दार्चुला- जिल्ला सदरमुकामको एक घरबाट प्रहरीले जुवा खेलिरहेको अवस्थामा शुक्रबार साँझ १० जना स्थानीयलाई पक्राउ गरेको छ।
महाकाली नगरपालिका–४ बांगाबगडस्थित गणेशसिंह बुढाथोकीको घरमा जुवा खेलिरहेका नौगाड गाउँपालिका–६ का गगन धामी,वडा नं. ४ का जय सिंह धामी, कमल सिंह धामी, कमल सिंह ठगुन्ना, महाकाली नगरपालिका–४ का जनक लुहार, अरबिन बुढाथोकी, महाकाली नगरपालिका–१ का मान सिंह कार्की र दुहुँ गाउँपालिका–५ का देवराम पार्कीलाई पक्राउ गरिएको जिल्ला प्रहरी कार्यालय दार्चुलाले जनाएको छ।
सुरुमा उनीहरुले आफ्नो नाम र ठेगाना प्रहरीलाई गलत बताएका थिए। हिरासतमा लिएर थप सोधपुछ गर्दा यर्थाथ बिवरण दिएका हुन। जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्र सिंहका अनुसार बिशेष सूचनाका आधारमा साँझ करिब ५ बजेतिर बुढाथोकीको घरमा पुग्दा नगद ४३ हजार ५ सय ६८ रुपैयाँसहित १० जनालाई पक्राउ गरिएको हो।
‘गुड फ्राइडे’ मनाइरहेका हरुलाई जिल्ला प्रहरीको हिरासतमा राखेर थप अनुसन्धान कार्य भइरहेको उनले बताए।