काठमाडौं – प्रतिनिधिसभाको आजको बैठकले सरकारको आगामी आर्थिक वर्षको नीति तथा कार्यक्रम बहुमतले पारित गरेको छ । सभामुख अग्निप्रसाद सापकोटाले सरकारको नीति तथा कार्यक्रम बहुमतले पारित भएको घोषणा गर्नुभयो । त्यसअघि प्रधानमन्त्री शेरबहादुर देउवाले सांसदहरूले उठाउनुभएको जिज्ञासाको जवाफ दिनुभएको थियो । त्यस्तै, नीति तथा कार्यक्रममाथि सांसदहरूले राख्नुभएको संशोधन प्रस्ताव बहुमतले अस्वीकृत गरेको थियो । यही जेठ १० गते राष्ट्रपति विद्यादेवी भण्डारीले सरकारको आगामी आर्थिक वर्षको नीति तथा कार्यक्रम सङ्घीय संसद्को दुवै सदनको संयुक्त बैठकमा प्रस्तुत गर्नुभएको थियो । गठबन्धन सरकारका तर्फबाट आर्थिक विकास, कृषि, पर्यटन, उद्योग, ऊर्जा लगायतका क्षेत्रको विकासलाई केन्द्रमा राखेर आगामी आवको नीति तथा कार्यक्रम प्रस्तुत गर्नुभयो । राष्ट्रियसभाको शुक्रबारको बैठकले…
Author: महेन्द्रनगर पोष्ट
दार्चुला – दार्चुला साहित्य महोत्सवमा कविता वाचन प्रतियोगिता आयोजना गरिएको छ । माध्यमिक तह कक्षा (९–१२) का विद्यार्थीहरुको सहभागिता रहेको थियो । जिल्ला भरीका १६ विद्यालयले सहभागिता जनाएको प्रतियोगितामा निल पातालेश्वर मावि भर्तोलाकी छात्रा अस्मिता बोहरा प्रथम भएकी छन् । कविता बाचन प्रतियोगितामा द्धितीय स्थान छन्ना तिंकरी कन्या माविकी छात्रा अमृता लोहार र गौरीलमाण्डौ मावि हिकिलाकी छात्रा बसन्ती बम तृतीय भएको कार्यक्रमको समन्वय गरिरहेको दार्चुला साहित्य समाज दार्चुलाका अध्यक्ष नरेन्द्र सिंह बडालले जानकारी दिए । प्रतियोगितामा प्रथम, द्धितीय तथा तृतीय स्थान हासिल गर्ने प्रतियोगीलाई क्रमशः नगद १० हजार, ७ हजार र ५ हजार रुपैयाँ पुरस्कार वितरण गरिएको उनले बताए ।…
काठमाडौं । नारायणगढ–मुग्लिन सडकखण्ड फेरि अवरुद्ध भएको छ । इच्छाकामना गाउँपालिका–६ नाम्दीखोला नजिकै आज साँझ ५ः३० बजेको समयमा सुक्खा पहिरो खसेर सडक अवरुद्ध भएको हो । पहिरामा परी बोलेरोमा सवार एक व्यक्ति घाइते भएको प्रहरीले जनाएको छ । घाइतेलाई उपचारका लागि भरतपुरतर्फ ल्याइएको जिल्ला प्रहरी कार्यालयले बताएको छ । पहिरो पन्छाउने काम सुरु भएको र केही समयपछि सडक नियमित गर्ने प्रहरीको भनाइ छ ।
महेन्द्रनगर – मालिकार्जुन गाउँपालिकाले गाउँपालिकाभित्रका टुहुँरा, विपिन्न र सहिद परिवारका बालबालिकालाई निर्वाह भत्ता उपलब्ध गराउने भएको छ । मालिकार्जुन गाउँ कार्यपालिकाको पहिलो बैठकले जीवन निर्वाहको लागि मासिक भत्ता उपलब्ध गराउने निर्णय गरेको हो ।