काठमाडौँ : रोजगार अनुमति प्रणाली (ईपीएस) भाषा परीक्षा केही ढिलाइ हुने भएको छ । ईपीएस मार्फत उत्पादनमूलक क्षेत्रका लागि कोरिया जान आवेदन दिएकाहरूको परीक्षा ढिलागरी हुने भएको हो । यसअघि जनवरी २० तारिखदेखि परीक्षा हुनेगरी तयार भएको थियो । तर, अनलाइन प्रणालीमा प्राविधिक समस्या आएपछि फेब्रअरी ४ तारिखदेखि सूचना जारी गर्ने गरी काम भइरहेको छ । वैदेशिक रोजगार विभागका महानिर्देशक डण्डुराज घिमिरेले एचआरडी कोरियाका अधिकारीहरूसँगको छलफलको क्रममा २० जनवरी (माघ ६ गते) देखि परीक्षा गर्ने गरी कार्यतालिका सार्वजनिक गर्ने बताएका थिए । तर, आवेदन फारम भर्ने र आवेदकहरूको परीक्षा सम्बन्धी रेकर्ड राख्ने अनलाइन सिस्टमका कारण परीक्षा केही ढिलाइ हुने महानिर्देशक…
Author: महेन्द्रनगर पोष्ट
काठमाडौँ : सरकार सञ्चालन र राष्ट्रिय सभा सिट बाँडफाँटको विषयलाई लिएर सत्ता गठबन्धन दलहरूबिच खटपट भएको छ । आगामी फागुन २० गते रिक्त हुन लागेको एक तिहाइ सिटमा गठबन्धनभित्र कांग्रेस, माओवादी केन्द्र, एकीकृत समाजवादी र जसपाले मात्र भागबण्डा गरेपछि साना दलहरू असन्तुष्ट देखिएका हुन् । सिट बाँडफाँट गर्न पुस २१ गते प्रधानमन्त्री निवास बालुवाटारमा बोलाइएको गठबन्धनको बैठकमा भाग नपाउने भएपछि सत्ता घटक साना दलहरू त्यहाँबाट बाहिरिएका थिए । बैठकबाट बाहिरिनेमा जनमत पार्टी, नागरिक उन्मुक्ति पार्टी, लोकतान्त्रिक समाजवादी पार्टी र राष्ट्रिय जनमोर्चा रहेका थिए । सातै प्रदेशमा भोट प्रभावित गर्ने उनीहरूसँग मत नभएपनि एकरएक सिट दाबी गरेका थिए । तर नपाएपछि…
काठमाडौं : आइसिसी यू-१९ विश्वकपअन्तर्गत नेपाल र वेस्ट इन्डिजबीचको अभ्यास खेल वर्षाले अवरुद्ध भएको छ। दक्षिण अफ्रिकाको जोहानेसवर्गमा नेपालले टस जितेर फिल्डिङ रोजेपछि वेस्ट इन्डिज ब्याटिङमा उत्रिएको थियो। वेस्ट इन्डिजले ८.३ ओभरमा ३३ रन जोड्दा १ विकेट गुमाएको थियो। नेपालका लागि गुल्सन झाले एक विकेट लिएका थिए। त्यसपछि वर्षाले खेल अवरूद्ध भएको हो। विश्वकपमा १६ टिमले प्रतिस्पर्धा गर्दैछन् भने नेपाल समूह ‘डी’ मा छ। सन् २०१६ पछि पहिलो पटक यू-१९ विश्वकप खेल्न लागेको नेपालले समूहमा अफगानिस्तान, पाकिस्तान र न्युजिल्यान्डसँग प्रतिस्पर्धा गर्नेछ। विश्वकपअघि आइसिसीले १६ वटै टिमका कप्तानसँग कुराकानी गरेको छ। जसमा नेपालका कप्तान देव खनालले नेपालमा क्रिकेट क्रेज बढी भएको भन्दै नेपाली…
