काठमाडौँ: काठमाडौँ उपत्यका अपराध अनुसन्धान कार्यालयको टोलीले वैदेशिक रोजगारीका लागि विभिन्न मुलुक पठाइदिने भन्दै रकम ठगी गरेका अभियोगमा चार जनालाई विभिन्न स्थानबाट पक्राउ गरी आज सार्वजनिक गरेको छ । पक्राउ पर्नेमा नवलपरासी देवचुली नगरपालिका–८ घर भई कठमाडौँ टोखा नगरपालिका–३ बस्ने ३० वर्षीय समीर आलेमगर, रामेछाप उमाकुण्ड गाउँपालिका–१ घर भई काठमाडौँ कागेश्वरी मनोहरा नगरपालिका–८ गोठाटार बस्ने ३५ वर्षीया शर्मिला सुनुवार, सल्यान कपुरकोट गाउँपालिका–३ घर भई भक्तपुर सूर्यविनायक नगरपालिका–१ बस्ने ५१ वर्षीय जगतबहादुर खड्का र कास्की पोखरा महानगरपालिका घर भई ललितपुर महानगरपालिका–१४ नख्खीपोट बस्ने ४० वर्षीया तारा गुरुङ रहेका काठमाडौँ उपत्यका अपराध अनुसन्धान कार्यालयका प्रवक्ता तथा प्रहरी उपरीक्षक मिलन केसीले जानकारी दिए…
Author: महेन्द्रनगर पोष्ट
धनगढीः धनगढीको स्वस्तिक अस्पतालमा मृगौलाको पत्थरीको शल्यक्रिया गरेका एक जनाको मृत्यु भएको छ । शनिबार अस्पताल भर्ना भएका कञ्चनपुरको बेलौरी नगरपालिका-१० शिवनगरका ५५ वर्षीय ऐजनलाल चौधरीको मृत्यु भएको अस्पतालले जनाएको छ । चौधरीको अस्पतालले शल्यक्रिया गरेर बाँया मृगौलामा जमेको ११ एमएम र ९ एमएमका दुई वटा स्टोन निकालेको थियो । सोही क्रममा अत्यधिक रक्तश्राव भएको थियो । रक्तश्राव नरोकिएपछि अस्पतालका जर्नल सर्जन डाक्टर जोनस तिवारीले मृतकका परिवारलाई मृगौला झिक्नुपर्ने बताएका थिए । मृतकका भतिजा राजकुमार चौधरीले डाक्टरले मृगौला चाहिन्छ की मान्छेको ज्यान भनेपछि आफूूहरुले मृगौला झिकेर भएपनि ज्यान जोगाइदिन आग्रह गरेको बताए तर डाक्टरले मृगौला निकालेपछि भने मृत्युको खबर सुनाएको…
धनगढीः कैलालीको गोदावरी नगरपालिका-८ स्याउलेमा आज दिँउसो २ बजेबाट गौरापर्व विशेष मेला सुरु हुने भएको छ। स्याउलेको विश्वनाथ महादेव मन्दिर परिसरमा आजदेखि १५ गतेसम्म मेला लाग्ने भएको हो। धर्मेश्वर फाउन्डेसनको आयोजना तथा स्याउले बजार व्यवस्थापन समिति र शिवशक्ति युवा क्लबको सहयोगमा मेला लाग्ने बताइएको छ। स्वर्गीय पिता धर्म सिंह देउवाको स्मृतिमा छोराहरु गणेश देउवा, गोपाल देउवा, मनिस देउवा र विरेन्द्र देउवाले फाउन्डेसनसंग मेलाको लागि सहकार्य गरेका हुन्। मेलामा विभिन्न ठाँउका चर्चित देउडा कलाकारहरुको उपस्थिति रहने बताइएको छ। दार्चुलाकी गंगा धामी, बझाङका बाल्केश थापा, कैलालीका पदम जोशी र कञ्चनपुरकी पुष्पा जोशीको सहभागिता रहने बताइएको छ।
