काठमाडौँ : सशस्त्र प्रहरी प्रधान कार्यालयले २०८१ सालमा गण कमाण्ड गर्ने सशस्त्र प्रहरीका एसपीहरूको पूर्वानुमान सूची प्रकाशन गरेको छ । गण कमाण्डका लागि ५० जनाको मुख्य र १० जनाको वैकल्पिक सूचीमा नामावली प्रकाशन गरिएको हो। प्रधान कार्यालय स्थित कर्मचारी प्रशासन शाखाले ज्येष्ठताको आधारमा कमाण्डको जिम्मेवारी नगरेका एसपीहरूको पूर्वानुमान सूची प्रकाशन गरेको सशस्त्र प्रहरी बलका सह–प्रवक्ता डिएसपी शैलेन्द्र थापाले बताए। एफपीयु मिसन, अनपोल मिसन, प्रोफेसनल लेभलको यूएन मिसन र १ वर्ष भन्दा बढी अवधिको विदेश तालिमबाट फिर्ता भएका अधिकृतहरूलाई भने ६ महिना अवधिसम्म कमाण्डको जिम्मेवारीमा सरुवा नगरिने डिएसपी थापाले बताए । एक पटक पनि कमाण्डको जिम्मेवारीमा नखटिएका उपरीक्षकहरूलाई पहिलो प्राथमिकता राखी पूर्वानुमान…
Author: महेन्द्रनगर पोष्ट
काठमाडौं: घरेलु टोली नेपालले साफ यू-१९ च्याम्पियनसिपको दोस्रो सेमिफाइनल खेलमा आज भारतसँग खेल्दैछ । खेल आज साँझ ५ः३० बजे त्रिपुरेश्वर स्थित दशरथ रंगशालामा सुरु हुनेछ। नेपाल समूह ए को उपविजेता र भारत समूह बीको विजेताको रुपमा सेमिफाइनलमा भिड्न लागेका हुन् । नेपालले पहिलो खेलमा पाकिस्तानसँग १-० को हात व्यहोर्न पुगेको थियो । नेपालले दोस्रो खेलमा माल्दिभ्सलाई ४-१ ले हराउँदै सेमिफाइनलमा स्थान बनाएको थियो । उता भारतले बंगलादेशलाई ३-० र भुटानलाई २-१ गोल अन्तरले हराउदै समूह बी को विजेता बनेको थियो ।
धनगढीः कैलालीको टीकापुरमा मोटरसाइकल दुर्घटना हुँदा एक जना घाइते भएका छन्। जिल्लाको टीकापुर नगरपालिका–१ बनगाउँ बिचकापुरुवा चोकमा से ५ प ३४३७ नम्बरको मोटरसाइकल अनियन्त्रित भई दुर्घटना भएको इलाका प्रहरी कार्यालय टीकापुरले जनाएको छ। दुर्घटनामा चालक भजनी नगरपालिका-३ का २३ वर्षीय मोहन चौधरी घाइते भएका छन्। उनको कोहलपुर मेलडकल कलेजमा उपचार भइरहेको छ।
काठमाडाैं: सुनको भाउ आज आठ सय रुपैयाँले घटेको छ । नेपाल सुन चाँदी व्यवसायी महासंघका अनुसार आज सुनको भाउ तोलामा एक लाख ११ हजार रुपैयाँमा झरेको छ । हिजो तोलाको १ लाख ११ हजार ८ सय रुपैयाँ थियो । हिजो पनि सुनको भाउ तोलामा चार सय रुपैयाँले घटेको थियो । यस्तै, आज चाँदीको भाउ पनि घटेको छ । तोलामा १५ रुपैयाँले घटेर तोलाको एक हजार तीन सय ८५ रुपैयाँ छ ।
कञ्चनपुर : आठ महिनाको अवधिमा सुदूरपश्चिममा डेंगुबाट तीनजनाको मृत्यु भएको छ। सोही अवधिमा आठ सय ७७ जनालाई सङ्क्रमण देखिएको सुदूरपश्चिम प्रदेश स्वास्थ्य निर्देशनालयले जनाएको छ। सुदूरपश्चिममा सबैभन्दा बढी सङ्क्रमण कैलाली, कञ्चनपुर र पहाडी जिल्ला दार्चुलामा देखिएको छ।सुदूरपश्चिम प्रदेश स्वास्थ्य निर्देशनालयका भेक्टर कन्ट्रोल सुपरभाइजर अधिकृत हेमराज जोशीले डेङ्गु सङ्क्रमणबाट कञ्चनपुरमा दुई र दार्चुलामा एक गरी तीनजनाको मृत्यु भएको जानकारी दिए। सुदूरपश्चिम प्रदेश सरकारले सङ्क्रमित बिरामीको व्यवस्थापनमा सहजीकरण गर्ने, जिल्लामा रहेको स्वास्थ्य कार्यालयले सोसम्बन्धी सचेतना र कर्मचारीको क्षमता अभिवृद्धि गर्ने र स्थानीय पालिकाले लामखुट्टेको लार्भा नष्ट अभियान सञ्चालन गरिरहेको उनले जानकारी दिए। गत माघदेखि हालसम्म कैलालीमा तीन सय ७६, दार्चुलामा एक सय…
