काठमाडौं: नेपाल प्रहरीले आधिकारिक रुपमा तोकिएका सामाजिक सञ्जालका माध्यमबाहेक अन्य माध्यमको आफूखुशी प्रयोग नगर्न निर्देशन दिएको छ। प्रहरी प्रधान कार्यालयले मातहतका निकायलाई सामाजिक सञ्जालको व्यवस्थित प्रयोगका निम्ति पुनः सर्कुलर जारी गरेको छ। वर्दीको कुनै पनि पहिचान प्रयोग गरी सामाजिक सञ्जालको माध्यमबाट सामग्री सम्प्रेषण गर्दा नेपाल प्रहरीको सञ्चार नीति २०६० मा आधारित रहेर गर्नुपर्ने परिपत्रमा उल्लेख छ। त्यस्तै, प्रहरी कार्यालयको नाममा खोलिने फेसबुकलगायत पेजहरु सार्वजनिक हुनुपर्ने उल्लेख गर्दै हेडर्क्वार्टरले व्यक्तिगत प्रोफाइलको रुपमा खोलिएका पेज तत्काल बन्द गर्न निर्देश गरेको छ। एकभन्दा बढी पेज भएका कार्यालयको आधिकारिक पेज निर्क्यौल गरी अन्य पेज बन्द गर्न, सिनियर प्रहरी अधिकृत कार्यालय प्रमुख रहने इकाइभन्दा तल्लो…
Author: महेन्द्रनगर पोष्ट
काठमाडौं: नेपाल प्रहरीका एक हवल्दार जेल चलान भएका छन्। चोरी मुद्दाकी पीडितलाई चोर पक्राउ गर्ने आश्वासन दिएर होटलमा लगि बलात्कार प्रयास गरेको भन्दै उनी जेल चलान भएका हुन्। प्रहरी वृत्त सोह्रखुट्टेमा कार्यरत अनिल कुमार दाहाल जेल चलान भएको बताइएको छ। जिल्ला न्यायाधीश पीताम्बर शर्माको इजलाशले उनलाई पुर्पक्षका लागि कारागार पठाउने आदेश दिएको हो। स्रोतका अनुसार एक महिलाको डेरामा चोरी भएपछि गत २० भदौमा स्वयम्भु वृत्तमा उजुरी दिएकी थिइन्। चोरी गर्ने व्यक्ति लैनचौर वृत्तमा रहेको खुलेपछि उनी त्यहाँ पुग्छिन्। त्यहाँ चोरी आरोपी हुँदैनन् तर उनको भेट हवल्दार दाहालसँग हुन्छ। उनले चोरलाई पक्राउ गर्ने आश्वासन दिई आफ्नो नम्बर उपलब्ध गराउँछन्। २९ भदौमा…
धनगढी: बैतडी जिल्लामा मालपोत कार्यालय छ। सो कार्यालयका हाकिम छन् अशोक सार्की। उनै सार्कीले सेवाग्राहीबाट घुस लिएको विषय बाहिर आएको छ। एकै सेवाग्राहीबाट सार्कीले पटकपटक किस्ताकिस्तामा घुस लिने गरेको खुलेको हो। स्रोतका अनुसार उनले छुट जग्गा दर्ताका लागि आवेदन दिएका एक जना सेवाग्राहीबाट पाँच पटक गरी ५१ हजार दुईसय रुपियाँ घुस लिएका हुन्। उनले बुधबार कार्यकक्षमै पाटन नगरपालिका–८, का नरबहादुर विष्ट र धनसिंह विष्टबाट पाँचौँ पटक घुसको अन्तिम किस्ता लिने बेलाको भिडिओ सार्वजनिक भएको छ। कार्यालय प्रमुखले सेवाग्राही विष्टबाट छुट जग्गाको फाइल दर्ता गर्नेबेला २०८१ वैशाख ३० गते पाँच हजार, स्थलगत सर्जमिन मुचुल्का बनाउने बेला फिल्डभत्ता भन्दै २०८१ साउन ६…
