बैतडी – बैतडीको मेलौली नगरपालिकाको वडा नम्बर नं. ८ मा नेकपा एमालेका उम्मेदवार विजयी भएका छन् ।
मतपरिणाम अनुसार मेलौली–८ को वडाध्यक्षमा एमालेका तपेन्द्र सिंह विष्ट विजयी भएका हुन् । सिंह सम्भवतः नेपालकै कान्छा वडाध्यक्ष भएको जनाइएको छ । २२ वर्षीय विष्टले ३३८ मत प्राप्त गरेका थिए । उनले नेपाली काँग्रेसका शम्भु सिह बिष्टलाई ८० मतान्तरले पछि पार्दै बिष्ट बिजयी भएका हुन। पराजित नेपाली काग्रेसका बिष्टले २५८ मत प्राप्त गरेका छन् ।
विद्यार्थी राजनीतिबाट सक्रिय रुपमा राजनिति यात्रा थालेका विष्ट राजधानीको आरआर क्याम्पसमा राजनीति शास्त्र र आम सञ्चार विषयमा स्नातक दोस्रो वर्षमा अध्ययनरत छन् । विभिन्न सञ्चारमाध्यममा कार्यरत विष्टले पत्रकारिता र अध्ययनलाई सँगसँगै लगिरहेका थिए भने पछिल्लो समय राजनीतिलाई अँगाल्न पुगेका छन् ।
Facebook Comments Box