धनगढी: कैलालीको धनगढी उपमहानगरपालिकाको नगर प्रहरी प्रमुखको जागिर खोसिएपछि सई कृष्ण मल्ल रुष्ट बनेका छन्। उपमहानगर स्रोतका अनुसार नगर प्रहरीका इन्चार्ज मल्ललाई नगरप्रमुख गोपाल हमालको निर्देशनमा सोमबार नै हटाइएको हो। मेयर हमालले हालै गरेको छड्के अनुगमनका क्रममा उनी ड्युटीमा नभेटिएर घर बसेको पाइएपछि जागिर गएको बताइन्छ। तर मल्लले प्रशासनलाई बिदा माग्दा पनि नपाएको गुनासो गरेका छन्। बिदा माग्दा पनि नपाएर सेकेन्डलाई ड्युटी बुझाइ कहिलेकाही काम परेपछि बिरामी भेट्न २-४ घण्टा राति जाँदाको निहुँ बनाइएको बताएका छन्। ‘एक वर्षमा १ दिन बिदा नलिएर काम गरे तर कुरौटे कार्यालय सहयोगीको कुरा सुनेर मलाई जागिरबाट हटाइयो’ उनले भने।
कञ्चनपुरः कञ्चनपुरमा लागुऔषधसहित एक जना पक्राउ परेका छन्। जिल्लाको भीमदत्त नगरपालिका १० ब्यारेल स्थित चेक पोइन्टबाट २.५५ ग्राम लागुऔषधसहित भीमदत्त नगरपालिका-१९ का ३२ वर्षीय रामकिशन राना मंगलबार साँझ पक्राउ परेका हुन्। लागुऔषध नियन्त्रण ब्यूरो शाखा कार्यालय महेन्द्रनगरबाट खटिइएको प्रहरी टोलीले चेकजाँच गर्दा रानाको साथमा रहेको साइकलको बाँया ह्यण्डिलको प्वालभित्र लुकाई राखेको लागुऔषध फेला पारि पक्राउ गरेका बताएको छ। यस सम्बन्धमा प्रहरीले थप अनुसन्धान गरिरहेको छ।
बैतडी: बैतडीमा सशस्त्र प्रहरी हवलदारलाई ठक्कर दिएर फरार भएको बस बस र चालकलाई प्रहरीले नियन्त्रणमा लिएको छ। गएराति १ बजे दशरथचन्द राजमार्ग अन्तर्गत पाटन नगरपालिका-८ हरिचन मोडमा बसले ठक्कर दिँदा सोही ठाउँका ४० वर्षीय नरेन्द्रसिंह महराको मृत्यु भएको थियो। बाजुराबाट घर आइरहेका महरा खोड्पेमा गाडीबाट झरेपछि पैदल घरतर्फ आइरहेका बेला सुदूरपश्चिम यातायातको ना ८ ख ७९७० नम्बरको बसले उनलाई ठक्कर दिएको थियो। बसको ठक्करबाट उनको घटनास्थलमै मृत्यु भएको जिल्ला प्रहरी कार्यालय बैतडीका प्रमुख प्रहरी नायब उपरीक्षक दिपक गिरीले बताए। धनगढीबाट दार्चुलातर्फ गइरहेको गाडीले महरालाई ठक्कर दिएको थियो। बस र बसका चालक कञ्चनपुरको पुनर्वास नगरपालिका १ घर भएका जनकराज गिरीलाई…
काठमाडौं: एसियाली खेलकुदअन्तर्गत पुरुष क्रिकेटमा नेपालले मंगोलियालाई ३ सय १५ रनको लक्ष्य दिएको छ। नेपालले निर्धारित २० ओभरमा ३ विकेट गुमाएर ३ सय १४ रन जोड्यो। नेपालका कुशल मल्लले एक सय ३७, रोहित पौडेलले ६१ र दीपेन्द्रसिंह ऐरीले ५२ रन बनाए। नेपालले टी-२० अन्तर्राष्ट्रिय क्रिकेटमा सर्वाधिक रन बनाउने विश्व कीर्तिमान बनाएको छ। यसअघि २ सय ७८ रनसम्म बनेको थियो। यस्तै नेपालका दीपेन्द्रसिंह ऐरी सर्वाधिक कम बलमा अर्धशतक पुरा गर्ने ब्याट्सम्यान बनेका छन्। उनले ९ बलमै अर्धशतक पुरा गरेका थिए। कुशल मल्ल पनि सर्वाधिक कम बलमा शतक पुरा गर्ने विश्व कीर्तिमान बनाउन सफल भएका छन्। उनले ३४ बलमा शतक पुरा गरे।…
काठमाडौं: चीनमा जारी १९ औं एसियाली खेलकुद अन्तरगत पुरुगा क्रिकेटमा नेपालले मंगोलियाविरुद्ध खेलिरहेको खेलमा विश्व कीर्तिमान बनेको छ। नेपालका लागि कुशल मल्लले ३४ बलमा नै शतक बनाएका छन्। टी-२० क्रिकेटमा उनकाे यो विश्व कीर्तिमान हाे। यसअघि दक्षिण अफ्रिकाका डेभिड मिलर, भारतका रोहित शर्मा र चेक गणतन्त्रका सुदेश विक्रमासेकराले ३५ बलमा सतक पुरा गरेर विश्व कीर्तिमान बनाएका थिए। यसअघि नेपाली राष्ट्रिय टिमका पूर्व कप्तान पारस खड्काले २०१९ मा सिंगापुर विरुद्ध ४९ बलमा शतक बनाएका थिए।