धनगढीः कञ्चनपुरमा सोमबारदेखि सामुदायिक तथा संस्थागत विद्यालय बन्द गरिएका छन्। भीमदत्त नगरपालिका–१० जिमुवास्थित सिद्धनाथ माध्यमिक विद्यालयका लेखापाल बिरेन्द्र जोशीमाथि कुटपिट गर्नेहरुलाई कारबाहीको माग राख्दै जिल्लास्थित सामुदायिक तथा निजी विद्यालय अनिश्चितकालिन बन्द गरिएका हुन्। प्रहरीको नियन्त्रणमै शिक्षकमाथि कुटपिट भएको घटनाको उच्चस्तरिय छानबिन टोलीको गठन गर्नुपर्ने, शिक्षकलाई पक्राउ गरेर लैजाने प्रहरीलाई निलम्बन गरी कारबाही हुनुपर्ने, शिक्षकको उपचारमा लाग्ने सम्पूर्ण खर्च सरकारले व्योहोर्नुपर्ने नेपाल शिक्षक महासंघ जिल्ला स्तरिय आन्दोलन परिचालन समितिको माग छ। यता, शिक्षक जोशी परिवारले दिएको किटानीका आधारमा प्रहरीले ७ जनालाई पक्राउ गरेको प्रहरीले जनाएको छ। गत आइतवार विद्यालयका लेखापाल विरेन्द्रप्रसाद जोशीले कक्षा १० मा अध्ययनरत एक छात्रामाथि यौन दुव्र्यवहार गरेको…
धनगढी: दार्चुलामा एक जना एकल बृद्ध महिला मृत फेला परेकी छन्। जिल्लाको मालिकार्जुन गाउँपालिका–७ की ८० वर्षीया भागरथी चन्द मृत फेला परेकी हुन्। प्रहरीका अनुसार उनको मृत्युको कारण खुलेको छैन्। अहिले मृतकको घरमा प्रहरी चौकी जोलजीवि र जिल्ला प्रहरी कार्यालयबाट प्रहरी खटिएको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्रबहादुर सिंहले जानकारी दिए। प्रहरीले छानविनपछि वास्तविकता बाहिर ल्याउने बताएको छ। यद्यपि स्थानीयले भने उनको हत्या गरेको आंशका गरेका छन्। प्रहरीले मृतकको शवलाई पोष्टमार्टमको लागि जिल्ला अस्पताल ल्याउने तयारी गरेको छ।
धनगढी: धनगढीमा चार दल सम्मिलित समाजवादी मोर्चाको प्रदेशस्तरीय सन्देश सभा हुने भएको छ। यहीँ महिनाको १३ गते धनगढीमा प्रदेशस्तरीय सभा हुने भएको हो। स्रोतका अनुसार सभालाई सम्बोधन गर्न माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्ड, पूर्वप्रधानमन्त्री तथा एकीकृत समाजवादीका अध्यक्ष माधवकुमार नेपाल, नेकपाका महासचिव विप्लव र जसपा नेता अशोक श्रेष्ठले आउने तयारी छ। असार ४ गते गठन भएको मोर्चामा माओवादी केन्द्र, जनता समाजवादी पार्टी, नेकपा एकीकृत समाजवादी र विप्लव नेतृत्वको नेकपा छन्।
धनगढी: दार्चुलामा मट्टीतेल छर्केर आगाे लगाएकी सुनाको देहान्त भएको छ। प्रहरीका अनुसार धनगढी ल्याउने क्रममा शैल्यशिखर नगरपालिका-५ सेतकलाकी करिब ४५ वर्षीया सुना साउँदको देहान्त भएको हो। गोकुलेश्वर अस्पतालमा सामान्य उपचारपछि सुनालाई थप उपचारका लागि धनगढी ल्याइदै थियो। तर, बैतडीको पाटन पुग्ने बेला उनको मृत्यु भएको जिल्ला प्रहरी कार्यालयले जनाएको छ। त्यहाँका प्रवक्ता प्रहरी निरीक्षक ज्ञानेन्द्रबहादुर सिंहका अनुसार आइतबार बिहान उनले घरमा कोहि नभएको बेला आफ्नै शरीरमा मट्टीतेल छर्केर आत्मदाहको प्रयास गरेकी थिइन्। घाइते साउँदको शरीरको घुँडाभन्दा माथिल्लो भाग जलेको थियो। आगो लागेको स्थानीयले देखेपछि साउँदलाई उद्धार गरेर गोकुलेश्वर अस्पताल पुर्याएका थिए। साउँदले शरीरमा किन आगो लगाइन् ? विषय भने खुल्न…
