धनगढीः कैलालीमा खैरो हेरोईनसहित दुई जनालाई पक्राउ गरिएको छ। पक्राउ पर्नेमा गौरीगंगा नगरपालिका–८ का २७ वर्षीय कबिन्द्र बखरिया र गोदावरी नगरपालिका–२ का २३ वर्षीय रोशन गुरुङ रहेका छन्।
जिल्ला प्रहरी कार्यालयका प्रवक्ता प्रहरी नायब उपरीक्षक डीएसपी कबिन्द्र बोहराले बखरियालाई धनगढी उपमहानगरपालिका–७ को देबहरियाबाट एक ग्राम ८३० मिलीग्राम खैरो हेरोईनसहित अनुसन्धान समूहले पक्राउ गरेको जानकारी दिए। उनकाअनुसार बखरियालाई विशेष सूचनाका आधारमा पक्राउ गरिएको हो।
उनको साथबाट नगद तीन हजार ६ समेत रुपैयाँ पनि बरामद गरिएको छ। यस्तै, गुरुङलाई भने उनकै घरबाट पक्राउ गरिएको हो। उनले फ्रिजमा लुकाएको अवस्थामा एक ग्राम ५४० मिलीग्राम खैरो हेरोईन र १० हजार रुपैयाँ बरामद गरिएको छ।
दुवै जनालाई नियन्त्रणमा लिएर अनुसन्धान भइरहेको प्रहरीले जनाएको छ।
Facebook Comments Box