बैतडी : बैतडीमा जारी प्रधानमन्त्री कप पुरूष एकदिवसीय राष्ट्रिय क्रिकेट प्रतियोगिताकाे सुदूरपश्चिम प्रदेशस्तरीय छनाैटमा बझाङले लगातार दाेस्राे जित दर्ता गरेकाे छ। दाेस्राे जित दर्ता गर्ने क्रममा बझाङले डडेल्धुरालाई ३ विकेटले हरायाे। जितका लागि पाएकाे १६३ रनकाे लक्ष्य बझाङले २८.५ ओभरमा ७ विकेटको क्षतिमा भेट्टायाे। जसमा सन्दीप भण्डारीले ४१ रनकाे पारि खेले। डडेल्धुराका निरज ऐेरले ३ विकेट हात पारे। यसअघि दशरथचन्द क्रिकेट मैदान सुन्दरखालीमा टस जितेर ब्याटिङ गरेकाे डडेलधुरा ३१.५ ओभरमा १६२ रनमा अलआउट भयाे । उसका सुवेश रावलले अविजित ४३ रन हिर्काए। बझाङका कप्तान सञ्जय बाेहराले ४ र पारस राेकायाले ३ विकेट लिए। सञ्जय खेलका म्यान अफ द म्याच चुनिएका…
Author: महेन्द्रनगर पोष्ट
भजनी : पञ्चायतको बेला सुदूर तथा मध्यपश्चिमका पहाडी जिल्लामा नियमित उडान हुने टीकापुर विमानस्थल सशस्त्र द्वन्द्वपछि सञ्चालनको पर्खाइमा रहेको छ। सशस्त्र द्वन्द्वपछिको शान्तिप्रक्रियासँगै सुकुम्वासी र मुक्तकमैयाको अतिक्रमणमा परेको विमानस्थल सञ्चालनमा ल्याउने भन्दै खाली भएको दशक बित्दा पनि सञ्चालनमा आउन सकेको छैन। अतिक्रमण हटाएर मर्मतसम्भार भएको विमानस्थलमा परीक्षण उडानसमेत भएको थियो। परीक्षण उडानपछि गौचरनमा सीमित भएको विमानस्थल सञ्चालनका लागि पटकपटक बहस र छलफल हुने गरे पनि त्यसले सार्थकता पाउन नसकेको स्थानीय राजेन्द्र विश्वकर्माले बताए। “आज जहाज चड्नका लागि नेपालगञ्ज र धनगढी जानुपर्ने बाध्यता टीकापुरवासीलाई छ”, उनले भने, “टीकापुर विमानस्थलबाट जाहाज उड्न सकेको भए त्यति टाढा जानुपर्ने बाध्यता अन्त्य हुने थियो।” टीकापुरको…
काठमाडौं : लोकसेवा आयोगबाट सञ्चालित परीक्षामा अनियमित कार्य गर्ने दुई जना कारबाहीमा परेका छन्। आगामी एक वर्षसम्म लोकसेवाले लिने कुनैपनि परीक्षामा सामेल हुन नपाउने गरी उनीहरुलाई कारबाही गरिएको हो। सशस्त्र प्रहरी जवान पदको लिखित परीक्षामा सहभागी सचिन पटेल र लक्षिमा खड्काले आफ्नो उत्तरपुस्तिका च्यातेको पाइएकोले कारबाही गरिएको आयोगले जनाएको छ। लोकसेवा आयोग ऐन, २०७९ को दफा ४१ (१) खण्ड (क) बमोजिमको कसुरमा आयोगले उनीहरुलाई कारबाही गरेको बताएको छ।