गाउँपालिका अध्यक्ष हिरासिह धामीको अध्यक्षतामा बसेको पहिलो कार्यपालिका बैठकले पालिकाभरीका टुहुँरा, विपन्न र सहिद परिवारका बालबालिकाको तथ्याङ्क संकलन गर्ने समेत निर्णय गरेको छ । गाउँपालिकामा रहेका ८ वटै वडामा प्राविधिक शिक्षा अध्ययन गर्न एक÷एक जनालाई विपन्न व्यक्तिलाई उच्च शिक्षा हासिल गर्न छात्रवृत्ती उपलब्ध गराउने बैठकले निर्णय गरेको अध्यक्ष धामीले जानकारी दिनुभयो । गाउँपालिकाभित्रका घाइते सहिद परिवारका टुहुँरा बालबालिकालाई परिचय पत्र वितरण गरि जीवन प्रवाह भत्ता दिइने उहाँको…
महेन्द्रनगर – मालिकार्जुन गाउँपालिकाले व्यक्तिगत घर भाडामा लिएर प्रयोग गर्दै आएको घरभाडा सम्झौँता खारेज गरेको छ । व्यक्तिगत घर भाडामा लिएर लाखौ रकम खर्च हुने गरेको भन्दै व्यक्तिगत घरभाडा सम्झौँता खारेज गरेको हो । गाउँपालिकाभरीका सबै सार्वजनिक भवनमा कार्यालय सञ्चालन गरिने भएको छ । यसअघि नीजि भाडामा लिएका सबै भवन पहिलो बैठकबाट खारेज गरिएको अध्यक्ष हिरासिह धामीले जानकारी दिए । गाउँपालिकाले सरकारी भवनबाटै सेवा प्रवाह गर्ने निर्णय गरेको छ । पालिकाभित्र रहेका सबै नीजि भाडाका घरहरुको सम्झौता रद्ध गरिएको पत्रकार सम्मेलनमार्फत जानकारी गराइएको छ । उहाँले आर्थिक मितव्ययिता अपनाउनको लागि यो निर्णय गरिएको बताउनुभयो । यस्तै गाउँपालिका प्रवक्ताको जिम्मेवारी वडा…
काठमाडौं – टाँगिया सेवा समाज काठमाडौं सम्पर्क मञ्चले सर्वोच्च अदालतले निजगढमा अन्तर्राष्ट्रिय विमानस्थल नबनाउन दिएको निर्देशनको स्वागत गर्दै दीप प्रज्जवलन गरेको छ । आज (शनिबार) रिपोर्र्टर्स क्लब नेपालमा एक कार्यक्रमको आयोजना गर्दै समाजले अदालतको पछिल्लो फैसला स्वागतयोग्य रहेको भन्दै खुशीयाली साटेको हो । वन तथा वातावरणमात्रै नभएर टाँगियावासीको बसोबासको भविष्य पनि सुनिश्चित् भएको भन्दै निजगढमा अन्तर्राष्ट्रिय विमानस्थल नबनाउन अदालतले दिएको आदेशप्रति समाजले खुशी व्यक्त गरेको हो । कार्यक्रममा बोल्दै नेपाल पर्यावरण संरक्षण तथा सम्वद्र्धन संघका अध्यक्ष सुदर्शन प्रधानले निजगढमा विमानस्थल बनाउन नहुने भनेर आफूहरुले अघि सारेको माग र आवाज आज आएर पूरा भएको भन्दै खुशी व्यक्त गरे । उनले पनि…
ललितपुर – अन्तर्राष्ट्रिय महिनावारी दिवसका अवसरमा एक्पोज नेपालले जनचेतनामूलक साइकल यात्रा आयोजना गरेको छ । शनिबार आयोजना गरिएको उक्त कार्यक्रममा प्रमुख अतिथि ऊर्जा, जलस्रोत तथा सिंचाइमन्त्री पम्फा भुसालले महिलाको महिनावारी मातृत्व क्षमताको पहिचान भएकोले महिलालाई सम्मान गर्नुपर्ने बताएकी छन् । विगतमा जनचेतना अभावमा महिलाले घरबाटै विभेद भोग्नु परेको उल्लेख गरे । मन्त्री भुसालले महिलाको स्वास्थ्यमा संघ, प्रदेश र स्थानीय सबै तहका सरकारले ध्यान दिनुपर्ने पनि बताइन् । उनले भनिन्, ‘यो गर्वको कुरो हो तर महिला हुनु पाप र अपराध होइन, महिलाको मातृत्व क्षमताको पहिचान हो ।’ उनले महिनावारीका समयमा महिलालाई सफा र स्वच्छ राख्नुपर्ने भएकाले त्यसका लागि सफा, स्वच्छ, पुनः…
