बझाङ– बझाङमा नेपाली काँग्रेस र नेकपा एमाले कार्यकर्ताबीच झडप भएको छ । जिल्लाको सुर्मा गाउँपालिका–५ सैनगाउँमा एमाले र कांग्रेसका कार्यकर्ताबीच झडप भएको हो । झडपमा परि नेकपा एमालेका एकजना कार्यकर्ता घाइते भएका छन् ।
सैनगाउँस्थित धौलदेउ आधारभूत विद्यालयमा दिउँसो साढे ४ बजे भएको झडपमा परि एमाले कार्यकर्ता रामबहादुर बोहरा घाइते भएका हुन् । उनको दाहिने आखाँमा चोट लागेको जिल्ला प्रहरी कार्यालय बझाङले जनाएको छ ।
अशक्त, अपांग व्यक्तिहरुको भोट के कसरी हाल्ने भन्ने विषयमा छलफल भइरहेको बेला दुवै पक्षबीच सामान्य झडप परेको बताइएको छ ।
Facebook Comments Box