धनगढीः कैलालीस्थित धनगढीबाट लागुऔषध सेवन गरेर मोटरसाइकल चलाउने पक्राउ परेका छन्। पक्राउ पर्नेमा १९ वर्षीय अरुण चौधरी र मुकेश जोशी रहेको जिल्ला ट्राफिक प्रहरी कार्यालय, कैलालीले जनाएको छ।
उनीहरूलाई मङ्गलवार धनगढी उपमहानगरपालिका वडा नम्बर १ वडा प्रहरी कार्यालय नजिकबाट पक्राउ गरिएको हो। हेल्मेट नलगाएर सुदूरपश्चिम प्रदेश ०१–००९ प १२८० नम्बरको मोटरसाइकलमा सवार उनीहरूको लागुऔषध सेवनको परीक्षण गरिएको थियो।
दुवैमाथि थप अनुसन्धान भइरहेको ट्राफिक कार्यालयले जनाएको छ।
Facebook Comments Box