किमाथाङ्का (सङ्खुवासभा): सङ्खुवासभाको कारागारभित्र दुई कैदीको हत्या प्रकरणमा प्रहरीसहित १२ जनाविरुद्ध कर्तव्य ज्यानमा मुद्दा दर्ता भएको छ । कैदीको हत्या प्रकरणमा संलग्न देखिएका प्रहरी, चौकीदार र कैदीसहित १२ जनाविरुद्ध कर्तव्य ज्यानसम्बन्धी मुद्दा दर्ता गरेर अनुसन्धान थालिएको हो । कारागारमा रहेको सिसिटिभी फुटेज अध्ययनबाट घटनामा प्रहरी र चौकीदारसहित केही कैदीको संलग्नता देखिएको थियो । कैदी मृत्यु प्रकरणमा प्रहरीसहित १२ जनाविरुद्ध कर्तव्य ज्यानमा मुद्दा दर्ता गरेर अनुसन्धान भइरहेको जिल्ला प्रहरी कार्यालय सङ्खुवासभाका प्रहरी नायब उपरीक्षक वीरेन्द्र गोदारले जानकारी दिए । अनुसन्धान टोलीको प्रतिवेदन आएपछि थप कारबाहीको प्रक्रिया अघि बढ्ने प्रनाउ गोदारले बताए । घटना लगत्तै गृह मन्त्रालयले कारागार विभागका निर्देशक कमलप्रसाद पाण्डेको…
Author: महेन्द्रनगर पोष्ट
काठमाडौँ : कोशी प्रदेशका मुख्यमन्त्री उद्धव थापाले विश्वासको मत पाएका छन्। सोमबारको प्रदेश सभा बैठकबाट मुख्यमन्त्री थापाले विश्वासको मत लिएका हुन्। कोशीमा ९३ जना सांसद छन्। तर सोमबारको प्रदेश सभा बैठकमा भने ७७ जना सांसद मात्रै उपस्थित रहेका थिए। नेकपा एमाले र राप्रपाका केही सांसद आजको बैठकमा अनुपस्थित रहेका थिए। मुख्यमन्त्री थापाका पक्षमा ४७ जनाले मत दिए भने विपक्षमा ३० जना सांसदले मत दिएका छन्। मुख्यमन्त्री थापाले विश्वासको मत प्राप्त गरेको आजको बैठक सञ्चालन गरेका ज्येष्ठ सदस्य इस्राइल मन्सुरीले घोषणा गरे।
काठमाडौं: नेपाल बालविकास शिक्षक समिति,गोदावरी नगर,कैलालीले लामो समय बालविकास शिक्षकको रूपमा विद्यालयमा सेवा गरी अवकाश भएका शिक्षक उमाकान्त शर्मालाई सम्मान गरेको छ । शर्मालाई बालविकास शिक्षकहरूले ५/५ सय रुपैयाँ उठाई ४० हजार १५० रुपैयाँ जम्मा गरी सो रकम, दोसल्ला र प्रमाणपत्रसहित सम्मान गरिएको बालविकास शिक्षक समिति सुदूरपश्चिमकी अध्यक्ष लक्ष्मी भट्टले जानकारी दिइन् । शर्माले २०६२ सालदेखि अनवरत रूपमा बालविकास शिक्षक भएर विद्यालयमा सेवा गर्दै आएका थिए । स्थानीय सरकारले गर्न नसकेको काम बालविकास शिक्षकले गरेको भन्दै शिक्षक शर्माले गहभरि आँसु राखेर धन्यवाद दिए । आफू अवकाश भएर गए पनि बालविकासलाई सधैं सहयोग गर्ने शर्माले बताए ।
