धनगढी : धनगढीमा एक युवक लागू औषधसहित पक्राउ परेका छन्। जिल्ला प्रहरी कार्यालय कैलालीबाट खटिएको प्रहरी टोलीले धनगढी उपमहानगरपालिका–१ बाट सोही ठाउँ बस्ने ३० वर्षीय सन्तोष चौधरीलाई मंगलवार पक्राउ गरेको छ। चौधरीलाई ७२० मिलिग्राम लागूऔषध (खैरो हेरोईन), ५ ट्याबलेट नाईट्रोभेट र ९ वटा स्पास क्याप्सुलसहित नियन्त्रणमा लिएको जनाएको छ।
Author: महेन्द्रनगर पोष्ट
काठमाडौं : संघीय संसद्अन्तर्गत प्रतिनिधिसभाको बैठक आज बस्दै छ । बैठक दिउँसो १ बजेका लागि बोलाइएको छ । बैठकमा कानुन, न्याय तथा संसदीय मामिलामन्त्री अजयकुमार चौरसियाले ‘कानुन, न्याय तथा मानव अधिकार समितिको प्रतिवेदनसहितको बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०७९’ छलफलका लागि प्रस्ताव गर्ने सम्भावित कार्यसूची छ । बैठकमा ‘बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०८१’ पारित गर्न प्रस्ताव गर्ने सम्भावित कार्यसूची रहेको संसद् सचिवालयले जनाएको छ ।
धनगढी : कञ्चनपुरको पुनर्वासमा भारतबाट ल्याइएको सामान नियन्त्रणमा लिएपछि तनाव उत्पन्न भएको छ। सोमबार दिउँसो १ बजेतिर पुनर्वास सीमा सुरक्षा चौकी (विओपी) का सशस्त्र प्रहरी निरीक्षक प्रेम बहादुर चन्दको कमाण्डमा खटिएको सशस्त्र प्रहरीको टोलीले भारतबाट ल्याउँदै गरेको डिउ ३ पेटी र १ बोरा गुड नियन्त्रणमा लिएपछि विवाद सुरु भएको हो। सामान नियन्त्रण गर्ने क्रममा पुनर्वास ७ की ऋतु तामाङले आफूमाथि हातपात गरिएको र मोबाइल फुटाइएको आरोप लगाएकी छन्। उनले बारम्बार विओपीमा गएर सोधपुछ गरेकी थिइन् कि किन र के नियतले आफूलाई हातपात गरिएको हो। तर, सशस्त्र प्रहरी निरीक्षक चन्दले तामाङको आरोप अस्वीकार गर्दै भने, सामान नियन्त्रण गर्ने क्रममा तानातान हुँदा…
धनगढी : सुदूरपश्चिमका मुख्यमन्त्री कमल बहादुर शाहले आज (बुधबार) विश्वासको मत लिने भएका छन्। प्रदेश सभा सचिवालयमा मुख्यमन्त्री शाहले विश्वासको मत लिने प्रयोजन सम्बन्धी प्रस्ताव दर्ता गराएका थिए। आज दिउँसो ३ बजे बस्ने प्रदेश सभा बैठकमा मुख्यमन्त्री शाहले विश्वासको मत लिने कार्यसूची छ। २० साउनमा नेकपा एमालेको समर्थनमा संविधानको धारा १६८ को उपधारा २ बमोजिम कांग्रेस संसदीय दलका नेता समेत रहेका शाह मुख्यमन्त्री नियुक्त भएका थिए। उनी सुदूरपश्चिमको नेतृत्वको दोस्रो कार्यकालका लागि दोहोरिएका छन्। मुख्यमन्त्री नियुक्त भएलगत्तै नागरिक उन्मुक्ति समेतलाई समेटेर शाहले मन्त्रिमण्डललाई पूर्णता दिए। सुदूरपश्चिम प्रदेश सरकारमा मुख्यमन्त्रीसहित नेपाली कांग्रेसका ३ मन्त्री र २ राज्यमन्त्री, नेकपा एमालेका ३ मन्त्री…
काठमाडौँ : संक्रणकालिन न्याय (टीआरसी) सम्बन्धी कार्य पुरा गर्न भन्दै सरकारले ल्याएको ऐन संशोधन विधेयक प्रतिनिधि सभामा पेस भएको छ । कानुन न्याय तथा मानव अधिकार समितिकी सभापति विमला सुवेदीले संघीय संसद्को तल्लो सदन प्रतिनिधि सभामा ‘बेपत्ता पारिएका व्यक्तिहरूको छानबिन,सत्य निरुपण तथा मेलमिलाप आयोग ऐनलाई संशोधन गर्न बनेको विधेयक’ पेस गरेकी हुन् । विधेयक पेस गर्दै सभापति सुवेदीले तत्कालीन समयको सत्य बाहिर ल्याउन र अपराधमा संलग्नहरुलाई कानुनी कारबाहीका लागि सिफारिस गर्न यो विधेयक निर्माण भएको दाबी गरिन् । उनले २०७१ सालमा जारी भएका केही व्यवस्था सर्वोच्च अदालतले बदर गरेको र समय सापेक्ष संशोधन आवश्यक ठानेर सरकारले विधेयक पेस गरेको भन्दै…
