डडेल्धुरा : डडेल्धुराको अमरगढी नगरपालिकामा टोल स्तरीय वडा कप भलिबल हुने भएको छ।
जिल्लाको अमरगढी नगरपालिका-२ र ३ को काँडे कोटमा बैजनाथ कृषि समूहको आयोजना र अमरगढी नगरपालिका वडा नम्बर २ र ३ को प्रायोजनमा खुला वडा कप भलिबल प्रतियोगिता हुन लागेको हो।
भलिबल प्रतियोगितामा २ र ३ नम्बर वडाका खेलाडीले मात्रै सहभागीता जनाउन पाउने कार्यक्रमका संयोजक हरेन्द्र भण्डारीले जानकारी दिए।
प्रतियोगिता यहीँ कात्तिक ३ र ४ गते काँडे कोटको खेल मैदानमा हुनेछन्। संयोजक भण्डारीका अनुसार टिम दर्ता शूल्क एक हजार दुई सय रुपैयाँ रहेको छ।
प्रथम पुरस्कार १२ हजार एक, दोस्रो हुनेलाई सात हजार एक, तेस्रो हुनेलाई चार हजार एक रुपैयाँसहित ट्रफी, मेडल र प्रमाणपत्र दिइने भण्डारीले जानकारी दिए।
उत्कृष्ट खेलाडी, उत्कृष्ट स्पाइकर, ब्लकर, सटर र डिफेन्डरलाई एक हजार एक रुपैयाँ दिइनेछ।
निजया दशमी, शुभ दिपावली तथा छठ पर्वको सुखद उपलक्ष्यमा नेपालको राष्ट्रिय खेल भलिबललाई विकास तथा उजागर गर्नको लागि प्रतियोगिता आयोजना गरिएको आयोजकले जनाएको छ।