धनगढी : सशस्त्र प्रहरीको नम्बर ३४ गण हेडक्वाटर कैलालीका सशस्त्र प्रहरी नायब उपरीक्षक (डीएसपी) खेमराज ठकुल्लासहितका १४ जना सशस्त्र प्रहरी कर्मचारी सम्मानित भएका छन् ।
१७ औँ स्थापना दिवसको अवसरमा हेडक्वाटर कैलालीले कार्यसम्पादनमा उत्कृष्ट भएका डीएसपी ठकुल्लासहितका १४ जनालाई सम्मान गरेको हो ।
सम्मान पाउनेमा प्रस्तावित सीमा सुरक्षा गुल्म खक्रौलाका प्रमुख प्रहरी नायब उपरीक्षक सुर्यप्रकाश शर्मा, बीओपी जुगेडाका सशस्त्र प्रहरी निरीक्षक रमेश पाठक लगायतका छन् ।
यस्तै हेडक्वाटरले संगठनलाई विभिन्न किसिमले सहयोग गरेको भन्दै ७ जना समाजसेवी तथा व्यवसायीलाई समेत सम्मान गरेको छ ।
उनीहरुलाई बैद्यनाथ बाहिनी अत्तरियाका प्रमुख सशस्त्र प्रहरी नायब महानिरीक्षक कुमार न्यौपानेले कदरपत्र र दोसल्लासहित सम्मान गरेका थिए ।
Facebook Comments Box