धनगढी: पत्नीसहित भारत छिरेका राष्ट्रिय स्वतन्त्र पार्टी (रास्वपा)का सभापति रवि लामिछाने आज मुम्बईमा देखा परेका छन्। उनले आज मुम्बईमा रहेको सिद्दिविनायक मन्दिरमा दर्शन गरेको तस्बिर सार्वजनिक भएको छ।
उनकी पत्नीले नै सो तस्बिर सार्वजनिक गरेकी हुन्। लामिछाने दम्पती मुम्बइको बिचमा पनि घुम्न निस्केको बताइन्छ। रवि अस्ति प्रधानमन्त्री पुष्पकमल दाहालसहितको टोली भारत गएकै दिन भारत लागेका थिए।
उनको भारत भ्रमण के का लागि हो त्यो भने खुलाइएको छैन। लामिछाने हवाईमार्ग हुँदै दिल्ली गएका थिए। प्रधानमन्त्री भारत गएकै दिन पारेर लामिछाने भारत पसेपछि सो विषयलाई चासोका साथ हेरिएको छ। लामिछाने पत्नी निकिता पौडेललाई साथमा लिएर भारत गएका हुन्।
यस्तै काठमाडौंका मेयर बालेन्द्र शाह पनि भारत भ्रमणमा रहेको बताइएको छ। तर उनको पनि भ्रमणको कारण खुलाइएको छैन।
Facebook Comments Box