धनगढी: कैलालीको घोडाघोडी नगरपालिकास्थित घोडाघोडी जङ्गल रिसोर्टमा जुवा खेलाउने गरेको बताइएको छ। सुरक्षा स्रोतका अनुसार जंगल रिसोर्टमा केही महिनादेखि जुवा हुँदै आएका छन्।
स्थानीय जुवाडेहरुले रिसोर्टमै खाल बनाउने गरेको आरोप लागेको छ। सो विषयमा स्थानीयहरुले आवाज पनि उठाएको तर कुनै कारबाही नगरिएको जनाइएको छ।
यता इलाका प्रहरी कार्यालय सुखडका डीएसपी दिपेन्द्र पालले भने सो विषयमा आफूले बुझ्ने बताए। आफ्नो हालै सरुवा भएर आएकाले सो विषय थाहा नभएको उनको भनाई छ। त्यहाँ टीकापुर, अत्तरिया, लम्की र सुखड क्षेत्रका जुवाडेहरुले जुवा खेल्ने गरेको बुझिएको छ।
तर, रिसोर्टका सञ्चालकले भने सो कुरा झुटो भएको भन्दै कहिल्यै जुवातास नखेलाएको जनाएका छन्।
Facebook Comments Box