धनगढी । कञ्चनपुरमा श्रीमान र श्रीमती मृत अवस्थामा फेला परेका छन् । जिल्लाको लालझाडी गाउँपालिका–१ बिनवारीमा ४५ वर्षीय रमेश बडायक र उनकी ४१ वर्षीया श्रीमती कमला बडायक मृत फेला परेकी हुन् । जिल्ला प्रहरी कार्यालयका अनुसार उनीहरु दुवै जना शुक्रबार बिहान मृत भेटिएका हुन् ।
जिल्ला प्रहरी कार्यालयका निमित्त प्रमुख प्रहरी नायब उपरीक्षक उमेश जाेशीले बडायक दम्पती घरकाे आगनमा मृत फेला परेका हुन् । `दुवै जनाको शरीरमा धारिलाे हतियार प्रहार भएको देखिएकाे छ,´ उनले भने, `म पनि भर्खरै घटनास्थल पुगेको छु । अहिले केही भन्न सकिने अवस्था छैन ।´
डीएसपी जोशीका अनुसार घटनाको अनुसन्धानका लागि प्रदेश प्रहरी कार्यालय धनगढीबाट तालिम प्राप्त कुकुरसहितकाे टाेली पनि लालझाडी पुगेकाे छ ।
Facebook Comments Box