काठमाडौं : पर्वतको कुश्मा नगरपालिकाका प्रमुख प्रशासकीय अधिकृत उदयबहादुर पराजुली पक्राउ परेका छन्। उनलाई पर्वत प्रहरीले बुधवार कुश्माबाटै पक्राउ गरेको हो। पराजुलीमाथि कास्कीको पोखरामा सहकारी ठगीसम्बन्धी उजुरी परेको र सोही आधारमा पक्राउ गरिएको जिल्ला प्रहरी कार्यालय, पर्वतका प्रहरी निरीक्षक (इन्सपेक्टर) अर्जुन पौडेलले जानकारी दिए। पराजुली सहकारी रजिस्ट्रारको कार्यालय, पोखरामा तत्कालीन समयमा रजिस्ट्रार थिए। मित्रमिलन सहकारीको कार्यक्षेत्र थप गर्न रकम लिएको खुलेपछि यसअघि उनीविरुद्ध पक्राउ पुर्जी जारी भएको थियो।
काठमाडौं : अख्तियार दुरुपयोग अनुसन्धान आयोगले आन्तरिक राजस्व विभागका तत्कालीन निलम्बित महानिर्देशक चुडामणि शर्मा लगायतविरुद्धको मुद्दा सर्वोच्च अदालतमा पुनरावेदन गरेको छ। विशेष अदालतले गरेको फैसला चित्त नबुझेपछि आयोगले सर्वोच्च अदातलमा आइतबार पुनरावेदनको निवेदन दिएको आयोगका प्रवक्ता नरहरि घिमिरेले जनाएका छन्। प्रवक्ता घिमिरेका अनुसार चुडामणि शर्मा र उनकी श्रीमती कल्पना उप्रेती शर्माका बारेमा विशेष अदालतले गत जेठ १८ गते गैर कानुनी रुपमा सम्पत्ति आर्जन गरी भ्रष्टाचार गरेको भन्ने आयोगको दाबीमा ‘दाबी नपुग्ने’ ठहर गरेको थियो। तर, आयोगले विशेष अदालतको सो फैसलामा चित्त नबुझेको भन्दै विभिन्न जिकिर लिँदै सर्वोच्चमा पुनरावेदन गरेको छ। आयोगका अनुसार चुडामणि शर्माको जाँच अवधिको समग्र व्यय ७ करोड…
काठमाडौं : काठमाडौं नछोड्ने घोषणा गरेको भोलिपल्टै प्रधानमन्त्री पुष्पकमल दाहाल ‘प्रचण्ड’ गोरखा पुगेका छन्। प्रधानमन्त्री भएको एक वर्ष पुगेको दिन मंगलवार मात्रै प्रचण्डले काठमाडौं बाहिर नगइ यसै साताबाट सन्देश दिने गरी काम गर्ने प्रतिबद्धता जनाएका थिए। तर त्यो प्रतिबद्धतालाई उनले भोलिपल्टै लत्याएका हुन्। नेपाल कम्युनिस्ट पार्टी (माओवादी केन्द्र) बारपाक सुलिकोट गाउँपालिका समितिले आयोजना गरेको जनतासँग माओवादी विशेष रुपान्तरण अभियानमा सहभागी हुन प्रधानमन्त्री गोरखा पुगेका उनको सचिवालयले जनाएको छ।
काठमाडौं : नेकपाका महासचिव नेत्रविक्रम चन्द (विप्लव)ले सरकारले आफूहरुसँग सहमति पनि गर्ने र घेराबन्दी पनि गर्ने गरेर दोहोरो चरित्र देखाएको गुनासो गरेका छन्। प्रधानमन्त्रीको सरकारी निवास बालुवाटारमा बुधवार बिहान बसेको समाजवादी मोर्चाको बैठकबाट बाहिरिने क्रममा सञ्चारकर्मीसँग कुरा गर्दै उनले सो कुरा बताएका हुन्। हालै विप्लव लगायतका नेकपाका नेताहरुविरुद्ध अदालतको पक्राउ पुर्जी जारी भएको थियो। आजै साँझ ६ बजे फेरि प्रधानमन्त्री निवास बालुवाटारमा मोर्चाको बैठक बस्ने र त्यसबारे विस्तृतमा छलफल गर्ने विप्लवले बताए।
