछि प्रतिवेदनका आधारमा एवं नगरपालिकाको…
धनगढी : कैलालीको बर्दगोरीया गाउँपालिकाको माध्यमिक विद्यालयमा कार्यरत बालविकास शिक्षिका निरञ्जना मल्ल नक्कली शैक्षिक प्रमाणपत्रसम्बन्धी मुद्दामा दोषी ठहर भएकी छन् । विशेष अदालतका न्यायाधीश खुशीप्रसाद थारु, तेजनारायणसिंह राई र रितेन्द्र थापाको इजलासले शुक्रवार उनलाई दोषी ठहर गरेको हो । मल्ललाई ६ महिना कैद र १० हजार रुपैयाँ जरिवाना गरिएको छ । अख्तियार दुरुपयोग अनुसन्धान आयोगले बालविकास शिक्षिका मल्लले नक्कली प्रमाणपत्र पेश गरी नियुक्ति लिएको अभियोगसहित विशेष अदालतमा मंसिर १५ गते मुद्दा दायर गरेको थियो । मल्लले माध्यमिक शिक्षा परिषद क्षेत्रीय कार्यालय वाराणासी भारतबाट जारी भएको हाई–स्कूल परीक्षाको नक्कली शैक्षिक प्रमाणपत्र पेस गरी नियुक्ति लिएको ठहर भएको छ ।
धनगढी : ब्याटिङमा कप्तान देव खनाल र बलिङमा आकाश चन्दले शानदार प्रदर्शन गर्दा नेपालले अफगानिस्तानलाई पराजित गरेको छ। आईसीसी यू-१९ विश्वकप क्रिकेट प्रतियोगिताअन्तर्गत दक्षिण अफ्रिकाको इस्ट लण्डनमा शुक्रबार सम्पन्न समूह चरणको अन्तिम खेलमा नेपालले अफगानिस्तानलाई १ विकेटले हराएको हो। अफगानिस्तानले दिएको १४६ रनको सामान्य लक्ष्य नेपालले कप्तान देव खनालको अर्धशतकको मद्दतमा ९ विकेटको क्षतिमा पूरा गर्यो। अफगानिस्तानले दिएको १४६ रनको सामान्य लक्ष्य नेपालले कप्तान देव खनालको अर्धशतकको मद्दतमा ९ विकेटको क्षतिमा पूरा गर्यो। नेपालले ४५ औं ओभरको चौथो बलमा ९ विकेटको क्षतिमा लक्ष्य भेट्टाएको हो। टोलीलाई १९ रन आवश्यक हुँदा देव ३७ औं ओभरको तेस्रो बलमा ५८ रनमा आउट हुन…
धनगढी : आईसीसी यू-१९ विश्वकप क्रिकेट प्रतियोगिताअन्तर्गत अफगानिस्तानविरुद्धको खेलमा कप्तानी इनिङ खेलेका देव खनाल आउट भएका छन्। नेपाली टोलीबाट अफगानिस्तानविरुद्ध अर्धशतक बनाएका उनी जितनजिक पुगेका बेला आउट भएका हुन्। लगातार विकेट गुमाएर दबाबमा परेको नेपाललाई चौथो क्रममा आएका खनालले उद्धार गर्दै लक्ष्यतर्फ अघि बढाएका थिए। तर ५८ रन बनाएको अवस्थामा खनाल आउट भएपछि नेपालमाथि दबाब बढेको छ। उनले ८९ बलको सामना गर्दै ५८ रनको कप्तानी इनिङ खेले। खनाल आउट भएपछि अहिले क्रिजमा सुवास भण्डारी आएका छन्। खनाललाई साथ दिएका दीपक बोहोरा ३० बलमा १८ रनसहित क्रिजमा छन्। सम्हालिएर खेल्न सके नेपाल जितनजिक छ। नेपालले ३७ ओभर खेल्दै ७ विकेटको क्षतिमा…
धनगढी : राष्ट्रिय स्वतन्त्र पार्टी ९रास्वपा० का सभापति रवि लामिछानेका स्वकीय सचिव प्रकाश सिग्देलले उनको सचिवालय छोडेका छन् । रास्वपा स्थापनादेखि नै लामिछानेको सचिवालयमा रहेर काम गर्दै आएका सिग्देलले बिहीवारदेखि सचिवालय छोडेको घोषणा गरेका हुन् । ‘केही समयका लागि पारिवारिक काममा व्यस्त रहने जानकारी गराउँदछु’, रविलाई छोडेपछि सिग्देलले सामाजिक सञ्जालमा लेखेका छन् । सिग्देलले आफ्नो फेसबूकको इन्ट्रोमा पनि ‘स्वकीय निवर्तमान उपप्रधानमन्त्री एवं गृहमन्त्री रवि लामिछाने’ भन्ने व्यहोरा लेखेका छन् । सचिवालय छाड्नुको कारण भने उनले उल्लेख गरेका छैनन् । तर रवि निकट स्रोतका अनुसार पारिवारिक कारण देखाउँदै सिग्देलले केही समय अघिदेखि नै सचिवालय छोड्ने तयारी गरेका थिए । ग्यालेक्सी टेलिभिजन…
धनगढी : आईसीसी यू-१९ विश्वकप क्रिकेट प्रतियोगिताअन्तर्गत अफगानिस्तानविरुद्धको खेलमा नेपाली कप्तान देव खनालले अर्धशतक बनाएका छन्। लगातार विकेट गुमाएर दबाबमा परेको नेपाललाई चौथो क्रममा आएका खनालले उद्धार गर्दै लक्ष्यतर्फ अघि बढाएका हुन् । उनले ७३ बलको सामना गर्दै ७ चौकाको मद्दतमा अर्धशतकीय पारी पूरा गरेका हुन्। अफगानिस्तनले पहिले ब्याटिङ गर्दै दिएको १ सय ४६ रनको लक्ष्य अहिले नेपालले पछ्याइरहेको छ। कप्तान खनालकै प्रेरणामा नेपालले ३२ ओभर खेल्दै ६ विकेटको क्षतिमा ११६ रन बनाइसकेको छ। नेपालबाट अहिले क्रिजमा कप्तान देव खनाल ७७ बलको सामना गर्दै ५२ रनसहित क्रिजमा छन्। उनलाई साथ दीपक बोहोरा आएका छन्। उनले पनि खनाललाई साथ दिँदै १९…