धनगढीः जिल्ला प्रहरी कार्यालय डोटीले भारतबाट चोरेर ल्याएको सुन फिर्ता गर्न लगाएको छ। भारतको राजस्थान राज्य नागौर किशनगढ जिल्ला परवतसरको एक घरबाट सुन चोरी भएकोमा चोर डोटी पुगेका थिए। आज बिहीबार प्रहरीले चोरेर ल्याइएको ४१५ दशमलव ३७ ग्राम सुन सुनधनी महेन्द्र सिंहलाई फिर्ता गराएको हो।दिपायल–सिलगढी नगरपालिका–२ का २४ वर्षीय रविसिंह भनी चिनिने कैलाशले गत जेठ १४ गते महेन्द्र सिंहको घरबाट चोरी गरेर ल्याएको उक्त सुन असार २१ गते प्रहरीले बरामद गरेको थियो। जिल्ला प्रहरी कार्यालय डोटीका प्रहरी उपरीक्षक विनोद शर्माका अनुसार भारतबाट सुनचाँदी र नगद चोरी गरेर नेपाल आउन लागेका दुई जनालाई भने भारतको पलियामा पक्राउ गरेर उतै मुद्दा चलाइएको छ।…
अछामः अछाममा एक सुत्केरीको मृत्यु भएको छ। जिल्लाको ढकारी गाउँपालिका–६ की २९ वर्षीया सरितादेवि जैशीको बिहीवार मृत्यु भएको छ। बुधवार राति व्यथा लागेर स्वास्थ्य चौकी लैजाने क्रममा उनले बाटोमै बच्चा पाएकी थिइन्। स्वास्थ्य चौकी ढुङ्गाचाल्ना पुर्याइएकी जैशीको उच्च रक्तश्राव भएपछि थप उपचारको लागि जिल्ला अस्पताल मंगलसेन लगिएकोमा डाक्टरले उनलाई मृत घोषणा गरेको प्रहरीले जनाएको छ। शिशुको अवस्था भने सामान्य रहेको छ।
धनगढी: कैलालीमा प्रहरीले ८ जना जुवाडेलाई पक्राउ गरेको छ। आज (बिहीबार) जिल्लाकोलम्कीचुहा नगरपालिका २ मोतिपुरबाट उनीहरूलाई समातिएको हो। प्रहरीले गोप्य सूचनाको आधारमा उनीहरूलाई सोही स्थानका २५ वर्षीय अर्जुन डाँगीको घरमा जुवा खेलिरहेको अवस्थामा समातेको हो। उनीहरूबाट रु २७ हजार ७३० रुपैयाँ र ६ गड्डी तास पनि बरामद गरिएको बताइएको छ। यी हुन् जुवाडे १)ल.चु.न.पा. २बस्ने वर्ष ४०को धनन्जय खनाल२)ऐ.बस्ने वर्ष ४२को सरोज रावल३)ऐ.बस्ने वर्ष ४१को जगत राज ढुंगाना४)ऐ.बस्ने वर्ष ४८को आशापति रोकाया५)ऐ.बस्ने वर्ष ५५को तुलानन्द रिमाल६)ऐ.बस्ने वर्ष ४२को देवराज बडुवाल७)ऐ.बस्ने वर्ष ३२को नविन धामि८)ऐ.४बस्ने वर्ष ४४को लोकेश मयाल
काठमाडौं: राष्ट्रिय अनुसन्धान विभागका प्रमुख हुतराज थापा नेतृत्वको टोली भारतीय खुफिया एजेन्सी ‘रअ’को सम्मेलनमा सहभागी हुन भारतको राजधानी नयाँ दिल्ली पुगेको छ। गुप्तचर टोली आज दिउँसो दिल्ली पुगेको हो। नेपाल एयरलाइन्सको उडान नम्बर आरए–२१७ मा हुतराज र विभागका उपअनुसन्धान निर्देशक प्रकाश आचार्य काठमाडौंबाट गएका हुन्। नयाँ दिल्लीस्थित ‘रअ’को मुख्यालयमा आजदेखि ‘आतंकवादविरुद्ध दक्षिण–पूर्वी एसियाली मुलुकका खुफिया एजेन्सीका प्रमुखहरुको सम्मेलन’ शुरु भएको छ। सम्मेलन आगामी शनिबारसम्म हुने छ। उक्त वार्षिक बैठकमा सहभागी हुन ‘रअ’ प्रमुख रवि सिन्हाको निमन्त्रणामा हुतराज दिल्ली पुगेको जनाइएको छ।
