काठमाडौं: राठी एडेसिभ प्राली र इन्टेरियर डिजाइनर एसोसियसन नेपाल (आइडिया नेपाल)बीच विभिन्न क्रियाकलापमा सहकार्य गर्ने सम्झौता भएको छ। शुक्रबार एक कार्यक्रमबीच दुवै संस्थाबीच नेपाली उत्पादनलाई प्रोत्साहन गर्दै बजारमा स्थापित गर्न उक्त सम्झौता गरिएको हो। राठीका प्रमुख योगेश राठीले दुवैको उद्देश्य एउटै भएकाले सहकार्यको सम्झौता भएको बताए। ‘राठीले विदेशी उत्पादनलाई कम गर्दै नेपाली उत्पादनलाई प्रोत्साहन गर्दै लैजाने हिसाबले विगत ३५ वर्षदेखि एडेसिभ उत्पादनहरू गरिरहेको छ’, सम्झौता कार्यक्रममा उनले भने, ‘ हामीले देशको बढ्दो व्यापार घाटा घटाउने आइडिया नेपालसँग सहकार्य गरेका हौं।राठीकोल नेपालको उत्कृष्ट ब्राण्ड हो। यसलाई अझ उचाइमा पुर्यातउने हाम्रो साझा लक्ष्य हो। ‘ आइडिया नेपालका अध्यक्ष श्याम श्रेष्ठले राठीकोलका उत्पादनहरू…
Author: महेन्द्रनगर पोष्ट
डोटीः डोटीको एक विद्यालयमा तोडफोड गरिएको छ । जिल्लाको सायल गाउँपालिका–२ ग्वानीस्थित जनज्योेती आधारभूत विद्यालयमा बिहीवार तोडफोड गरिएको हो । रातिको समयमा अज्ञात व्यक्तिले विद्यालयको ताला तोडी कार्यालयभित्र रहेका विभिन्न कागजात समेत च्यातेर यत्रतत्र फालिएको वडा अध्यक्ष मानबहादुर सिंहले बताए । विद्यालयका केही सामग्री अज्ञात व्यक्तिले लगेर पनि गएको बताइएको छ । घटनाबारे बुझ्न प्रहरी टोली विद्यालय क्षेत्रमा गएको जिल्ला प्रहरी कार्यालय डोटीका प्रहरी निरीक्षक राजेन्द्र चन्दले बताए ।
धनगढी: नेपालको एक राष्ट्रिय टेलिभिजनको कार्यालयमा ताला लगाइएको छ। अर्थ न्युज टिभीको केन्द्रीय कार्यालयमा ताला लगाइएको हो। श्रमजीवी पत्रकार संघ अर्थ न्युज टिभी संघर्ष समितिले पत्रकारहरुलाई पारिश्रमिक नदिएको भन्दै तालाबन्दी गरिएको जनाएको छ। तलब नदिएको र झुकाउने काम गरेकाले ताला लगाइएको श्रमजीवी पत्रकार संघका अध्यक्ष जन्मदेव जैशीले बताए। उक्त टिभीबाट राष्ट्रिय स्वतन्त्र पार्टीका सभापतिसमेत रहेका रवि लामेछानेकी भाउजू पुनम पौडेलसहितका पत्रकारले तलब पाएका छैनन्। रविका दाइ हरिशरण लामिछानेकी पत्नी पौडेलसहितका पत्रकार अहिले तलब माग गर्दै आन्दोलनमा उत्रिएका छन्।उनीहरुले आफ्नो पारिश्रमिक दिनुपर्ने भन्दै यसअघि कार्यालय घेराउसमेत गरेका थिए। टेलिभिजनका कार्यकारी निर्देशक कमल शाहले झुक्याएको र झुलाएको श्रमजीवीहरुको आरोप छ। झण्डै छ…
अछामः अछामबाट गाँजा र खुकुरीसहित पाँच किशोर प्रकाउ परेका छन्। प्रहरीका अनुसार प्रकाउ परेका पाँचै जना १२ देखि १५ वर्षसम्मका रहेका छन्। उनीहरुलाई बिहीवार दिउँसो जिल्ला प्रशासन कार्यालय अगाडिबाट गाँजा र खुकुरीसहित प्रकाउ गरिएको जिल्ला प्रहरी कार्यालय अछामले जनाएको छ। उनीहरूको साथबाट केही मात्रामा गाँजा फेला परेको र त्यो मुद्दा चलाउन पर्याप्त नभएकोले सम्झाई बुझाई परिवारको जिम्मा लगाइने प्रहरीले जनाएको छ।
काठमाडौँ: धनगढीको सेती प्रादेशिक अस्पतालले १३ जना कर्मचारी माग गरेको छ । अस्पतालले करार सेवामा ७ जना विशेषज्ञ चिकित्सकसहित १३ जना कर्मचारी माग गरेको हो । विभिन्न विधाका विशेषज्ञ चिकित्सक ७ जना, डेन्टल सर्जन १ जना, मेडिकल ल्याब टेक्नोलोजिष्ट १ जना र मेडिकल अधिकृत ५ जनाका लागि करार सेवामा विज्ञापन खोलेको छ । ७ दिनभित्र आवेदन दिन भनिएको छ ।
