धनगढी : प्रहरी प्रधान कार्यालय आज एसपीहरुको सरुवा गर्ने भएको छ। उच्च स्रोतका अनुसार विभिन्न जिल्लाका प्रहरी प्रमुख (एसपी) हरुको सम्भवः आज सरुवा हुँदैछ।
जसमा कञ्चनपुर जिल्लाको प्रहरी प्रमुखका रुपमा कार्यरत विवादित छविका एसपी कमल थापा पनि परेका छन्। थापाका विभिन्न बेथितिको विषयमा महेन्द्रनगरपोष्टले विस्तृत समाचारहरु प्रकाशित गरिसकेको छ।
उनै थापाको आज सरुवा हुन लागेको बताइएको छ। थापाको अख्तियार दुरुपयोग अनुसन्धान आयोगमा सरुवा हुँदा उनको स्थानमा भने एसपी चक्रराज जोशी आउने भएका छन्।
यस्तै जिल्ला प्रहरी कार्यालय कैलालीमा भने हाल कार्यरत एसपी देवेन्द्र बहादुर पालको स्थानमा एसपी पदमबहादुर बिष्ट आउने भएका छन्।
आज रातिभित्रै सरुवाको लिष्ट सार्वजनिक हुने बताइएको छ।
र, यो पनिः कञ्चनपुरका एसपी थापाः जहाँ गयो त्यहीँ ‘विवादित’ !
कैलाली र कञ्चनपुरमा निकटको एसपी ल्याउन बिचौलियाको कसरत
महिला हवल्दारलाई रुवाउने ‘स्कोरपियो’ चढ्थे एसपी थापा, ‘विवादित’ उद्योगी चन्दसँग साँठगाँठ