धनगढी: सुदूरपश्चिममा सशस्त्रका सई नै तस्करीमा लागेको देखिएको छ। कैलालीको धनगढीमा सशस्त्रका सईले भारतबाट ल्याएको सामान बरामद भएपछि उक्त कुरा खुलेको हो। मंगलबार साँझ नेपाल–भारत सीमा नाका त्रिनगरमा खटिएको थियो, जिल्ला प्रहरी कार्यालय कैलालीको टाइगर टोली। सोही समयमा भारतबाट सु.प.प्र. ०१ ००१ च ४३१६ नम्बरको स्कारपियो नाका छेउ डोकेबजारमा पुग्यो। स्कारपियोबाट उत्रिए सशस्त्र प्रहरीका नायब निरीक्षक (सई) अम्मर बिष्ट। उनको साथमा गाडी चालक र एकजना अन्य व्यक्ति पनि थिए। गाडी चालकलाई ल्याउन भनेर सई बिष्ट डोकेबजारबाटै सु.प.प्र ०१ ००८ प ६५९८ नम्बरको मोटरसाइकलमा धनगढीतर्फ हिडे। प्रहरीको टाइगर टोलीका सदस्यलाई गाडीमा अवैध सामान छ की भन्ने शंका लाग्यो। टोलीका एकजना सदस्यले…
बाजुराः जिल्ला अस्पताल बाजुरामा प्रसूति सेवाका लागि आएकी एक किशोरीको हेलिकोप्टरबाट उद्धार गरिएको छ। १५ वर्षीया ती किशोरीलाई नेपाली सेनाको हेलिकोप्टरबाट उद्धार गरिएको हो। सहायक प्रमुख जिल्ला अधिकारी रूपक मण्डलका अनुसार गर्भवतीको स्वास्थ्यस्थिति जटिल भएपछि जिल्ला अस्पतालले उनलाई सुविधासम्पन्न अस्पतालमा लैजान ‘रेफर’ गरेको हो। जिल्ला प्रशासन कार्यालयको पहलमा महिला तथा बालबालिका मन्त्रालयअन्तर्गत राष्ट्रपति महिला उत्थान कार्यक्रमअन्तर्गत उनको उद्धार गरिएको हो। किशोरावस्थाकी गर्भवतीको ज्यान जोखिममा भएकाले उनलाई उद्धार गरिएको हो। हाडनाताकरणीको अभियोगमा किशोरीका मामालाई जिल्ला प्रहरी कार्यालयले पक्राउ गरेको छ।
बैतडीः बैतडीको पञ्चेश्वरमा एक सुत्केरी महिलाको मृत्यु भएको छ। पञ्चेश्वर गाउँपालिका–१ शेरीकी १८ वर्षीया मनिषा घटालको मृत्यु भएको हो। सोमवार दिउँसो मृत बच्चालाई जन्म दिएकी घटालको अत्यधिक रक्तश्रावका कारण मंगलवार साँझ मृत्यु भएको पञ्चेश्वर स्वास्थ्यचौकीका प्रमुख सुरेश सार्कीले बताए। घरमै सुत्केरी भएकी घटालले पेटभित्रै मरेको बच्चालाई जन्म दिएकी थिइन्। त्यसपछि उनलाई रक्तश्राव भएको र स्वास्थ्य संस्था नलाग्दा उनको अकालमै ज्यान गएको बुझिएको छ। वर्षातका कारण पहिरोले बाटोघाटो अवरुद्ध हुँदा सुत्केरी महिलालाई स्वास्थ्य संस्थामा पुर्याउन नसकेको मृतकका आफन्तले जनाएका छन्। गाउँ नजिकैको शेरी बर्थिङ सेन्टर समेत बन्द हुँदा झन् समस्या भएको बताइएको छ। मनिषालाई रक्तश्राव हुँदा स्वास्थ्य संस्थामा लैजानुको सट्टा धामीझाक्रीको…