प्युठान – एसइई परीक्षा दिएर फर्कने क्रममा स्कूलबसको ठक्करबाट प्युठानमा एक विद्यार्थीको मृत्यु भएको छ । आज शुक्रबार परीक्षा दिएर फर्कने क्रममा बेल्वास मावि तापामा अध्ययनरत प्रतीक घर्तीको ज्यान गएको हो ।
विद्यानन्द मावि गोठिवाङ जुडापाटा केन्द्रबाट परीक्षा दिएर फर्किँदै गरेका उनी सवार लु ६६ प ५३४९ नम्बरको मोटरसाइललाई लु १ क १०९४ नम्बरको बसले स्वर्गद्वारी नगरपालिका- ४ गोठिवाङमा ठक्कर दिएको थियो ।
घाइते भएका प्रतीकको उपचारका लागि जिल्ला अस्पताल लैजाने क्रममा मृत्यु भएको प्रहरीले जनाएको छ । थप विवरण आउन बाँकी छ ।
Facebook Comments Box