कीर्तिपुर – बसको ठक्करबाट एक जना सशस्त्र प्रहरीको ज्यान गएको छ । कीर्तिपुर नगरपालिका वडा नम्बर ६ स्थित सशस्त्र प्रहरी गणअगाडिको मूल सडकमा बसले ठक्कर दिँदा २९ वर्षीय सुवासचन्द्र रतेलाको ज्यान गएको हो ।
बल्खुबाट चोभारतर्फ गइरहेको इण्डियन मोडर्न स्कूलको ना.१क१६१२ नम्बरको बसले सशस्त्र प्रहरी केन्द्रीय कार्यालय, हलचोकमा कार्यरत बझाङको जयपृथ्वीबहादुर नगरपालिका कोटेली–५ निवासी रतेलाले चलाएको मोटरसाइकललाई ठक्कर दिएको थियो ।
ठक्करबाट गम्भीर घाइते भएका रतेलालाई तत्काल उपचारका लागि बयोधा अस्पताल,बल्खु लगिएको थियो ।
Facebook Comments Box