धनगढी: धनगढीमा लाखौंका अवैध सामान बरामद गरिएको छ। शनिबार धनगढी उपमहानगरपालिका-६ जाली भन्ने स्थानबाट वडा प्रहरी कार्यालयको टोलीले अवैध सामान बरामद गरेको हो।
वडा प्रहरीका प्रमुख इन्सपेक्टर जनक ढुङ्गानाका अनुसार से १ ह २१८६ नं. को अटोरिक्सामा महिला र पुरुषका विभिन्न लुगा कपडाहरु लुकाइछिपाइ राखिएको अवस्थामा फेला पारी बरामद गरिएको हो।
यस्तै पाच लाख दुई हजार दुई सय पन्ध्र मूल्य बराबरको कपडा र तीन लाख बराबरको अटोसहित आठ लाख दुई हजार दुई सय पन्ध्र मूल्य बराबरको सो सामान थप कारबाहीका लागि नियन्त्रणमा लिइ आवश्यक कार्वाहीको लागि त्रिनगर भन्सारमा पठाइएको प्रहरीले जनाएको छ।
Facebook Comments Box