काठमाडौं : सरकारले नेपाल प्रहरीका पाँच जना प्रहरी वरिष्ठ उपरीक्षक (एसएसपी) हरुको सरुवा गरेको छ । उपप्रधान तथा गृहमन्त्री नारायणकाजी श्रेष्ठले एसएसपी सरुवाको निर्णय गरेका हुन् । सरुवा सुचीअनुसार काठमाडौं प्रहरी प्रमुखमा प्रहरी महानिरीक्षकको सचिवालयमा कार्यरत एसएसपी भुपेन्द्र बहादुर खत्रीको सरुवा भएको छ। त्यस्तै काठमाडौं उपत्यका अपराध अनुसन्धान कार्यालय मिनभवनको प्रमुखमा राष्ट्रिय सुरक्षा परिषदमा कार्यरत एसएसपी सोमेन्द्र सिंह राठौरको सरुवा भएको छ । त्यस्तै डा. मनोज कुमार केसीको महिला, बालबालिका र ज्येष्ठ नागरिक सेवा निर्देशनालय, सानुराम भट्टराईको राष्ट्रिय सुरक्षा परिषद सचिवालय र दान बहादुर कार्कीको प्रहरी महानिरिक्षकको सचिवालयमा सरुवा भएको छ ।
धनगढीः काठमाडौँ प्रहरी प्रमुखको सरुवा भएको छ। स्रोतकाअनुसार गृह मन्त्रालयले काठमाडौँ प्रहरी प्रमुख एसएसपी दानबहादुर कार्कीको सरुवा गरेको हो। सरुवापछि उनको ठाँउमा भुपेन्द्र खत्रीलाई ल्याएको छ। खत्री यसअघि प्रहरी महानिरीक्षकको सचिवालयमा थिए। कार्कीले आफ्नो सरुवा भएको भर्खर थाहा पाएको बताउँदै थप कुरा बुझिरहेको बताए।
काठमाडौँ: गत बुधबारदेखि हराएका दार्चुलाको लेकम गाउँपालिका-२ बिटोरास्थित श्री सरस्वती आधारभूत विद्यालयका प्रधानाध्यापक अनिरुद्ध भट्ट अझै फेला परेका छैनन् । उनी गत बुधबार (साउन ३१ गते) दिउँसो करिब १ बजेदेखि हराएका थिए । उनका भाइ लोकेन्द्र भट्टले आमाले दिउँसोको खाना पकाइरहेका बेला घरबाट निस्केका दाजु अझैसम्म फेला नपरेको बताए। ‘३१ गते दिउँसो करिब १ बजेतिर घरबाट निस्कनुभएको हो। आज पनि खोज्न गएका थियौँ, भेटिनुभएको छैन,’ प्रधानाध्यापक लोकेन्द्रले भने, ‘आमा खाना बनाउँदै हुनुहुन्थ्यो, दाइ बाहिर बसेर आँप खाँदै हुनुहुन्थ्यो, पछि खाना बोलाउँदा त भेटिनुभएको छैन।’ लोकेन्द्रका अनुसार घरबाट करिब पाँच सय मिटर तल भीर छ। भीरको डिलमा बुधबार दिउँसो नै चप्पल…
काठमाडौँ : अपराधमा मुछिएका कम्तीमा १ सय ५० जना बालबालिका तथा किशोरहरू भक्तपुरको सानोठिमीस्थित युसेफको बालसुधार गृहबाट भागेका छन् । सोमबार दिउँसो उनीहरू सुधार गृहको ढोका फोरेर भागेको भक्तपुरका प्रमुख जिल्ला अधिकारी खगेन्द्र प्रसाद रिजालले जानकारी दिए । प्रमुख जिल्ला अधिकारी रिजालका अनुसार फरार भएका उनीहरूको खोजीका लागि सुरक्षाकर्मीहरू परिचालन गरिएको छ । केही भागेका बालबालिका तथा किशोरहरूलाई नियन्त्रणमा लिइ सकिएको छ । कति र कहाँबाट पक्राउ परे भन्नेबारे यकिन भई नसकेको रिजालले बताए । प्रजिअ रिजालले प्रशासनलाई बताए अनुसार आइतबार उक्त सुधारमा एक बालकको मृत्यु भएपछि उनका आफन्तले गेटमा प्रदर्शन गर्नुका साथै तोडफोड समेत गरेका थिए । प्रदर्शनका क्रममा…
