धनगढी: धनगढीमा सशस्त्र प्रहरीले एक कटुवा पेस्तोल बरामद गरेको छ। आज (मंगलबार) सशस्त्र प्रहरी बल नेपाल विओपि लल्लिपुरको टोलीले एक बेवारिसे तोलकटुवा पेस्तोल फेला पारेर बरामद गरेको हो।
धनगढी उपमहानगरपालिकास्थित वडानम्बर १९ आँखाफुटि सीमा ईलाका सहायक सीमा स्तम्भ नं ७३७/३ नजिक गाईगोरु हेर्न बनाईएको खरले छाएको छाप्रोभित्र उक्त पेस्तोल फेला परेको बताइएको छ।
सहायक प्रहरी नायव निरीक्षक कृष्णबहादुर थापाको कमाण्डमा खटिएको ७ जनाको पैदलगस्ती टोलीले कोलो प्लाष्टिकभित्र बेरेर लुकाईछिपाई राखेको कटुवा पेस्तोल फेला पारेको सशस्त्र प्रहरी बल नेपाल नम्बर ३४ गण धनगढीका डिएसपी तथा सूचना अधिकारी धिरेन्द्र शाहले जानकारी दिए।
उनका अनुसार उक्त पेस्तोल बरामद गरी बिओपिमा ल्याई राखिएको छ। यसबारे थप अनुसन्धान भैरहेको प्रहरीले जनाएको छ।
Facebook Comments Box