बैतडी: बैतडीको एक घरमा चोरी भएको छ । जिल्लाको दोगडाकेदार गाउँपालिका-६ पन्ज्युनयाँका नारायणसिंह कार्कीको घरमा चोरी भएको हो ।
उनको घरबाट २ तोला सुनको गलोबन्द र नगद २० हजार चोरी भएको बताइएको छ । गएराति घरका सबै जना गौरामा गएका बेला झ्याल फोडेर चोरी भएको बैतडी प्रहरीले जनाएको छ ।
चोरी कसले गरेको हो भन्ने थाहा नभएको र खोजी कार्य भइरहेको जिल्ला प्रहरी कार्यालय बैतडीले जनाएको छ । प्रहरीका अनुसार घटनाबारे भने आज मात्रै खबर गरिएको हो ।
Facebook Comments Box