-राधाकृष्ण देउजा अकारण असामयिक र अन्यायपूर्ण रुपमा भएको प्रहरी उच्च अधिकृतहरुको सरुवा पश्चात सरुवा हुने एआइजीहरुलाइ धन्यवाद र शुभकामनाको सुरुवात गर्दै गर्दा नै लेखेको छु कि त्यस रुपमा भएको उच्च प्रहरी अधिकृतहरुको सरुवा उनीहरुको लागि चाही रहरको सम्बोधन भन्दा पनि नियतिको ग्रहण नै हो। त्यसैले उनीहरु जहाँ थिए, त्यहाँ गरेको कामको लागि उनीहरुलाइ धन्यवाद दिंदै जहाँ गए त्यहाँ राम्रो काम गर्न सकुन् भन्ने शुभकामना दिनु नै अहिलेलाइ बान्छनीय छ। त्यसैले त्यसैको निरन्तरता स्वरूप धन्यवाद र शुभकामना दिउँ नेपाल प्रहरीमा रहेर गरेको कामले आम छोरीहरुकै शिर ठाडो पार्न सक्ने बहादुर मिरा चौधरीलाई। मिरा चौधरी साहसि र बहादुर महिला हुन् भन्ने जान्नलाइ…
Author: महेन्द्रनगर पोष्ट
बैतडीः बैतडीका हरिश चन्दको करेन्ट लागेर बुटवलमा मृत्यु भएके छ। बैतडीको सुर्नया गाउँपालिका २ कट्नोलीका ४३ वर्षीय चन्दको करेन्ट लागेर बुटवलमा मृत्यु भएको हो। निर्माण कम्पनीमा विद्युतको काम गर्दै आएका चन्दको विद्युतकै काम गरिरहेका बेलामा करेन्ट लागेर बिहीवार मृत्यु भएको बताइएको छ। गौरा पर्वको समयमा चन्दको निधन भएपछि गाउँ नै शोकमा डुबेको छ। मृतकको दाहसंस्कार गरिसकिएको छ।
नयाँ दिल्ली: भारतको तमिलनाडुको मदुरै रेलवे स्टेसन नजिकै तीर्थयात्री बोकेको रेलमा आगलागी हुँदा कम्तीमा आठ जनाको मृत्यु भएको छ। मिडिया रिपोर्टका अनुसार १७ अगस्टमा लखनउबाट ६० भन्दा बढी तीर्थयात्री रेलबाट सामी दर्शनका लागि दक्षिण भारत गएका थिए। यी तीर्थयात्रीहरू शनिवार बिहान मदुरै पुगेका थिए। उनीहरुले हिजो नागरकोइलस्थित पद्मनाभ स्वामी मन्दिरको दर्शन गरेका थिए। यो रेल मदुरै रेलवे स्टेसनबाट करिब एक किलोमिटर टाढा थियो। एक प्रत्यक्षदर्शीले केही यात्रुहरूले सिलिन्डर प्रयोग गरेर चिया बनाउँदै गर्दा आगलागी भएको बताए।
डोटीः डोटीको एक पालिकामा युवाहरुले श्रमदानबाट बिजुलीको लाइन बिस्तार गरेका छन्। जिल्लाको जोरायल गाउँपालिका –३ का युवाहरूले श्रमदानबाट बिजुली बालेका हुन्। वडाध्यक्ष नवीन ओझाको अगुवाइमा स्थानीयले श्रमदानबाट विद्युत बिस्तार गर्दै ४ टोलमा बिजुली बालिसकेका छन् भने अन्य टोलमा बिस्तार कार्य जारी रहेको जनाएको छ। ५ वर्षअघि ठेक्का लागेको विद्युत विस्तारको योजना ठेकेदारले अलपत्र पारेपछि ३ सय ७६ पोल श्रमदानबाट बिस्तार कार्य तीव्र छ। तार र पोल ढुवानीमा श्रमदान भएको वडाध्यक्ष ओझाले बताए। ठाउँ ठाउँमा सडक अवरुद्ध हुँदा ठेकेदारले ढुवानी गर्न नसक्दा काम अघि बढ्न सकेको थिएन। पटक पटक पहल गर्दा पनि ठेकेदार सम्पर्कमा नआएपछि श्रमदानबाट काम गर्न बाध्य भएको वडाध्यक्ष ओझाले…
कञ्चनपुर: प्रहरीले कञ्चनपुरमा तस्करीमा संलग्न ट्रक नियन्त्रणमा लिएको छ। कृष्णपुर नगरपालिका–२ बाणीबाट प्रहरीले भारतबाट भन्सार छलेर ल्याइएका सामानसहित १ ट्रक र ट्रकका चालकलाई नियन्त्रणमा लिएको हो। शुक्रबार भन्सार छलेर ल्याइएका अन्दाजी १ लाख ८४ हजार रुपैयाँ मूल्य बराबरका चिनी, सलाई, छोहरालगायतका सामानसहित ट्रक र चालकलाई नियन्त्रणमा लिइएको प्रहरीले जनाएको छ। सुदूरपश्चिम प्रदेश प्रहरी कार्यालय धनगढी र अस्थाई प्रहरी पोष्ट बाणीको संयुक्त गस्ती टोलीले उक्त सामान बरामद गरेको जनाइएको छ।