काठमाडौँ: इलामको नेपाल भारत सीमा क्षेत्र पशुपतिनगरबाट सुदूरपश्चिमका पाँच महिलाको उद्धार गरिएको छ । कामको बहानामा भारत लैजाँदै गरेका १६ देखि ३० वर्ष उमेर समूहका पाँच महिलाको उद्धार गरिएको हो । झापामा काम लगाइदिने बहानामा सीमाना कटाउन लागेको अवस्थामा प्रहरी र माइती नेपालसहितको निगरानी टोलीले उनीहरुको उद्धार गरेको माइती नेपाल पशुपतिनगरका प्रमुख होम ढकालले बताए । उद्धार गरिएकामध्ये कञ्चनपुरका दुई, दार्चुला, बैतडी र अछामका एकएक जना महिला रहेका इलामका प्रमुख जिल्ला अधिकारी श्रवण कुमार पोख्रेलले जानकारी दिए। उनका अनुसार महिलालाई यौन धन्दाका लागि र पुरुषलाई शरीरका विभिन्न अङ्ग बिक्रीका लागि पशुपतिनगर नाका हुँदै भारत लैजाने गरिएको छ । त्यस्तै, प्रहरीले…
चीन: उत्तरी चीनमा ग्यास चुहावट हुँदा १० जनाको मृत्यु हुनाका साथै तीन जना घाइते भएका सरकारी सञ्चारमाध्यमले शुक्रबार जानकारी दिएका छन् । घटना बिहीबार अपराह्न इनर मङ्गोलिया क्षेत्रको ओर्डोसस्थित रसायन कारखानामा भएको राज्य प्रसारक चाइना सेन्ट्रल टेलिभिजन (सिसिटिभी)ले जनाएको छ । ग्यास चुहिएर बिरामी परेका एक जनाको घटनास्थलमा मृत्यु भएको तथा अन्यको उपचारका क्रममा ज्यान गएको थियो । सिसिटिभीले मृतकको सङ्ख्या बढ्नसक्ने बताएको छ । कार्यस्थलमा पर्याप्त सुरक्षा व्यवस्था नहुँदा चीनमा औद्योगिक दुर्घटना बारम्बार हुनेगरेका छन् । यो वर्षको शुरुमा इनर मङ्गोलियाको एउटा कोइला खानीमा दुर्घटना हुँदा ५३ जनाले ज्यान गुमाएका थिए । हालै उत्तरपश्चिम चीनको यिनचुआनमा रहेको एउटा चमेनागृहमा…
काठमाडौँ: नेपाल प्रहरीमा सञ्चारतर्फ विभिन्न पदका पाँच सय ९० जना कर्मचारीको सरुवा भएको छ । प्रहरी प्रधान कार्यालयले आगामी असोज १ गतेदेखि लागु हुने गरी पाँच सय ९० जना कर्मचारीको सरुवा गरेको हो । जसमा ५३ जना नायब निरीक्षक (सई), सहायक निरीक्षक (असई) तर्फ एक सय २२, वरिष्ठ हवल्दार ७४, हवल्दार दुई सय ५२ जना र सहायक हवल्दार ८९ जना सरुवा भएका छन् ।
धनगढीः सुदूरपश्चिमका १७ जना कर्मचारी पुरस्कृत भएका छन्। सुदूरपश्चिम प्रदेश सरकारले उत्कृष्ट काम गरेका कर्मचारीलाई निजामती सेवा दिवसको अवसरमा पुरस्कृत गरेको हो। पुरस्कृत हुने कर्मचारीमा प्रदेश जनस्वास्थ्य प्रयोगशालाका ल्याव टेक्निसियन कृष्ण गौतम, कैलाली जिल्ला अदालतकी कार्यालय सहयोगी धौली केसी, स्वास्थ्य कार्यालय कैलालीका पब्लिक हेल्थ नर्स निरीक्षक आशा थापा, हेभी इक्युपमेन्ट डिभिजन कार्यालय गोवादरीका मेकानिक प्रेम सिँह लुहार, जिल्ला हुलाक कार्यालय कैलालीका हल्कारा देवलाल चौधरी रहेका छन्। यस्तै, आन्तरिक राजश्व कार्यालय कैलालीका टा.ना.सु वासुदेव जोशी, पशु सेवा तालिम केन्द्र धनगढीका अधिकृत गोरखबहादुर खड्का, जिल्ला प्रशासन कार्यालय कैलालीका ना.सु. टिकेन्द्र प्रसाद भट्ट, प्रदेश निर्वाचन कार्यालयका ना.सु.खेमराज भट्ट, सामाजिक विकास कार्यालय बझाङका शाखा…
काठमाडौँ: आज निजामती सेवा दिवस विभिन्न कार्यक्रम गरी मनाइँदै छ । नेपालमा निजामती सेवा गठन भएको ६० वर्ष पूरा भए पनि विसं २०६२ भदौ २२ गतेबाट मात्र औपचारिकरूपमा यो दिवस मनाउन थालिएको हो । विसं २०१३ भदौ २२ गते तत्कालीन प्रधानमन्त्री टङ्कप्रसाद आचार्यको नेतृत्वको सरकारले निजामती सेवा ऐन ल्याएको दिन पारेर हरेक वर्ष निजामती दिवस मनाउन थालिएको हो । हाल करिब ८३ हजार निजामती कर्मचारी कार्यरत छन् । दिवसको अवसर पारेर संघीय मामिला तथा सामान्य प्रशासन मन्त्रालयले आज विभिन्न कार्यक्रमको आयोजना गर्दैछ । दिवसका अवसरमा आज विहान प्रभातफेरी हुँदैछ भने सोही अवसरमा निजामती कर्मचारीलाई सम्मान तथा पुरस्कार प्रदान गरिँदै छ…