काठमाडौँ : मन्त्रिपरिषद्को सोमबार बसेको बैठक विभिन्न निकायमा गरी ६ जनालाई नियुक्त र मनोनयन गरेको छ। उनले खाद्य व्यवस्था तथा व्यापार कम्पनीको रिक्त महाप्रबन्धक पदमा धादिङका रमेश आचार्यलाई नियुक्त छ। नेपाल पारवहन तथा गोदाम व्यवस्था कम्पनी लिमिटेडको रिक्त महाप्रबन्धक पदमा इलामका प्रकाशप्रसाद पोखरेललाई नियुक्त गरेको छ। यस्तै सरकारले भूउपयोग परिषद्को सदस्यमा डा.रेवतीरमण पौडेल, डा.यमुना घले, डा.रेश्मा श्रेष्ठ र जगतबहादुर देउजालाई मनोनयन गरेको छ। बैठकले निजामती सेवाका राजपत्रांकित प्रथम श्रेणीका सहसचिवहरू इन्द्रविक्रम जोशी र खुमलप्रसाद धमलाले दिएको राजीनामा स्वीकृत गर्ने निर्णय पनि गरेको सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरूङले जानकारी दिए।
काठमाडौं : प्रधानमन्त्री केपी शर्मा ओलीले २०/३० वर्षको आसपासमा विवाह गर्न र छिटो सन्तान जन्माउन युवाहरुलाई आग्रह गरेका छन् । अन्तर्राष्ट्रिय युवा दिवसका अवसरमा आयोजित नेपाल युवा सम्मेलन, २०२४ को समापन कार्यक्रममा उनले जनसंख्या वृद्धिदर न्यून रहेकाले सुन्दर भविष्यका लागि २० वर्ष आसपासमै विवाह गरेर ढिला नगरी बच्चा जन्माउनुपर्ने बताएका हुन् । ‘४० कटेसी रमाउँला’ भनेर गीत गाउने गरिएको प्रशंग जोड्दै ओलीले अघि भने,‘उमेर छउन्जेल विदेशतिर गइराख्या हुन्छन्, त्यसो भएपछि जनसंख्या झन् घट्ने भयो, २०–३० वर्षको उमेरतिर बिहे गरेर बच्चा पाएपछि जबमा लागे पनि भो बाहिरतिर गए पनि भयो । कमसेकम छोराछोरी हुर्किंदै गर्छन् ।’ उनले युवाले फ्युचर जेनेरसन (भावी…
धनगढी : बैतडीमा भिरबाट लडेर एक महिलाको मृत्यु भएको छ । जिल्लाको सिगास गाउँपालिका–३ तल्ला हल्कासैनीका खेमसिंह धामीकी श्रीमती भावना धामीको मृत्यु भएको हो । मंगलबार दिउँसो करिब साढे ३ बजेको समयमा घरनजिकैको त्वापोड भन्ने भिरबाट लडेर मृत्यु भएको हो । बाख्रा चराउन गएकी धामीको भिरबाट लडेर घटनास्थलमै मृत्यु भएको स्थानीय एवं आफन्त दिपेन्द्र सिंह धामीले जानकारी दिए ।यसअघि पनि भिरबाट लडेर घाइते अवस्थामा रहेको बुझिएको छ । मृतक धामीका ३ छोरा रहेका छन् ।
काठमाडौं: नेपाल प्रहरीका एकजना हवल्दार डिउटीबाटै भारतीयबाट अपहरणमा परेका छन्। घटना गत १२ साउनमा सिन्धुली जिल्लामा भएको बताइएको छ। सो दिन बेलुका करिब ८ बजेको समयमा सिन्धुलीको कमलामाई नगरपालिका वडा नम्बर ४ स्थित विपी राजमार्गमा पर्ने हिरापानी चेकपोष्टमा मापसे डिउटीमा खटिएको थियो। सो क्रममा हवल्दार संदिप नारायण दास खटिएका थिए। सोही समयमा बिआर२२एइपी ७३२१ नम्बरको भारतीय कारमा पाँच भारतीय आएका थिए। उनीहरुले मादक पदार्थ सेवन गरेका थिए। प्रहरी हवल्दारले उनीहरूलाई चेकजाँच गर्ने क्रममा विवाद भयो। त्यसपछि उनीहरूले गाडीमा हालेर हवल्दार दासलाई लगेकोमा प्रहरीले पिछा गरेर आधा किलोमीटर पर भेटाएका थिए। अहिले पाँचै जनालाई पक्राउ गरी प्रहरीले अपहरण कसुरमा अनुसन्धान अघि…
काठमाडौं: बाँकेमा रहेको गुप्तचर विभागका कर्मचारीमाथि नेपाल प्रहरीले छानबिन थालेको छ। नेपालको जासुसी संस्था मानिने राष्ट्रिय अनुसन्धान विभागका कर्मचारीको विषयलाई लिएर छानबिन थालिएको हो। स्रोतका अनुसार छानबिनका लागि लुम्बिनी प्रदेश प्रहरी कार्यालयले समिति गठन गरेको हो। उक्त कार्यालयका प्रहरी वरिष्ठ उपरीक्षक (एसएसपी) माधव श्रेष्ठ नेतृत्वको समितिले घटनाबारे छानबिन गरिरहेको लुम्बिनी प्रदेशका प्रहरी प्रमुख (डीआईजी) कुवेर कडायतले जानकारी दिए। करिब दुई हप्ताअघि बाँकेको नेपालगन्जमा राष्ट्रिय अनुसन्धान विभाग (गुप्तचर)का एक सूचक कुटिएका थिए। भारतबाट नेपाल भित्र्याइँदै गरेको अवैध रुपैयाँ रोक्न खोज्दा नेपाल–भारतको सीमाक्षेत्र जमुनाहा नाकामा सूचक अर्जुन खड्का कुटिएका थिए। उक्त रकम नेपालगन्जस्थित होटेल कलपत्रुमा सञ्चालित क्यासिनोका निम्ति ल्याइएको थियो। सोही विषयलाई…