धनगढी : कञ्चनपुरमा राप्रपा निकट विद्यार्थी संगठन राष्ट्रिय प्रजातान्त्रिक विद्यार्थी संगठनको अधिवेशन जारी छ।
राप्रपा भीमदत्त नगरका अध्यक्ष करन सिंह पालका अनुसार अहिले खुलासत्र चलिरहेको र बन्दसत्र केहीबेरमा सुरु हुने छ।
उक्त संगठनको नेतृत्व चयनका लागि पहिलो अधिवेशन भैरहेको हो। अहिलेसम्म संगठनको नेतृत्वका लागी प्रेम रावल, शुभम चन्द र आकाश जोशीले इच्छा प्रकट गरेको बताइएको छ।
तीनजनाले इच्छा राखेपनी सहमतिमै नेतृत्व चयन गरिने नेताहरुले बताएका छन्। यस अगाडि आयोजक कमिटीको संयोजक भने प्रेम रावल थिए।
अधिवेशनमा सुदूरपश्चिम प्रदेश सभा सदस्य खेमा बिष्टसहित राप्रपा कञ्चनपुरका अध्यक्ष गजेन्द्र चन्द लगायतका सहभागी छन्।
Facebook Comments Box