काठमाडौँ – गीतकार गोपी दाहालको नया गीत बजारमा आउने तयारीमा रहेको छ । बिगत लामो समय देखि नेपाली सांगीतिक क्षेत्रमा आफ्नो लगातार समय खर्चिदै छुट्टै पहिचान बनाउन सफल बनेका गीतकार दाहालको पछिल्लो गीतको शिर्षक ‘दिलको छेउ कुनामा’ रहेको छ । रोमान्टिक भर्सनमा तयार भएको यो गीत सम्भवत गोपी दाहालको गीतहरुको सुचिमा हिट नम्बरमा आउन सक्ने सम्भावना रहेको उनी बताउछन् ।
गीतको भिडियोको आज अफिसियल पोस्टर सार्वजनिक गरिएको छ । सार्वजनिक पोस्टरले नै गीत एकदमै रोमान्टिक तरिकाले तयार भएको देखिन्छ । पोस्टरमा भिडियोमा प्रमुख कलाकारका रुपमा रहेका गोपी दाहाल र प्रेक्षा बानियाँलाई हेर्न सकिन्छ । २ जनाको लोभलाग्दो प्रेम पोस्टरमा झल्किएको छ । पोस्टरमा हेर्दा नै भिडियो हिमाली भेगमा छायांकन भएको हुन सक्ने सजिलै अनुमान लगाउन सकिन्छ ।
यस कुरालाई पुष्टि भने निर्माण पक्षले गरेको छ । निर्माण पक्ष संग कुरा गर्दा उक्त भिडियो केहि दिन अगाडी मात्र हिमाली जिल्ला मुस्ताङ गएर खिचिएको जानकारी प्राप्त भएको छ । मुस्ताङको रमणीय वातावरण संगै नया ठाउँमा मजा दर्शकहरुले लिन पाउने बिश्वास गीतकार तथा मोडल गोपी दाहालले बताएका छन् । उनले अबको केहि दिनमा नै भिडियो सार्वजनिक गरिने अफिसियल जानकारी समेत दिएका छन् ।
भिडियोमा प्रकाश धितालको निर्देशन, उत्सव दाहालको छायांकन, तारा थापा ‘किम्भे’ को सम्पादन र कुनाल कुँवरको रंग संयोजन रहेको छ । यस्तै भिडियोमा अश्मी भुझेलको कोरियोग्राफी रहेको छ । गीतको कुरा गर्ने हो भने गीतमा गोपी दाहालको शब्द, सौगात जंग थापाको संगीत संगै स्वर समेत सौगात जंग थापा र गायिका ममता गुरुङले भरेका छन् । गीतमा बिशाल निरौलाको अरेन्ज रहेको छ ।