धनगढी : मृत भेटिएका सुर्खेतको पञ्चपुरी नगरपालिका–६ का १८ वर्षीय भरत बुढाको शव प्रदेश अस्पताल ल्याइएको छ। प्रारम्भिक अनुसन्धान गरेर भरतको शव पोष्टमार्टका लागि प्रदेश अस्पताल कालागाउँ सुर्खेत ल्याइएको प्रहरीले जनाएको छ। जिल्ला प्रहरी कार्यालय सुर्खेतका प्रमुख प्रहरी उपरीक्षक योगेन्द्रसिंह थापा नेतृत्वको टोली भरतको शव ल्याएर फर्किएको प्रहरी निरीक्षक कृष्णबहादुर खड्काले जानकारी दिए। उनले भने, ‘त्यहाँ पुगेको एसपीसाप र तालिम प्राप्त कुकुरसहितको टोली प्रारम्भिक अनुसन्धान गरेर मृतकको शव लिएर फर्किएको छ। घटना शंकास्पद छ। भोलि पोष्टमार्टम हुन्छ। पोस्टमार्टम रिपोर्टपछि थप अनुसन्धान थाल्छौं।’ घटनाका बारेमा हालसम्म कुनै पनि जाहेरी दर्ता नभएको उनले बताए। सोमबार राति १ बजेको समयमा भरतको शव भेटिएको…
धनगढी/कैलालीका स्थानीय पालिकामा लगातार छ दिन बिदा परेको छ । सुदूरपश्चिम प्रदेश सरकारले भुवा पर्व र स्थानीय सरकारले दुई दिन माघी पर्वको स्थानीय विदा थपेपछि बिदा लामो भएको हो । यसैबेला पुस २७ मा राष्ट्रिय एकता दिवस, माघ १ गते माघे सङ्क्रान्ति र एउटा शनिबार परेको थियो । जबकी यस वर्ष दशैं र तिहारमा पनि पाँचरपाँच दिन मात्रै सार्वजनिक विदा थियो । सुदूरपश्चिमका केही पहाडी जिल्लामा मनाइने भुवा पर्वलाई प्रदेश सरकारले प्रदेशभरि र थारु बहुल क्षेत्रका पालिकाले माघे संङ्क्रान्तिको एकदिन अघि र एकदिन पछि स्थानीय बिदा दिएका छन् । माघ १ गते थारु समुदायको सबैभन्दा ठूलो पर्व र नयाँ वर्ष…
धनगढीः कैलालीको धनगढीमा सडक कालोपत्रमा ठेकेदार कम्पनीको बदमासी देखिएको छ। क्षेत्रीय सहरी विकास आयोजनामार्फत कालिका कन्स्ट्रक्सनले कालोपत्रको काम गुणस्तरीय नगरेको पाइएको हो। धनगढीमा १० किलोमिटर सडक कालोपत्रका लागि ठेक्का पाएको निर्माण कम्पनीले मुख्य सडकको कालोपत्रमा नै बदमासी गरेको छ। क्षेत्रीय सहरी विकास आयोजनाले गुणस्तरीय कालोपत्र नभएको भन्दै निर्माण कम्पनीलाई काम रोक्न पत्र नै पठाएको छ। गुणस्तरीय कालोपत्र निर्माण नभए भुक्तानी रोक्का गरिने आयोजना कार्यालयको चेतावनी छ। क्षेत्रीय सहरी विकासका इन्जिनियर सौरभ कलौनीले आइतवारदेखि काम रोकिएको बताए। ‘लेयर मिलेको छैन। लेयर जस्तो हुनुपर्ने हो, त्यो भएको छैन। टेक्निकल कुरा हो। उहाँहरुले पूरा नगरेसम्म भुक्तानी हुँदैन,’ उनले भने। धनगढीमा क्षेत्रीय सहरी विकासले…
काठमाडौं : त्रिभुवन विश्वविद्यालय अन्तर्गतका इन्जिनियरिङ कलेजहरुमा मंगलबार (२ माघ) देखि स्नातक तहको पढाइ सुरु हुँदैछ । शुल्क विवादका कारण लामो समयसम्म प्रवेश परीक्षा सञ्चालन नहुँदा यस वर्ष इन्जिनियरिङको पढाइ ढिला गरी सुरु हुन लागेको हो । प्रवेश परीक्षा र भर्ना समय सकिँदासम्म त्रिविको इन्जिनियरिङ अध्ययन संस्थान (आईओई) अन्तर्गतका क्याम्पसहरुले सिट अनुसार विद्यार्थी भने पाउन सकेका छैनन् । पछिल्ला वर्षमा खाली हुने सिट संख्या पनि बढ्दै गएको संस्थानका अधिकारीहरु बताउँछन् । सोमबारसम्म संस्थानले सार्वजनिक गरेको भर्ना विवरण अनुसार कलेजहरुमा रहेको सिट संख्यामध्ये समग्रमा २५.२० प्रतिशत सिट संख्या खाली छ । कतिसम्म भने कुनै समय भर्नाका लागि निकै प्रतिस्पर्धा गर्नुपर्ने पुल्चोक,…
