धनगढीः कैलालीबाट डडेल्धुरा जाँदै गर्दा डोटीको जोरायल गाउँपालिका–२ बुडरमा ट्याङ्करले मोटरसाइकललाई ठक्कर दिएपछि दुर्घटना भएको छ। बुधबार भएको दुर्घटनामा श्रीमानको मृत्यु भएको छ भने श्रीमती घाइते भएका छन्।
ट्याङ्करको ठक्करबाट मोटरसाइकलमा डडेल्धुरा जाँदै गरेका जानकी गाउँपालिका कटासेका ३६ वर्षीय रमेश विकको मृत्यु भएको हो। यस्तै उनकी श्रीमती लक्ष्मी विक घाइते छिन्। बुधवार बिहान भीमदत्त राजमार्ग अन्तरगत डडेल्धुराबाट धनगढीतर्फ आउँदै गरेको सुदूरपश्चिम प्रदेश ०४–००१ ख ००१२ नम्बरको तेल बोक्ने खालि ट्याङ्करले सुदूरपश्चिम प्रदेश ०१–०११ प ५२१९ नम्बरको मोटरसाइकललाई ठक्कर दिएको थियो।
दुर्घटनामा घाइते भएका दुवैलाई उपचारका लागि धनगढीस्थित मायामेट्रो अस्पताल ल्याइएकोमा उपचारमा क्रममा रमेशको मृत्यु भएको हो। ट्राफिक प्रहरी कार्यालय अत्तरियाका अनुसार दुर्घटनामा घाइते लक्ष्मीको अस्पतालमै उपचार भइरहेको छ।