धनगढी: बाजुरा सदरमुकाम मार्तडी स्कारपीयो जीप दुर्घटना हुँदा मृत्यु भएका एकजनाको सनाखत भएको छ। जिल्ला प्रहरी कार्यालयका अनुसार मृत्यु हुनेमा ३१ वर्षीया गायत्री पन्त रहेकी छन्। उनको घर कञ्चनपुर हो।
यस्तै, दुर्घटनामा परेर चार जना घाइते भएका छन्। बाजुराको गौमुल गाउँपालिकाका २५ वर्षीय रमेश धामी, कञ्चनपुरको भीमदत्त नगरपालिका–१७ का ३९ वर्षीय लोकेन्द्र पन्त, भीमदत्त नगरापलिका–१८ की ५२ वर्षीया राधिका भट्ट र कञ्चनपुरको गुलरियाका मोहनदेव भट्ट घाइते भएका छन्।
घाइते चारै जनाको जिल्ला अस्पताल बाजुरामा उपचार भइरहेको छ। आइततबार दिउसो सु.प.प्र. ०१–००१ च ४३१६ नम्बरको जीप बडीमालिका नगरपालिका–८ मा दुर्घटनामा परेको हो। जीप कोल्टीदेखि मार्तडी गइरहेको थियो। दुर्घटनाको कारण खुलेको छैन।
र यो पनि: बाजुरामा गाडी खस्यो, एक महिलाको मृत्यु, ४ घाइते सिकिस्त
Facebook Comments Box