धनगढी: कञ्चनपुरका एक इन्सपेक्टर विवादमा तानिएका छन्। पहिल्यैदेखि विवादित छवि भएका प्रहरी निरीक्षक (इन्सपेक्टर) सिताराम बिष्ट फेरि एकपटक विवादमा तानिएका हुन्। भदौ ३ मा भीमदत्त नगरपालिका–१० स्थित शिद्धनाथ माध्यामिक विद्यालयमा घटेको घटनामा खटिएका बिष्टले सो घटना नियन्त्रण गर्न नसकेको भन्दै विवाद भैरहेको छ। सो विद्यालयका लेखापाल विरेन्द्रप्रसाद जोशीले एक छात्रालाई दुर्व्यवहार गरेको भन्दै सो दिन स्कुलमा आन्दोलन भएको थियो। तनावग्रस्त अवस्था आएपछि ती इन्स्पेक्टर बिष्टको नेतृत्वमा जिल्लाबाट प्रहरी टोली पठाइएको थियो। तर बिष्टले भीड नियन्त्रण गर्न सकेनन्। उनले कार्यकक्षमैं गएर लेखापाल जोशीलाई हतकडी लगाए। लेखापालमाथि ढुंगामुढा भयो र कुटपिटसमेत भयो। विद्यालयबाट केही पर प्रहरीको भ्यानसम्म जोशीलाई हिँडाएर लग्ने क्रममा जोशीमाथि…
दार्चुलाः दार्चुलाको अपि हिमाल गाउँपालिकामा तीन दिन सार्वजनिक विदा दिइएको छ। आज (सोमवार)देखि आउँदो बुधवारसम्म पालिकाभरिका सरकारी तथा गैरसरकारी कार्यालय लगायत शैक्षिक संस्थाहरूमा सार्वजनिक बिदा दिइएको गाउँपालिकाले जनाएको हो। पालिकाले शुक्रवार एक सूचना निकालेर गाउँपालिकाको प्रख्यात धार्मिक सुर्मा भवानी मन्दिरमा भइरहेको बिरे जात्राको अवसरमा सार्वजनिक बिदा दिने निर्णय गरेको जनाएको छ। देशकै सबैभन्दा लामो समयसम्म मनाइने सुर्मा भवानीको विधिवत् रूपमा जात्रा शनिवारदेखि शुरु भएको छ। दार्चुला र बझाङ जिल्लाको सीमा क्षेत्रमा यो जात्रा लाग्ने गरेको छ।
-खगेन्द्र गिरीराणा शासनको अन्तिम कालखण्डको कुरो। मुस्ताङको लोमान्थाङ्बाट एक जना नवयुवक तिब्बतको सिंगात्सेमा पढ्न गएका थिए। त्यतिखेर मुस्ताङ्बाट सिंगात्से पुग्न घोडामा जाँदा तीन हप्ता लाग्थ्यो। सो नवयुवकको व्यक्तित्व, लवाईखवाई र छाँटकाँट देखेर त्यहाँका मान्छेहरु मोहित हुन्थे। सिंगात्सेमा पढ्दापढ्दै त्यहाँको उच्च घरानियाँ परिवारकी एक युवतीसित ती युवकको प्रेम बस्यो। बिहेको कुरो चल्यो। त्यति टाढाको युवकलाई आफ्नी छोरी दिन परिवारले मान्ने कुरा थिएन। फलत २० वर्षका ती नवयुवकले युवतीलाई भगाएर ल्याए। आफ्नो मातृथलोमा पुर्याएर विधिवत बिहे गरे। ती नवयुवक थिए मुस्ताङ्गी राजा एन्गुन तेन्जिङ् त्रुन्डुल विष्टका साइँला छोरा जिग्मे दोर्जी पल्बर विष्ट र ती युवतीको नाम थियो सिडोल। त्यसपछि घटनाक्रमहरु आफ्नै लयमा…