काठमाडौँः बालुवाटारको ललिता निवास जग्गा हिनामिना प्रकरणमा मुछिएका पूर्व भुमिसुधार मन्त्री चन्द्रदेव जोशीलाई नेपाल प्रहरीले बयान लिन सीआईबीको कार्यालयमै बोलाएर फर्काएको छ। दार्चुला घर भएका पूर्वमन्त्री जोशीलाई बयानका लागि सोमबार सीआईबीले बोलाएको थियो। तर, उनलाई सीआईबी प्रमुख किरण वज्राचार्यले बयान नलिई फर्काएका हुन्। सीआईबी प्रमुखले बोलाएपछि जोशी सोमबार दिउँसो १ बजे सीआईबीको कार्यालय पुगेका थिए। तर बयान नलिई फेरि बोलाउला भनेर त्यसै फर्काएको जोशीले बताए। ‘पहिलो पटक सीआईबी प्रमुख आफैले बयानका लागि भनेर बोलाउनु भयो। तर फेरि अहिले नआउनु भनि खबर आयो। आज फेरि बोलाए बमोजिम सवा १ बजे सीआईबी कार्यालय पुगेको थिएँ’, जोशीले सामाजिक सञ्जालमा लेखेका छन्, ‘तर बयान…
धनगढीः धनगढीको सेती प्रादेशिक अस्पतालमा बिरामीको मृत्यु भएपछि तनाव सिर्जना भएको छ। सोमबार दिउँसो घरमा बेहोस भएपछि उपचारका लागि ल्याइएका धनगढी उपमहानगरपालिका–१० बस्ने सुदूरपश्चिम प्रदेश सभाकी पूर्व सदस्य मालामती रानाका ४० वर्षीय भाई अरूणकुमार रानाको मृत्यु भएपछि तनाव भएको हो। बेला–बेला मिर्गी आउने समस्या भएका रानाको अस्पतालको लापरवाहीको कारण मृत्यु भएको भन्दै आफन्तले अस्पताल घेराउ गरेका छन्। मृतककी भतिजी सोनियम रानाले आकस्मिक कक्ष लगिएका अरुणलाई डाक्टरले ओपिडी कक्षमा पठाएको र एक घण्टासम्म नआएपछि मृत्यु भएको बताइन्। ‘उहाँ एक्कासी ढलेर बेहोस भएपछि १२ बजेतिर अस्पताल ल्याएका थियौँ। ईमरजेन्सी कक्षमा लग्यौँ तर त्यहाँबाट टिकट काटेर ओपीडी चेकजाँच गर्ने ठाउँमा लैजान भनियो,’ रानाले…
धनगढी: कञ्चनपुरको सीमावर्ती क्षेत्रमा हतियारसहित नेपाल छिरेको आशंका गरिएका भारतीय एसएसबीका जवान उतै फेला परेका छन्। हतियारसहित बेपत्ता भएका भारतीय सुरक्षा बल (एसएसबी) का जवान १४ घण्टापछि भारतीय भूमीमै भेटिएका हुन्। जिल्ला प्रहरी कार्यालय कञ्चनपुरका डीएसपी प्रकाश डाँगीले नेपाल प्रवेश गरेको आशंका गरिएका जवान भारतीय भूमीमै भेटिएको खबर प्राप्त भएको जानकारी दिए। भारततर्फ मेलाघाटमा रहेको एसएसबीको कम्पनीबाट आइतबार राति १० बजेतिर हतियारसहित फरार जवान सोमबार दिउँसो जंगलमा भेटिएका डीएसपी डाँगीले बताए। राति कम्पनीबाटै हतियारसहित जवान बेपत्ता भएपछि एसएसबीले नेपालतर्फ भाग्न सक्ने आशंकामा सीमा क्षेत्रमा निगरानी र नेपाली भूमिमा खोजीका लागि सशस्त्र प्रहरीलाई खबर गरेको थियो। सशस्त्र प्रहरी र जनपद प्रहरीले…