धनगढी : सुदूरपश्चिमम प्रदेशका उद्योग, पर्यटन, वन तथा वातारण मन्त्री रमेशसिंह धामीले वनसम्बन्धी मुद्दा सकेसम्म छिटो किनारा लगाइ दिन जिल्ला अदालतलाई आग्रह गरेका छन्। जिल्ला न्यायाधिस विष्णुप्रसाद अवस्थी र डल्लुराम चौधरीलाई भेटेर मन्त्री धामीले मुद्दा प्रकृया लम्बिएर बरामद गरेको काठ लामो समय राख्दा सडेर जाने गरेकाले यससम्बन्धी मुद्दा प्राथमिकतामा राखेर टुङ्ग्याइ दिन आग्रह गरे। मुद्दा प्रकृयाका कारण लामो समय लिलाम हुन नसकेर वन कार्यालयहरुमा राखिएको काठ काठ सड्नुका साथै सवारी साधन काम नलाग्ने अवस्थामा पुगेका उनले बताए। ‘वर्षौँदेखि लिलाम हुन नसक्दा काठ सडेर गएका छन्, कतिपय सवारी साधन काम नलाग्ने अवस्थामा पुगेका छन्’ उनले भने, ‘प्रदेशका सबै वन कार्यालयमा सडेर…
काठमाडौं : नेकपा माओवादी केन्द्रले पार्टीको विधान अधिवेशनसम्म प्रदेश इञ्चार्जहरूको जिम्मेवारी यथावत राख्ने भएको छ । पार्टीको स्थायी समिति बैठकले फागुन पहिलो साताका लागि तोकिएको विधान अधिवेशनसम्म हाल प्रदेशको जिम्मेवारी तोकिएका नेताहरूलाई सोही क्षेत्रमा रहेर काम गर्न निर्देशन दिएको हो । माओवादी केन्द्रमा वर्षमान पुनलाई विशेष प्रदेश, चक्रपाणि खनाललाई कोशी, लीलामणि पोख्रेललाई मधेश, जनार्दन शर्मालाई वागमती, देवेन्द्र पौडेललाई गण्डकी, हितमान शाक्यलाई लुम्बिनी, मात्रिका यादवलाई कर्णाली, डिलाराम आचार्यलाई सुदूरपश्चिम गिरिराजमणि पोख्रेलाई उपत्यका सम्र्पक समन्वय र राम कार्कीलाई प्रवास प्रदेश इञ्चार्जको जिम्मेवारीमा छन् । माओवादी केन्द्रको स्थायी समिति बैठकले जिल्ला इञ्चार्ज र अन्य केन्द्रीय सदस्यहरूलाई अभियानभन्दा पहिलेको यथास्थानको जिम्मेवारीमा पठाउने निर्णय गरेको…
धनगढीः कैलालीको गोदावरी नगरपालिकाको भवन पुनः उद्घाटन हुने भएको छ । २०७८ चैत्र १४ गते नेकपा एमालेबाट जितेका निर्वतमान नगरप्रमुख हरिसिंह साउँदले उद्घाटन गरेको प्रशासकीय भवनको पुनः उद्घाटन हुन लागेको हो । एसियाली विकास बैंक (एडिबी)को सहुलियतपूर्ण ऋण लगानीमा निर्माण सम्पन्न भएको भवन गोदावरी नगरपालिकालाई हस्तान्तरण गरिएपछि कांग्रेसबाट जितेका हालका नगरप्रमुख विरेन्द्र भट्टले भवनको पुनः उद्घाटन गर्ने भएका हुन । क्षेत्रीय सहरी विकास आयोजना कार्यालय धनगढीले १३ करोड ४६ लाख बढीको गोदावरी नगरपालिकाको प्रशासकीय भवन नगरपालिकालाई हस्तान्तरण गरेको छ । भवन क्षेत्रीय सहरी विकास कार्यालय धनगढीका इन्जिनियर शौरभ कलौनीले नगरप्रमुख भट्टलाई हस्तान्तरण गरेका छन्। भवन निर्माणका लागि शर्मा एण्ड कम्पनीसँग…