बैतडी: सुदूरपश्चिम प्रदेशमा भारतबाट फर्किनेमा फेरि कोरोना सङ्क्रमण देखिन थालेको छ। पढाई तथा रोजगारीको खोजीमा भारतका विभिन्न ठाउँ पुगेर स्वदेश फर्किनेहरूमा फेरि कोरोना भाइरस देखिन थालेको हो। पछिल्लो डेढ सातायता नियमित रूपमा एकदेखि तीन जनासम्ममा दैनिक रूपमा कोरोना भाइरस पुष्टि हुन थालेको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए। भारतका विभिन्न ठाउँहरूबाट सुदूरपश्चिम प्रवेश गर्नेहरूमध्ये केहीमा कोभिड सङ्क्रमण देखा पर्न थालेको उनले बताए । कोभिड–१९ सङ्क्रमण सुरु भएयता सुदूरपश्चिममा ६ लाख ७१ हजार पाँच सय १० जनाको परीक्षण गरिएकोमा ६२ हजार चार सय ८४ व्यक्तिमा सङ्क्रमण देखा परेको थियो। अहिलेसम्म सुदूरपश्चिममा कोभिडबाट ६ सय ३७ जनाको मृत्यु भइसकेको छ।…
धनगढी : कैलालीमा एक इन्सिच्युटले ठगी गरेको छ। धनगढीको इन्सिच्युट अफ हस्पिटालिटी एण्ड इनफर्मेसन टेक्नोलोजी प्रालिले विद्यार्थीलाई नक्कली शैक्षिक प्रमाणपत्र थमाएर भिजिट भिसामा विदेश पठाइदिने भन्दै ठगी गरेको हो। प्राविधिक शिक्षा तथा व्यावसायिक तालिम परिषद् (सीटीईभीटी)बाट ३९० घण्टाको छोटो अवधीका तालिम सञ्चालन गर्ने अनुमति लिएको भए पनि सीटीईभीटीको लोगो प्रयोग गरेर तीन वर्षे डिप्लोमा तहका सिप विकास तालिम उत्तीण गरेको नक्कली शैक्षिक प्रमाणपत्र दिँदै ठगी गरेको हो। नक्कली शैक्षिक प्रमाणपत्र थमाएर भिजिट भिसामा इनटर्नसीप गराउने दुबई पठाउने भन्दै रकम असुली गरेको धनगढी उपमहानगरपालिका–३ बिशालनगरका महेन्द्र चन्दले गुनासो गरे। ‘मलाई दुबै पठाउँछु भनेर २ लाख ५० हजार प्रन्सिपल सविन रोकाया सरले…
चितवन: चेपाङ समुदायको उत्थानका लागि बागमती प्रदेश सरकारले चिउरी र चमेरो संरक्षण गर्ने भएको छ । यसका लागि सामाजिक विकास मन्त्रालयले कार्यविधि तयार गर्न लागेको छ। प्रदेश सरकारले चितवन, मकवानपुर र धादिङका छ पालिकामा यो कार्यक्रम लागू गर्ने तयारी गरेको छ। चेपाङ समुदायको बसोबास रहेको चितवनको राप्ती र कालिका नगरपालिका, चितवनको इच्छाकामना, मकवानपुरको राक्सिराङ तथा धादिङको गजुरी र बेनिघाट रोराङ गाउँपालिकामा कार्यक्रम लागू गर्न लागिएको सामाजिक विकास मन्त्रालयको सामाजिक विकास महाशाखा प्रमुख गोपालप्रसाद कँडेलले जानकारी दिए। उनका अनुसार मन्त्रालयले कार्यविधि निर्माण गरेर अर्थ मन्त्रालयमा पठाएको छ। मन्त्रिपरिषद्बाट कार्यविधि पारित भएपछि कार्यान्वयनका लागि स्थानीय तहमा बजेट पठाइने उनले बताए। प्रदेश सरकारले…