कञ्चनपुरः महाकाली नदीमा पानीको बहाव बढेसँगै शारदा ब्यारेजको बनबासा पुलमा चार पांग्रे सवारी साधन आवागमन बन्द गरिएको छ। बिहीवार साँझदेखि नै पुलमा चार पांग्रे सवारी साधन आवागमनमा रोक लगाइएको स्थानीय प्रशासनले जनाएको छ। महाकालीमा पानीको बहाव १ लाख १० हजार २९० क्यूसेक पुगेको जिल्ला प्रहरी कार्यालय कञ्चनपुरले जनाएको छ। सय वर्ष पुरानो पुल जीर्ण भएका कारण नदीमा पानीको बहाव १ लाख क्यूसेक नाघ्नेबित्तिक्कै ठूला सवारी साधन आवागमनमा रोक लगाइँदै आएको छ।
डोटीः डोटी जिल्ला सदरमुकामदेखि प्रसिद्ध पर्यटकीय क्षेत्र खप्तडको प्रवेशद्वार झिग्राना जोड्ने सडक ४ दिनदेखि अवरुद्ध भएको छ। लगातारको वर्षापछि बुधबार बिहान आएको पहिरोका कारण सडक अवरुद्ध भएको हो। बाटेओखर भन्ने ठाउँमा सडकमाथिबाट ठूलो पहिरो आएका कारण सडक पूर्णरुपमा अवरुद्ध भएको डोटी प्रहरीले जनाएको छ। सडक अवरुद्ध भएपछि एम्बुलेन्स समेत चल्न नसक्दा उक्त क्षेत्रका बिरामीहरुलाई बोकेर ल्याउनु पर्ने अवस्था सिर्जना भएको छ। बुधवार गएको पहिरो पन्छाएपनि बिहीवार पुन: पहिरो गएपछि सडक अवरुद्ध भएको जनाएको छ। ठाउँ–ठाउँमा भएका सानातिना अवरोधहरु नेपाली सेनाले हटाएपनि उक्त पहिरो हटाउन मेसिन ल्याउनुपर्ने डोटीका प्रमुख जिल्ला अधिकारी गोपाल प्रसाद अर्यालले बताए। प्रमुख जिल्ला अधिकारी अर्यालले आजसम्म बाटो…
काठमाडौँ: हाल मनसुनको न्यून चापीय रेखा सरदर स्थान भन्दा उत्तरमा अवस्थित छ। साथै नेपालमा हाल भारतको उत्तर प्रदेशको उत्तर पूर्वी भू-भागमा रहेको न्यून चापीय क्षेत्र र बंगलादेशको उत्तरी भूभागमा रहेको न्यून चापीय क्षेत्र समेत प्रभाव रहेको छ। मौसम पूर्वानुमान महाशाखाका अनुसार शनिबार कोशी, मधेस र बागमती प्रदेशमा सामान्यदेखि पूर्ण बदली रही बाँकी प्रदेशमा आंशिकदेखि सामान्य बदली रहनेछ। कोशी, मधेस र बागमती प्रदेशका केही स्थानहरूमा र बाँकी प्रदेशका पहाडी भूभागका थोरै स्थानहरूमा हल्कादेखि मध्यम वर्षाको सम्भावना रहेको छ। कोशी र मधेस प्रदेशका एक-दुई स्थानमा मेघ गर्जन/चट्याङसहित भारी वर्षाको समेत सम्भावना रहेको छ।
धनगढी: धनगढीको दिपेन्द्र प्रहरी स्कुुलमा गत बैशाखदेखि शिक्षण गर्दै आएकी थिइन् राजेश्वरी डडाल। स्कुलले आह्वान गरेको दरखास्त बमोजिम आवेदन दिएकी राजेश्वरी छनोट प्रक्रिया पूूरा गर्दै करार शिक्षकका रुपमा शिक्षण पेशामा लागेकी थिइन्। दार्चुलाको मार्मा गाउँपालिका–६ को सितोली स्थायी घर भइ धनगढी उपमहानगरपालिका–३ स्थित फूपुको घरमा बस्दै आएकी राजेश्वरी बर्खे विदामा घर गएकी थिइन्। पारिवारीक स्रोतकाअनुसार राजेश्वरी फेसबुुक आइडी उनकी जेठी दिदी रञ्जनाले पनि चलाउने गरेकी थिइन्। करीब २० दिन अगाडिको कुरा हो, दिदी रञ्जनाले राजेश्वरी र मामा नाता पर्ने नेकपा माओवादी निकट अखिल क्रान्तिकारीका नेतासमेत रहेका मार्मा गाउँपालिका–६ को मौरे गाउँका जगदिश कोट्टारीबीचको सम्बादबाट दुुवै जनाबीच प्रेम सम्बन्ध रहेको थाहा…
धनगढी: बझाङमा मोटरसाइकलको ठक्करबाट एक बालक घाइते भएका छन्। चैनपुरस्थित पसल व्यवसाय गरी बस्ने परराज चलाउनेका ४ वर्षीय छोरा आदित्य चलाउने मोटरसाइकलको ठक्करबाट घाइते भएका हुन्। शुक्रबार साँझ ४ बजे शान्तिमार्ग रोड नजिकै रहेको पसल अगाडी सडक छेउमा खेलिरहेका बालकलाई सुदूरपश्चिम प्रदेश से ५ प १९७० नम्बरको मोटरसाइकलले ठक्कर दिएको हो। घाइते बालकको अवस्था मध्यम रहेको बताइएको छ। उनको अहिले जयपृथ्वी अस्पतालमा उपचार भइरहेको छ। मोटरसाइकल चालक कञ्चनपुरको कृष्णपुर नगरपालिका–४ गुलरियाका २२ वर्षीय कमल देउवा भने प्रहरीको नियन्त्रणमा रहेको जिल्ला प्रहरी कार्यलय बझाङका सुचना अधिकारी दिपेश चौधरीले बताए।