काठमाडौं – नेकपा माओवादी केन्द्रका सांसद गजेन्द्रबहादुर महतले संसद्मा कर्णालीको आवाज प्राथमिकतामा नपर्ने बताएका छन् । शनिवार प्रतिनिधिसभा बैठकमा आगामी नीति तथा कार्यक्रममाथिको छलफलमा भाग लिने क्रममा उनले कर्णालीका कुरा सुनाउन ३ मिनेट समय छुट्याइने गरेको बताएका हुन् । एमाले अध्यक्ष केपी शर्मा ओलीको बिहीबारको सम्बोधनलाई लक्षित गर्दै उनले भने, ‘यहाँ गाली गर्नेलाई ३ घण्टा छ, कर्णालीको आवाज सुनाउनेलाई ३ मिनेट छ । त्यसो भएकाले पनि मलाई अलि गाह्रो भइरहेको छ । कसरी बोल्ने के बोल्ने भन्नेमा गाह्रो भइरहेको छ ।’ उनले एमालेले आफूले धित मरुन्जेल बोल्ने र अरूले बोल्दा अवरोध गर्ने गरेको बताए । ‘सदनभित्र हिजो प्रतिपक्षको हर्कत हेर्दा…
काठमाडौं – पूर्व शिक्षामन्त्री तथा नेकपा माओवादी केन्द्रका नेता गिरिराजमणि पोखरेलले लिपुलेक र कालापानीको नक्सासहितको पुस्तक तत्कालीन प्रधानमन्त्री केपी शर्मा ओलीले नै रोकेको बताएका छन् । ओली प्रधानमन्त्री हुँदा पोखरेल शिक्षा, विज्ञान तथा प्रविधिमन्त्री थिए । शनिबार प्रतिनिधिसभाको बैठकमा नीति तथा कार्यक्रम माथिको छलफलमा भाग लिँदै उनले ओलीले राष्ट्रियताबारे लामो ब्याख्या दिए पनि विगतमा आफैं प्रधानमन्त्री हुँदा लिपुलेक र कालापानीसम्बन्धी पुस्तक सार्वजनिक गर्न रोक लगाएको बताएका हुन् । ‘यो सदनमा प्रमुख प्रतिपक्षी दलका नेता केपी शर्मा ओलीले ओलीले राष्ट्रियता र प्रजातन्त्रबारे लामो ब्याख्या गर्नुभयो, मैले सुनिरहेँ’ उनले भने, ‘‘म शिक्षामन्त्री हुँदा तयार गरेको लिपुलेक र कालापानीसम्बन्धी पुस्तक उहाँले रोक लगाउनुभयो…
काठमाडौं – जनता समाजवादी पार्टी नेपालका अध्यक्ष उपेन्द्र यादवले देशका विभिन्न जिल्लामा आमाबुबा दुवैले नागरिकता पाए पनि तिनका सन्तानले हालसम्म नागरिकता पाउन नसकेको भन्दै तत्काल उनीहरुको माग सम्बोधन गर्न आग्रह गर्नुभएको छ । प्रतिनिधिसभाको आजको बैठकमा सरकारको आगामी आर्थिक वर्षको नीति तथा कार्यक्रममाथि आफ्नो धारणा राख्दै अध्यक्ष यादवले नागरिकताको विषय सबैभन्दा गम्भीर रहेकाले अब कुनै पनि बहानामा उनीहरुको समस्याको नजरअन्दाज गर्न नहुने उल्लेख गर्नुभयो । सङ्घीय निजामती विधेयक तत्काल सङ्घीय संसद्मा पारित गरेर कार्यान्वयनमा ल्याउनसमेत उहाँले आग्रह गर्नुभयो । बहुभाषिक नीति लागू गरेर एकभन्दा बढी भाषालाई सरकारी कामकाजको भाषाका रुपमा कार्यान्वयन गराउन अध्यक्ष यादवले माग गर्नुभयो । जनसङ्ख्याका आधारमा निर्वाचन…