धनगढी- धनगढीमा लागुऔषधसहित एक व्यापारी पक्राउ परेका छन्। आइतबार धनगढी उपमहानगरपालिका-१२ जुगेडा कम्पनी टोलबाट उनलाई प्रहरीले समातेको हो।
प्रहरीका अनुसार पक्राउ पर्नेमा बझाङको जयपृथ्वी नगरपालिका वडा नं ६ घर भई हाल जुगेडामा किराना पसल गरेर बसेका ३६ वर्षीय दिनेश सिंह रहेका छन्।
सिंहको पसलमा जिल्ला प्रहरी कार्यालय कैलालीबाट खटिएको सादा पोशाकको टोलीले शंका लागेर चेकजाँच गरेको थियो। त्यसपछि उनले लुकाईछिपाई राखेको १ किलो ग्राम लागुऔषध (चरेश) फेला पारेर बरामद गरिएको प्रहरीले जनाएको छ।
यस्तै सिंहलाई पक्राउ गरेर थप अनुसन्धान भईरहेको बताइएको छ।
Facebook Comments Box