कैलाली : दाङको राप्ती नदीमा बस खसेर दुर्घटना हुँदा ५ जनाको मृत्यु भएको छ ।
नेपालगन्जबाट काठमाडौं जाँदै गरेको बस दाङको भालुबाङ नदीमा खस्दा मृत्यु हुनेको संख्या ५ पुगेको इलाका प्रहरी कार्यालय भालुवाङका प्रहरी निरीक्षक उज्वल सिंहले जानकारी दिए ।
भे १ ख ३९१२ नम्बरको रात्री बस राप्ती गाउँपालिका भालुवाङस्थित शुक्रबार राति करिब १० बजे राप्ती नदीमा खसेको हो ।
दुर्घटनामा कम्तिमा २० जना घाइते भएको बताइएको छ । दुर्घटनामा घाइते हुनेहरूलाई लमही र राप्ती विज्ञान स्वास्थ्य प्रतिष्ठान घोराहीमा पठाइएको छ ।
अहिले प्रहरी, सशस्त्र प्रहरी र स्थानीय लगायतको टोलीले उद्धारको काम गरिरहेको छ ।
Facebook Comments Box